JON ro Muawie 20:29 - Iwo Surua Mua Wie Pha Bible

²⁹ Isu è aishii yao, “Nyieliieshii na è gu riigjong pha ji re-è migi rek ne bey? Jimagungde hanyie è gu shii ariig pha migi rek arone ai ne bajo sang ruii phro!”

JON ro Muawie 20:29 ပူးပေါင်းရင်းမြစ်များ

Methiu 13:16

“Nathek ne khama wie ro! Nathek miegthek ne doh dun ro, chiih-è nathek khow ne yoi ro.”

LUG ro Muawie 1:45

Ithong pha mua ji ne na shii izai rey ruii phrone yao pha ji shii migi rek pha ji è khama sang phro!”

JON ro Muawie 20:28

Chiihphado è Thomas è chang, “Gu Ithong chiih-è gu ro Hamangkhung-aphuii!”

JON ro Muawie 20:8

Chiihphado è wieng ibi wuii thog pha gai samoy, de iliing hà wuii srane, aishii riig ne migi rek.

JON ro Muawie 4:48

Isu è aishii yao, “Na ne buangthek pha blia ariig sapho shii ne migi arek ro.”

2 Khorinthek 5:7

Chiih-è gethek ro chai ne migi pha miyao è sieng ruii phro, jishii riig pha miyao ji asi ro.

Hebriuthek 11:1

Migi um pha ji è gethek luthong pha manathek shii ne zai mua ruii, gethek è adoh pha manathek jine um rone migi rek.

Hebriuthek 11:27

Hì ne migi re-è rey ro Moses ne sajathek ro lijiègthek shii arum pha Egyph thoh muii ro. Ai ne adoh pha Hamangkhung-aphuii shii do, ji è ai ne iidoh khid pha ji shii anuii ro.

Hebriuthek 11:39

Hì thek zab sasab ne ithek ro migi um pha ji è yang ge ro! Jimagunde Thuh de ithek ne Hamangkhung-aphuii è sbang rek pha ji shii ne achoi ro.

1 Phithar 1:8

Nathek ne aishii adoh, jimagunde nathek ne aishii miie, nathek ne thuh adoh ba jimagunde nathek aishii migi rek. Ji-è nathek ne nyie miyaogamthek è ayao mua pha boh biisiiethek pha lubo shii nathek sang ro,