JON ro Muawie 6:37 - Iwo Surua Mua Wie Pha Bible

³⁷ Zab hanyie magungde Aphuii è gu shii phi pha ji ne gu shii wuii ruii phro, jiè hanyie gu shii wuii ruii pho ne gu aishii khuchung de akhia phro.

JON ro Muawie 6:37 ပူးပေါင်းရင်းမြစ်များ

Methiu 11:28

“Gu shii wuii bo, hanyie zab yi miihanthek ley han ne jid dun pho, nane gu shii wuii mage bo! Gu è nathek shii thung phi ruii phro.

Methiu 24:24

Chiih-è biidiie Masithek nane biidiie chaigthek dong ruii phro; rek mua arone, ithek ne boh buangthek nane wieng pha blia rek ne Hamangkhung-aphuii mugua pha bran shii khinrin ruii phro.

JON ro Muawie 17:11

Thuh shii gu na hà wuii sha ruii ro; gu ne sohjambling shii arai sha phro, jimagungde ithek ne ichiih sohjambling shii ro. So Aphuii! Gu shii phi muii pha ibeng, na ibeng pha blu è ithek shii ragia ruii bo, chiih-è ginyi jia rek pha duiine ithek shii de jia rek yi bo.

JON ro Muawie 17:2

Na è aishii zab pha bran lakhung shii riichaithek phi, jiè ai ne idang pha chai aishii phi pha nathek zab shii phi mua.

JON ro Muawie 17:24

“Aphuii! Na è ithek shii ne gu shii phi, chiih-è gu khi hà um ithek shii de gu rog shii um bo è yang muii ro, jiè biisiie na è gu shii phi guro biisiie yi ithek riig mua; chiih-è sohjambling rab pha ibi è na gu shii miie.

JON ro Muawie 17:6

Na è sohjambling è hanyie gu shii phi pho ithek na shii thieg yi. Ithek ne naro ro, chiih-è na è ithek shii ne gu shii phimuii. Ithek è na miyaogam nuii,

JON ro Muawie 6:39

Chiih-è hanyie gu shii thoh ge pha ai è yang pha ji ro, ai è gu shii nyie phi pha jiè jia de asan yi bo ne now ro, jishii gune iidohhè pha inai shii ai zab shii chai hòi yi chid phro.

JON ro Muawie 6:65

Chiih-è ai è yao, “Hì pha chiang è gu ithek shii yao dang phro, aphuii è abo sapho shii ne hanyie de gu shii awuii mua phro.”

JON ro Muawie 9:34

Ai è chang, nathek ne layog è giak ne sieng pha bran, “Chiih-è na ne gathek shii yua pha bidiang ne bey?” Chiih-è ithek è aishii Jewthek misiahò fuang khia muii.

Romanthek 5:20

Ichiig ne bajo rey yi pha Iphey doh yi phro; jishii khihà layog bajo rey, Hamangkhung-aphuii ro bushun ne dinne de bajo rey ruii phro.

Philiphithek 1:29

Nathek shii ne Masi ro blia rek pha jo phijong ro, aishii migi rek bie pha ji asi ro, jishii ai chiang shii diigchiao zud rek pha phi phro.

1 Thimothi 1:16

jishii Masi Isu ro jum ne ley gu rog shii um rone Hamangkhung-aphuii ne gu shii bushun rek phi, layog è de bajo layog gui shii, doh hà hanyie re-è aishii migi rek ne chiih-è idang chai mua pho shii de miiriig rey dun phro.

2 Thimothi 2:19

Jishii Hamangkhung-aphuii è zieg pha ii-àk sarong ji shii ne anai mua ro; chiih-è ji shii ne hì pha miyaogamthek ne zeyjong ro: “Ithong ne thieg hanyie yi ai ro.” Chiih-è “Hanyie yi Ithong ro rone yao ithek ne awie pha rek pha ji re-è ruang khid chid.”

Hebriuthek 4:15

Gethek ro Kho phabi jine luang jia de gethek ro zia pha rog shii bushun arey mua sapho asi ro. Ji phachiang shii, gethek shii kho phabi um hanyie shii ne gethek chiang zab pha lumuii shii chuajan jong ro, jimagunde layog arek ro.

Hebriuthek 7:25

Chiih-è ji è, ai re-è hanyie Hamangkhung-aphuii shii wuii pha ji shii ragia rek phi pha, thuh nane idang rek mua ro, nyieliieshii ai ne idang isieng chiih-è ithek chiang ai ne Hamangkhung-aphuii rog shii khung phi ro.

1 Jon 2:19

Hì pha bran ne izai gethek ro òsia è asi ro, chiih-è ji è ithek gethek shii thohmaruii ro; ithek yi gethek òsia è arone, ithek ne gethek rog shii rai chid. Jishii ithek ne thohmuii, ji è jine sang ro ithek ne hanyie jia de izai gethek re è asi chak ro.

Dong 22:17

Ragung nane Phiyiybimi è yao, “Thawuii bo!” Zab hanyie yoi pho ne hì yao bo, “Thawuii bo!” Thawuii bo, Hanyie ne gahanghang pho ne; hanyie è chiid pho ne chai pha kho shii lasen duiine choi bo.