JON ro Muawie 21:7 - Iwo Surua Mua Wie Pha Bible

⁷ Chiih-è Isu è miie rek muii pha samoy è Phithar shii yao, “Hì ne Ithong chak ro!” Phithar è Ithong chak ro è yoi mage ne, ai awai yung fiie srane (awai yung than muii) chiih-è kho iliing hà lung dun.

JON ro Muawie 21:7 ပူးပေါင်းရင်းမြစ်များ

Marg 11:3

Ji è rek shii branthek è sai ruii arone, ithek shii yao mage bo, hìne Masdo è chiid muii ro, hìne jog idoh thoh din ruii phro.”

LUG ro Muawie 12:35

Hanyie magunde wuii ruii shii blia rek pha yung guii ne chiih-è naro ichuangthek chuang ne ruii bo.

LUG ro Muawie 2:11

Sudoh pha sud shii Dawid saja pha thiig shii, nathek shii ragia rek phi pha Ithong Masi giakjong ro!

LUG ro Muawie 7:47

Ji è, gu na shii yao, airo bajo miie pha ji è airo layogthek ne khungjong ge ro è doh yi ro. Jishii layog ìujia khung bie pha ne, airo miie pha de ìujia bie rone doh yi phro.”

JON ro Muawie 13:23

Isu ro samoythek è, ai è miie rek muii pha jia ji ai moe shii dug.

JON ro Muawie 19:26

Isu è awai amuii nane awai samoy hanyie shii ai è miie pha ji yi thiichiih shii riu pha doh; jiè ai è awai amuii shii yao, “Hì ne naro Dufuii ro.”

JON ro Muawie 20:2

Chiih-è Simon Phithar nane gai samoy hanyie shii Isu miie rek muii pha samoy shii ran srane yao, “Ithong shii ne ithek è wieng è noh dun ro, chiih-è aishii khi hà ruii rai lei ne, gathek ne athieg mua ro!”

JON ro Muawie 20:20

Ji-è yao ched pha iidoh shii, ai è awai wad chiih-è awai siu ithek shii riig ba yi. Chiih-è samoy è Ithong shii riig srane sang dun.

JON ro Muawie 20:28

Chiihphado è Thomas è chang, “Gu Ithong chiih-è gu ro Hamangkhung-aphuii!”

JON ro Muawie 21:20

Phithar è iidoh rei srane riig shii, Isu è miie rek muii pha—Gai samoy jia Isu rog shii michie chie pha dug muii pha ji è sai “Ithong, Na shii zum yi pha rek pha ji ne hanyie lei?” Ji è sai muii pha ji doh.

JON ro Muawie 21:24

Ji-è yao ne, ji yao pha ji chiih-è ji zey pha ji pha samoy jia ro; chiih-è gathek ne thieg ai nyie yao pha ji ne izai chak ro.

JON ro Muawie 21:8

Chiihphado è gai samoy de run è iring hà wuii srane chiug ley ù ji ri gieng, nyieliieshii ai yi ji pha soh è giia wieng jia nyama pha de asi pha ji um iang.

Bliathek 10:36

Nathek de thieg iwa! Ai è Israel pho shii mua thoh phane Isu Masi, zab pha Ithong pha, Liijiing pha Mua Wie ji yao bo ne thoh pha ji ro.

Bliathek 2:36

“Israel pha branthek wo! Hì ne thieg mage bo, nathek è zun ne ua pha Isu hì ne Hamangkhung-aphuii è gethek Ithong nane Masi rab phi ro.”

1 Khorinthek 15:47

Igobi pha Adam ne, nyiak è rab ne, sohnyiak è wuii; chiih-è din pha Adam ne Hamangkhung è wuii ro.

2 Khorinthek 5:14

Gethek zab ne Masi ro miie è khoh dun ro, jiè thuh, gethek ne thieg zab pha chiang è bran jia ne iy dun, hì nyie yao pha ji ne ai è iy shii gethek zab de mathang ro.

Jems 2:1

Gu khuiinothek nane bumuiithek, Gathek ro biisiie pha Ithong Isu Masi pha migiphothek duiine, nathek ne branthek shii ithek ro fuang è doh yi pha ji duiine khuchung de haro-ahand rabo.