JON ro Muawie 5:24 - Iwo Surua Mua Wie Pha Bible

²⁴ Gu nathek shii izai yao, hanyie è gu miyaogamthek yoi ne chiih-è gu shii thoh ge pha jishii de migi rek arone, aishii idang pha chai um ruii phro. Aishii ne achua ruii phro, jimagungde iy pha ji è hòi ne chai hà muajong ro.

JON ro Muawie 5:24 ပူးပေါင်းရင်းမြစ်များ

Methiu 25:46

Chiihphado jine idang pha lago thog ruii phro, Jishii giangthek ne idang pha chai hà dun ruii phro.

Marg 16:16

Hanyie è migi now ne gu beng è khowo yi pho ne lago è ragia re ruii phro; chiih-è, hanyie thek è migi arek pho ne layog the ruii phro.

JON ro Muawie 11:26

chiih-è hanyie gu rog rai ne gu shii migi now arone khuchung de a-iy phro. Nathek de jishii migi now bey?

JON ro Muawie 12:44

Isu è ziak ne yao, “Hanyie gu shii migi rek gu jia shii migi arek jimagungde gu shii thoh ge pha aishii de migi rek.

JON ro Muawie 20:31

Chiih-è ichiih shii zey pha ji ne nyieliieshii Isu ne Masi chak ro, chiih-è Hamangkhung-aphuii ro dufuii ro è migi rek yi pha, chiih-è nathek ro migi aishii rek pha jiè nathek ne chai mua ruii phro.

JON ro Muawie 3:16

Chiih-è Hamangkhung-aphuii è sohjambling shii bajo miie rek ne awairo Dufuii iphen jia ji de phi muii, jiè hanyie magungde aishii migi rek arone ji pho ne khuchung de a-iy phro, jishii idang pha chai mua ruii phro.

JON ro Muawie 3:18

Ji-è hanyie è Dufuii shii migi rek arone jishii ne achua ruii phro, chiih-è hanyie è aishii migi arek pho shii ne chua jong ro, nyieliieshii ai è Hamangkhung-aphuii ro Dufuii iphen shii migi arek.

JON ro Muawie 3:36

Ji-è hanyie yi Dufuii shii migi rek arone, ai ne idang pha chai um ruii phro, chiih-è hanyie yi bran Dufuii shii migi arek arone ai ne chai amua ruii phro, jishii aishii ne Hamangkhung-aphuii ro lago mua ruii phro.

JON ro Muawie 4:36

Ji-è yamiing chiig pho ne riinang mua ne idang pha chai iwoi chiig ruii phro, nyieliieshii raig hai pha Ithong nane raig chiig pha bran ne bajo ò shii sang ruii phro.

JON ro Muawie 6:40

Chiih-è gu Aphuii nyie now pha ji ne hì ro hanyie è Dufuii shii riig ne migi rek pho ne idang pha chai mua ruii phro. Chiih-è iidohhè pha inai shii gune aishii hòi ne sieng din yi pha ro.

JON ro Muawie 6:47

Gu nathek shii izai yao dang phro: Hanyie è migi rek arone idang sieng pha chai mua phro.

JON ro Muawie 6:50

Jishii Hamangkhung è thog pha iweb ji ne zai hanyie è chie pho ne a-iy phro.

JON ro Muawie 6:51

Gune Hamangkhung è wuii thog pha isieng iweb ro. Ji-è hanyie magung de ji pha iweb chie arone idang sieng ne rai ruii phro. Chiih-è gu miphi pha iweb ji ne gu siu ro, gu è ji phi pha ji ne sohjambling pho de sieng mua pha phi phro.

JON ro Muawie 6:58

Ji-è Hamangkhung è thazam wuii ruii pha iweb ne hì ro; chiih-è hì pha iweb ne ithek blangthek è chie marui srane iy dun pha ji-duiine asi ro. Hanyie magungde hì pha iweb chie arone idang sieng ne rai ruii phro.

JON ro Muawie 8:51

Gune ithek shii izai yao dang phro: Hanyie è gu muyua ji nuii pho ne khuchung de a-iy phro.

Romanthek 8:1

Thuh shii hanyie ne Masi Isu rog shii ò rai pho ne the pha oi sha phro.

1 Thesalonithek 5:9

Hamangkhung-aphuii è gethek shii airo lijieg shii diig yi pha agua ro, jimagunde gathek ro Ithong Isu Masi chiang è giawo shii mua yie pha gua ro.

1 Phithar 1:21

Ai chiang è nathek hamangkhung-aphuii shii migi rek, hanyie aishii iy pha ji è hòi yi ne aishii biisiie phi; chiih-è ji-è nathek ro migi nane luthong ne Hamangkhung-aphuii shii um ro.

1 Phithar 1:5

Jithek ne nathek ro ro, nawaithek migi re è Hamangkhung-aphuii ro blu re-è iidohè hà khia pha giawo shii deb rek ne ruii pha ji shii nathek shii ragia rek ruii phi ro.

1 Jon 3:14

Gethek ne ìd gethek ne iy pha ji è hiìa ne chiih-è chai hà thogjong; gethek ne hì ìd nyieliieshii gethek ne khuiino nane bumuii shii de miie ro. Hanyie è amiiepho ne thuh de iy pha blu hà ro.

1 Jon 5:1

Hanyie è Isu shii Masaiya rone migi rek ai ne Hamangkhung-aphuii ro ani ro; chiih-è hanyie è aphuii shii miie ai ne dufuii shii de miie ro.