JON ro Muawie 3:2 - Iwo Surua Mua Wie Pha Bible

² Habjuang jia shii Nekhodemus è Isu hà wuii srane yao, “Rabi, gathek è na shii thieg jong, chiih-è na shii ne Hamangkhung-aphuii muthoh ge pha masdo ro. Nyieliieshii Hamangkhung-aphuii nathek rog shii oi arone nathek mirek pha buang hì ne arek mua.”

JON ro Muawie 3:2 ပူးပေါင်းရင်းမြစ်များ

Methiu 22:16

Ji-è ithek è awaithek ro samoythek nane Herod ro branthek shii ai hà thoh ge. “Masdo,” ithek è yao, “Gathek ne thieg nane izai yao. Na ne Hamangkhung-aphuii ro yang pha izai ji yua phi, gai munow shii ne nyie de samadiig ro, nyieliieshii nane gaithek shii boh ìu ariig ro.

Methiu 23:7

ithek ne branthek è ithek shii bajaraithek hà ilab phi ne masdo rone ho pha ji wie now.

Methiu 23:8

Nawaithek chung ne Masdo Nyieliieshii ithek ne khuiinothek ro chiih-è ithek masdo ne jia bie ro.

Marg 12:14

Ithek aishii wuii srane sai, “Masdo, gathek ne thieg nane izai yao phro, nane branthek è nyie now na de sam-adiig pha yao phro, branthek ro ilab shii de nyie ilab aphi pha rek ro. Jishii branthek shii Hamangkhung-aphuii muyang pha chiang shii nane izai yao phro, Gathek shii yua riig bo Romanthek saja dumuii shii mijin phi pha ji ne gethek Iphey shii buii bey? Gathek ne ithek shii nyaphi ne ba asi aphi chiid haba?”

JON ro Muawie 1:38

Isu è isa yi ai iidoh shii lua pha ji riig srane iidoh riie ne riig ne sai, isa nyie riig ramuii lai?” Ai è chang, “Na khi hà rai phlei Rabi” (Hì pha miyaogam yi “Masdo” ro è yao.)

JON ro Muawie 10:38

Jishii gu ai è yang pha ji shii rek magunde nathek gu shii migi anow ro, nathek ne gu è rek pha ji è aphuii gu shii um rone chiih-è gune aphuii rog shii um rone nathek ne gu blia shii ìujia ne migi rek miidang bo.

JON ro Muawie 12:37

Chiih-è ai è ji buangthek ithek moe shii rek magungde ithek è aishii migi arek,

JON ro Muawie 14:10

Nathek ne migi arek bey, Philiph, gune Aphuii rog shii um, chiih-è Aphuii ne gu rog shii um? Isu è awai samoythek shii yao, gu miyaogamthek na shii yao pha ji ne, gu è ayao ro, chiih-è gu shii um pha Aphuii ji ne awai blia rek ro.

JON ro Muawie 15:24

Hanyie è de arek pha blia ji gu è ithek duchoi shii arek phi arone, ithek ne ichiig layog ji ne oi pha habuii shii, ji gu è nyie rek pha ji ne ithek è dohjong, chiih-è ithek è aphuii nane gu shii khiijai rek.

JON ro Muawie 2:11

Isu è hì pha igobi buang ne Galili pha gaithek shii rek srane, airo biisiie doh yi, chiih-è airo samoy de aishii migi now.

JON ro Muawie 20:16

Isu è hò-amuii ji shii yao, “Mery!” Ai è aishii rei srane Hebriu nyuak è yao, “Robboni” (Hì è yao pha ji ne “Masdo” ro è yao).

JON ro Muawie 3:26

Ji-è ai ne Jon shii wuii srane yao, “Masdo, nathek è yao muii pha bran na rog shii um pha bran ne hayang pha Jordan pha thrang um pha ji na ne thieg chak bey? Ai ne thuh shii khowo phiramuii ro, bran de ai hà wuiiramuii ro!”

JON ro Muawie 4:31

Hanai duchoi rey mage shii samoythek è Isu shii khung ne yao, Masdo, nyie magunde chie bo!

JON ro Muawie 5:36

Jishii gune Jon è phi pha khagi è de boh khagi gui phi ruii phro, chiih-è gu nyie rek pha ji ne Aphuii è gu shii rek yi pha ji ro, hì è gu shii yao yi gu shii ne ai è thoh ge ro.

JON ro Muawie 6:2

Jishii ai è bran rad pha ji shii buangthek pha blia rek ne gang phi pha ji riig srane bran ibrog ai rog shii luagieng.

JON ro Muawie 7:31

Jishii thiichiih pha iphiing è bajo bran è aishii migi rek srane yao, “Masi wuii ruii shii ai ne hì pha bran mirek pha buangthek pha blia ji è de bajo rek ba ruii habey?”

JON ro Muawie 9:16

Giak Pharisithek è yao, “Hì pha blia rek pha bran hì ne Hamangkhung-aphuii è asi phro, nyieliieshii ai è Jew Thung pha inai pha Iphey ji anuii.” Jishii giak è yao, “Layogpho jia ne khi-èrek ne hì è rek pha buangthek pha rek mua mage phlei?” Chiih-è ai munow jine che dun.

Bliathek 10:38

Nathek de Nazareth pha Isu shii Hamangkhung-aphuii è khi-è rek ne Ragung So nane blu phi pha ji thieg iwa. Ai ne soh soh hà wuii srane wie bliathek rek phi ne ibuii ragung pha blu è jiang pho shii gang phi, nyieliieshii, Hamangkhung-aphuii ai rog shii um dun.

Bliathek 2:22

Hì pha miyaogamthek yoi mage bo, gu ijak Israelith pho wo! Nazareth pha Isu ne riichai so um pha bran rone doh pha ne Hamangkhung-aphuii è buangthek nane anomuluii pha bliathek rek pha è doh dun ro. Hìthek rey pha ne nawaithek duchoi shii rey pha ji è nawaithek de thiegjong.

Philiphithek 1:14

Chiih-è gu phatheg hà um pha ji ne bajo migiphothek ne Ithong shii muna lububo rey dun, ji è ithek ne zab pha ishak shii mua ne arumdang pha yua pha lububo rey dun.