JON ro Muawie 7:28 - Iwo Surua Mua Wie Pha Bible

²⁸ Isu yi Hamangkhung-aphuii ro Misiahò hà yua ramuii shii, ai è gang ziak ne yao, gune khi è wuii ruii pha ji ne nathek thieg ne bey? Gune gui riichai è awuii ro. Nyieliieshii hanyie è gu shii thoh ge pha ji ne izai chak ro, chiih-è aishii ne nathek athieg mua phro,

JON ro Muawie 7:28 ပူးပေါင်းရင်းမြစ်များ

Methiu 11:27

“Gu Aphuii è gu shii zab manathek phi jong ro. Hanyie è dufuii shii athieg ro, Aphuii jijia è thieg bie ro, chiih-è hanyie de Aphuii shii athieg ro, dufuii ne thieg hanyie è dong yi pha gua ne ruii pha ji è thieg bie ro.

Methiu 2:23

Chiih-è Nazareth beng pha thawun shii hò rung ne raidun. Ji ne chaigthek è khi-èrek ne yao marui pha ji izai rey dun ro: “Ai ne Nazareth pho rone ho ruii phro.”

Methiu 26:55

Chiihphado Isu è bran ibrogthek shii yao, “Nathek ne gu ne Iphey shii adunmey pha blia rek pha duiine gu shii sudoh zum pha ji è khamriie nane miichangthek han ne wuii chid ne bey? Inai tham ne gu ne nathek moe shii Misiahò hà yua ne rai habuii shii nathek è gu shii azum.

LUG ro Muawie 10:22

“Gu Aphuii è zab manathek gu shii phijong ro. Chiih-è Dufuii shii hanyie de athieg ro Aphuii mithieg bie ro, chiih-è Aphuii shii de hanyie de athieg Dufuii mithieg bie ro, chiih-è ai è hanyie shii dong phi pha ne Dufuii è gua ne ruii.”

LUG ro Muawie 2:11

Sudoh pha sud shii Dawid saja pha thiig shii, nathek shii ragia rek phi pha Ithong Masi giakjong ro!

LUG ro Muawie 2:39

Ithong pha Iphey shii nyie khi-èrek chid pha ji duiine rek ched marui srane, ithek idoh Galili pha Nazareth awairo thawun awaithek hò shii thog ro.

LUG ro Muawie 2:4

Joseph de Galili pha Nazareth thawun è Judea pha Bethlehem thawun, Dawid saja giak pha ji hà wuii dun. Joseph thiisa hà wuii pha ji ne, nyieliieshii ai de Dawid saja pha riing è giak pha ji muwuii ro.

LUG ro Muawie 2:51

Ji è Isu ne ithek ro miyao nuii srane ithek rog shii Nazareth hà idoh dun din gieng. Ai amuii è ji è rek pha jithek zab lubu iliing hà now ne ruii.

JON ro Muawie 1:46

“Nathanael è aishii sai. Nazareth è de blia wie nyarey mua ne bey?” Philiph è chang thawuii ne riig bo.

JON ro Muawie 10:36

Gu shii ne Hamangkhung-aphuii è gua srane sohjambling shii thoh ge. Nyie khi-èrek ne, nathek ne gu è Hamangkhung-aphuii ro Dufuii rone yao pha ji ne biwo yao phrone yao ne bey?

JON ro Muawie 12:49

Hì ne izai ro, nyieliieshii gu miyao hì ne gui muyung ne ayao ro, jimagungde gu shii thoh ge pha Aphuii è gu shii nyie khi è yao chid pha ji yung phro.

JON ro Muawie 14:10

Nathek ne migi arek bey, Philiph, gune Aphuii rog shii um, chiih-è Aphuii ne gu rog shii um? Isu è awai samoythek shii yao, gu miyaogamthek na shii yao pha ji ne, gu è ayao ro, chiih-è gu shii um pha Aphuii ji ne awai blia rek ro.

JON ro Muawie 14:31

Jishii sohjambling pho ne thieg chid phro gune Aphuii shii miie rek, nyieliieshii ai mizen ji ne gu è zab rek phi. Thawuii ne, cho hì pha ithua è dun sha rai haro.

JON ro Muawie 16:3

Bran è nathek shii ji rek pha ji ne, nyieliieshii ithek ne Aphuii nane gu shii ne a-ìd ro.

JON ro Muawie 17:25

Giang Aphuii! sohjambling na shii athieg ro, jimagungde gu na shii thieg, ji è thieg yi gu shii na muthoh ge.

JON ro Muawie 17:3

Chiih-è idang pha chai hi ro na izai Hamangkhung-aphuii nane na è hanyie shii thoh ge pha Isu Masi shii ìd pha ji ro, chiih-è hanyie è aishii thoh ge pha Isu Masi shii thieg ro.

JON ro Muawie 3:2

Habjuang jia shii Nekhodemus è Isu hà wuii srane yao, “Rabi, gathek è na shii thieg jong, chiih-è na shii ne Hamangkhung-aphuii muthoh ge pha masdo ro. Nyieliieshii Hamangkhung-aphuii nathek rog shii oi arone nathek mirek pha buang hì ne arek mua.”

JON ro Muawie 3:33

Jishii hanyie è ai mua ji yoi arone ai ne Hamangkhung-aphuii è izai rone yaothiakjong ro.

JON ro Muawie 5:32

jishii guro miyao shii khagi yao pha ne yoh jia um ro, chiih-è gune thieg gu chiang shii nyie yao pha ji ai ne izai chak ro.

JON ro Muawie 5:43

Gu ne gui Aphuii ro riichai rog shii wuii ruii phro, jishii nathek è gu shii achoi, chiih-è bran awai riichai rog shii wuii arone nathek aishii choi iwa.

JON ro Muawie 6:42

Ji-è ithek yao, “Hì pha bran hì ne Joseph ro dufuii Isu ji asi bey? Chiih-è gathek ne airo aphuii amuii shii de thieg, jimagungde ai ne khi-èrek ne hamangkhung è wuii phrone yao mua phlei?”

JON ro Muawie 7:14

Sai pha ji yi khuyo jong sha pha rek shii, Isu è Hamangkhung-aphuii ro Misiahò hà wuii srane jao ne yua ramuii.

JON ro Muawie 8:14

Asi, Isu è aishii chang, gui è gui chiang haro yao magungde, gu miyao jine izai chak ro, nyieliieshii gune khi è wuii chiih-è gu khi hà dun din ramuii pha ji ne gui thieg chak ro. Nathek ne gu khi è wuii pha ji nane gu khi hà dun ramuii pha ji ne athieg ro.

JON ro Muawie 8:16

Jishii gu è chua magunde gu ne izai chua ruii phro, nyieliieshii hì pha blia hì ne gui jijia asi ro, chiih-è gu shii thoh ge pha Aphuii de gu rog shii um ro.

JON ro Muawie 8:19

Ithek è aishii sai, na Aphuii ne giisa lei? Ai è ithek shii chang nathek gu shii de athieg ba ro chiih-è nathek gu Aphuii shii de athieg mua ba ro. Nathek è gu shii thieg arone gu Aphuii shii de thieg jong phro.

JON ro Muawie 8:26

Gu ithek shii bajo yao pha de um ro, chiih-è gune ithek shii bajo nin pha miyao de um ro. Gu shii thoh ge pha ji ai ne izai chak ro, gune sohjambling shii nyie yao pha ji ne ai è yoi ne yao bie phro.

JON ro Muawie 8:42

Isu è ithek shii yao, Hamangkhung-aphuii ne izai nathek ro Aphuii chak arone, nathek ne gu shii miie phro, nyieliieshii gune Hamangkhung-aphuii è wuii phro, chiih-è thuh gune ichiih shii um ro. Chiih-è gune gui lum ne awuii ro, jishii gu shii ne ai mutho ge ro.

JON ro Muawie 9:29

Gu ne thieg Hamangkhung-aphuii è Moses shii ne miyao yao, chiih-è ji pha bran ne khi è wuii rai lei ne gathek ne Ìujia de athieg ro.

Bliathek 17:23

Ji-è, gune nathek rajan hì shan ne lua srane ithek sia pha ithuathek riig mage shii, gu è nathek sia pha lubao jia shii hì è zey ne um iang pha doh ruii ro, “A-ìd pha jangbang shii nathek è hanyie shii sia pha ji ro.” Ji ne nathek è a-ìd magungde gu è nathek shii sudoh shii yua pha ji ro.

Romanthek 1:28

Nyieliieshii ji pha branthek ne Hamangkhung-aphuii ro isbang ji khani hà ruii pha anuii, Ai è ithek lakhung shii awie pha khani phi, ji è ithek ne arek pha blia ji rek.

Romanthek 3:4

Khuchunde asi phro! Hamangkhung-aphuii ne izai ro, jigigam shii yao pha duiine. Zab pha branthek rang de biidiie ro, “Nathek è yao shii nathek ro izai doh ruii phro.” “Nathek bidiang shii nathek ro maley ne yang ruii phro.”

2 Khorinthek 1:18

Hamangkhung-aphuii izai yao pha duiine, gu è nathek shii sbang rek pha ji ne “Oh,” nane “Asi” ne asi ro;

2 Khorinthek 4:6

Hamangkhung-aphuii hanyie è yao, “Igiia ne isang chuang ruii phro!” jine ò Hamangkhung-aphuii hanyie è awairo isang gethek lubu shii chuang phi, hì pha blia ne Masi mizia shii Hamangkhung-aphuii ro biisiie chuang pha khani ji gathek shii noh pha rek.

Thaidas 1:2

Nyie yi idang pha chai luthong ji shii rai ro. Hamangkhung-aphuii hanyie ne biidiie asi pha ji ne, gethek shii hì pha chai ne ishak jao pha ibi è sbang rek,

Hebriuthek 6:18

Chiihphado, hì shii ne nyi miyaothek ro, jine khuchung de alai muii chiih-è Hamangkhung-aphuii ne ji pha chiang è biidiie arey phro. Ji-è gethek ne ai rog shii ragia doh ne gethek ibi shii ruii phi pha luthong ji shii chuh khoh bone boh lububo rek phi ro.

1 Jon 5:10

Ji-è hanyie è Hamangkhung-aphuii ro Dufuii shii migi rek ai ne hìpha khagi shii awaithek lubu hà ruii; jishii hanyie è Hamangkhung-aphuii shii migi arek, ai ne Hamangkhung-aphuii shii khlam pha rab ro, nyieliieshii ithek ne Hamangkhung-aphuii è awai Dufuii chiang shii yao pha ji shii migi arek ro.