JON ro Muawie 5:16 - Iwo Surua Mua Wie Pha Bible

¹⁶ Ithek è Isu shii riig ramuii, nyieliieshii ai è wie rek phi pha ne Jew Thung pha inai shii ro.

JON ro Muawie 5:16 ပူးပေါင်းရင်းမြစ်များ

Methiu 12:13

Ji è yao ched dang Isu è wad slemriie riie pha bran ji shii yao, “Na wad phiang phia mage bo.” Ai è de wad phia mage shii ji pha slemriie pha ji ne gai pha wad duiine wie rey dun.

Marg 3:6

Ji è re mage ne ji pha Pharisithek ne Jewthek misiahò ji thoh srane Herod ro branthek rog shii dug srane Isu shii ua pha phak rai.

LUG ro Muawie 6:11

Ithek ne ji riig srane bajo lijieg ne Isu shii nyie rek sha pha fuang hà dun ne awaithek chung nung rai.

JON ro Muawie 1:19

“Na ne hanyie lei?” Ne sai pha Jewish riichai è Jerusalem pha phabi nane liwithek shii Jon moe hà thohge.

JON ro Muawie 10:39

Ithek è aishii dinne zum pha rek shii, jishii Isu ithek wad è thua mua ne dun dun.

JON ro Muawie 15:20

“Ji-è gu è nyie yao pha ji ne nowkhlei bo; khiao ne awai Ithong è ne boh asi phro.” Chiih-è bran è gu shii diig rek arone, nathek shii de bajo diigchio rek ruii phro; chiih-è ai gu miyao pha miyao ji nuii arone, ithek de nathek shii bajo nuii phi phro.

JON ro Muawie 5:10

Ji-è Jewthek pha dumuii è gang rey pha bran ji shii yao, “Hì ne Jew Thung pha inai ro, hì pha inai shii na nawai lawio han phaji ne gathek Iphey shii gidieg rek ro.”

JON ro Muawie 5:13

Jishii wie rey pha bran jiè Isu shii athieg, nyieliieshii ji pha ithua shii bran iphiing um, chiih-è Isu ne ji pha ithua è khia jong dun.

JON ro Muawie 5:15

Chiihphado ji pha bran è Jewthek dumuii shii wuii srane yao, gu shii gang rek pha bran ne Isu ro.

JON ro Muawie 5:17

Isu è aishii chang, “Gu Aphuii ne idang blia rek phro, chiih-è gu de ai blia rek chid phro.”

JON ro Muawie 5:18

Hì è yao pha ji è Jew ro dumuii è dinne Isu shii lamuna ua pha surui, nyieliieshii ai è Jew Thung pha inai pha Iphey ji chui bie pha asi pha, Hamangkhung-aphuii shii de awai Aphuii ro è yao, chiih-è dinne awaishii de Hamangkhung-aphuii è ò rab.

JON ro Muawie 7:21

Isu è aishii chang, “Gu è buang pha blia jia rek bie shii nathek ne wiengphleg dun.”

JON ro Muawie 7:25

Jerusalem pha giak bran è yao, “Hì pha bran hì ne rangsuathek è ua pha suruii ramuii pha ji asi bey?