JON ro Muawie 7:37 - Iwo Surua Mua Wie Pha Bible

³⁷ Sai pha iidohhè pha miigak inai shii Isu è thiichiih riu srane ziak ne yao, hanyie yi gahanghang arone gu shii wuii srane niing bo.

JON ro Muawie 7:37 ပူးပေါင်းရင်းမြစ်များ

Methiu 11:28

“Gu shii wuii bo, hanyie zab yi miihanthek ley han ne jid dun pho, nane gu shii wuii mage bo! Gu è nathek shii thung phi ruii phro.

Methiu 3:3

Jon Khowa pha bran ji ne Aijaya chaig è khi-èrek ne yao marui pha ji ro, “Bran jia ne balimuang hà ziak muii ro, ‘Ithong wuii ruii pha lumuii saro iang bo; ai lua pha lumuii miang rab phi bo!’”

Methiu 5:6

Hanyie è Hamangkhung-aphuii è chiid pha zab re-è boh yang pha ji rek pho ne sang ruii phro; “Hamangkhung-aphuii è chodang pha ley phi ruii phro!”

JON ro Muawie 1:23

Jon è aishii chang, Aijaya chaig pha è yie ne gune balimuang jabiing hà è Ithong lua pha lumuii miang rek iang bo è yao ne ziak pha goh ji ro!

JON ro Muawie 14:6

Isu è chang, “Gu ne lumuii, chiih-è izai, chiih-è sieng pha ne gu ro, gu è asi sapho shii ne hanyie magungde Aphuii shii awuii mua phro.

JON ro Muawie 4:10

Isu è chang, “Hamangkhung-aphuii è nyie phi pha ji na ne ìd arone, na shii kho lia pha ji ne hanyie na ne thieg ne, aishii na ne lia ruii phro, chiih-è ai è na shii chai phi pha kho phi ruii phro.”

JON ro Muawie 4:11

Hò-amuii è aishii yao, “Masdo,” Na shii ne kho chao pha sikhen de oi, chiih-è khabang de bajo bucho hà. Ji-è na ne chai phi pha kho khi è mua mage phlei?

JON ro Muawie 4:14

Jishii gu è phi pha kho yi hanyie è niing ai ne dinne gakhang-ahang phro. Gu è aishii phi pha kho jine gasuang duiine noi ruii phro, ji pha kho niing arone khuchung de gahang-ahang pha aishii ne idang pha chai phi ruii phro.

JON ro Muawie 5:40

Thuh de nathek chai mua yi pha gu shii wuii pha ayang ro.

JON ro Muawie 6:35

Isu è chang, “Gu ne chai pha iweb ro.” Ji-è hanyie gu shii wuii ruii pho ne khuchung de chi-iya-iy phro; chiih-è hanyie gu shii migi rek pho ne khuchung de gahang-ahang phro.

JON ro Muawie 6:37

Zab hanyie magungde Aphuii è gu shii phi pha ji ne gu shii wuii ruii phro, jiè hanyie gu shii wuii ruii pho ne gu aishii khuchung de akhia phro.

JON ro Muawie 6:55

Ji-è guro siu ne michie isbang ji ro, chiih-è guro ifai jine niing pha isbang ji ro.

JON ro Muawie 7:28

Isu yi Hamangkhung-aphuii ro Misiahò hà yua ramuii shii, ai è gang ziak ne yao, gune khi è wuii ruii pha ji ne nathek thieg ne bey? Gune gui riichai è awuii ro. Nyieliieshii hanyie è gu shii thoh ge pha ji ne izai chak ro, chiih-è aishii ne nathek athieg mua phro,

1 Khorinthek 10:21

Na ne Ithong ro gog nane ibuii ro gog ne aniing mua phro; nathek ne Ithong ro thiibliie nane ibuii ro thiiliie shii achie mua phro.

1 Khorinthek 10:4

chiih-è ithek zab ne ò pha luruak pha kho niing. Ithek ne luruak pha lubao è niing ji ne ithek rog shii wuii gieng; chiih-è ji pha boh lubao ne Masi awai ro.

1 Khorinthek 11:25

Hì duiine, dinne Ithong iweb pha iidoh shii gog chiing srane yao, “Hì pha gog ne Hamangkhung-aphuii ro iwo shiinyie ne gu ifai è phang ne ruii. Khuchung magungde na hì niing shii gu shii now pha hì rek bo.”

1 Khorinthek 12:13

Hì duiine, zab gethek ne, Jewthek chiih-è Gaibranthek magungde, khiao magunde ichad nede, chiih-è Ragung ò pha siu jia shii khowo yie, chiih-è gethek zab Ragung jia è niing pha phi.

Iphisithek 5:18

Phuii niing ne athiig rabo, jine nashii buii rek bie phro, ji phachiang shii, Ragung è ley bo.

Dong 21:6

Chiih-è ai è yao, “Hì ne rekjong ro! Gu ne igobi nane iidohè ro, jao pha nane jong pha ro. Hanyie magunde khahang-hang pho ne nyie de igong aphi chid pha chai pha khokhrug è niing yi pha rangsua phi ruii phro.

Dong 22:1

Hamangkhliie è gu shii khoboh pha kho pha chai ne khrysthal duiine khlieng pha ji riig yi, chiih-è Hamangkhung-aphuii nane shiishaiduii ro biang re-è wuii ruii

Dong 22:17

Ragung nane Phiyiybimi è yao, “Thawuii bo!” Zab hanyie yoi pho ne hì yao bo, “Thawuii bo!” Thawuii bo, Hanyie ne gahanghang pho ne; hanyie è chiid pho ne chai pha kho shii lasen duiine choi bo.