JON ro Muawie 4:39 - Iwo Surua Mua Wie Pha Bible

³⁹ Samarithan thawun pha bajo bran è Isu shii migi rek, nyieliieshii hò-amuii ji è yao, Isu è gu è rek pha ji zab yao.

JON ro Muawie 4:39 ပူးပေါင်းရင်းမြစ်များ

Methiu 10:5

Isu è ji pha samoy snanyi shii miyao yua ne fuang thoh ge: Gai bran pha soh shii nane Samaria thawunthek shii awuii rabo.

JON ro Muawie 1:37

Chiihphado samoy nyi è ai miyao ji yoi srane Isu rog luagieng.

JON ro Muawie 11:45

Mery shii wuii pha bran bajo è Isu mirek ji doh ne, ithek aishii migi rek.

JON ro Muawie 4:29

Thawuii ne ji pha bran shii riig bo, gu è nyie rek pha ji ne, ai è zab yao ro. Yang ne Masi ne ai asi bey?

JON ro Muawie 4:30

Ji-è ai thawun shii thoh srane Isu hà wuii dun.

JON ro Muawie 4:38

Gu è nathek shii khi hà blia arek pha gai è rek pha raig shii yamiing chiig pha thoh ge ruii phro ro, nyieliieshii nathek ne gai è blia rek pha raig è de phua yi.

JON ro Muawie 4:40

Ji-è Samarithanthek è Isu shii wuii ne khung srane ai rog shii rai bo è yao, jiè Isu ai rog shii inai danyi rai.

JON ro Muawie 4:42

Chiih-è bran è ji pha hò-amuii jishii yao na miyao ji jia è migi now bie pha asi ro, nyieliieshii gathek è de ai miyao ji yoijong ro, chiih-è gathek ne thieg jong hì ai ne sohjambling shii ragia rek pha izai ji chak ro.

JON ro Muawie 4:5

Chiih-è ai Samaria pha thiig Sykhar beng pha ithua Jakhob è awai dufuii Joseph shii phi pha raig è lumuii ruang asi pha ji hà wuii thog.

JON ro Muawie 4:8

(Ji pha ishak shii airo samoythek yi michie pheg pha bajarai hà wuii dun.)