JON ro Muawie 20:17 - Iwo Surua Mua Wie Pha Bible

¹⁷ Jishii Isu è hò-amuii shii yao, “Gu shii akhoh rabo,” “Nyieliieshii gu thuh de iidoh lakhung hà Aphuii shii awuii ba ro. Jimagungde gu khuiithek shii wuii srane yao bo, gu ne gui Aphuii nathek ro chiih-è guro Hamangkhung-aphuii chiih-è nathek ro Hamangkhung-aphuii shii khid ramuii ro.”

JON ro Muawie 20:17 ပူးပေါင်းရင်းမြစ်များ

Methiu 12:50

Hanyie è hamangkhung hà um pha gu Aphuii è aishii nyie rek phi bo yang pha ji rek phi pho ne gu khuiinothek, gu bumuiithek chiih-è gu amuii ro.”

Methiu 25:40

Saja è chang ruii, gu nathek shii yao, nathek è khuchung magunde guro dusho khuiinothek jia shii nong rek phi arone na è gushii rek phi ro.

Methiu 28:7

Thuh shii jog dun ne, ai samoythek shii yao bo, chiih-è ai ne iy pha ji è hòi ro, thiisa hà ai ne ithek ibi hà Galili hà dun ramuii ro; thiisa hà nathek ne aishii doh ruii phro! Chiih-è gu nathek shii nyie yao pha ji now bo.”

Marg 12:26

Iy pho ne hòi ruii phro, ithek ne jabiing hòi pha Moses ro Jigigam ji shii atham bey? Thiichiih shii zey phro Hamangkhung-aphuii è Moses shii yao, ‘Gune Abraham ro Hamangkhung-aphuii ro, Isakh ro Hamangkhung-aphuii ro, chiih-è Jakhob ro Hamangkhung-aphuii ro’ Ai è ji yao shii ne bajo idam ibi hà ithek ne iy jong ro.

Marg 16:19

Chiihphado Ithong Isu è ithek shii yao ched ne aishii ne Hamangkhung hà noh dun phro. Thiisa hà Hamangkhung-aphuii phazoi moe shii dug dun phro.

LUG ro Muawie 10:4

Chiih-è nathek bang chab pha biia, chiih-è chayem pha buii, chiih-è lakhia de ayie rabo, chiih-è lumuii hà hanyie shii magunde wad khung ne yao pha athung rabo.

JON ro Muawie 13:1

Hiìadun Sai pha inai ibi shii, Isu ne thieg ai ne sohjambling shii thoh marui srane Aphuii shii dun pha ishak rey sha. Ai è awairo sohjambling pha bran shii ne idang miie rek, chiih-è ai ne iidohhè thog magungde ithek shii bajo miie rek.

JON ro Muawie 13:3

Isu ne thieg Hamangkung-aphuii blu ne zab aishii phi ne ruii; chiih-è ai ne thieg ai ne Hamangkhung-aphuii è wuii jiè ai ne Hamangkhung-aphuii hà dun pha ro.

JON ro Muawie 14:2

Thiisa hà Aphuii hò shii ne ùgudthek bajo um ro, chiih-è gune thiisa hà dun srane nathek ro ithua saro iang pha ro. Thiisa ithua oi arone gu nathek shii ayao phro.

JON ro Muawie 14:28

Gu è nathek shii yao pha ji ne na ne nuii, “Gu ne thoh ne dun sha, jimagungde gu iidoh nathek shii wuii din ruii phro.” Na gu shii miie rek chak arone gu aphuii hà dun shii ne na lised ruii phro; chiih-è aphuii ne gu è boh ro.

JON ro Muawie 14:6

Isu è chang, “Gu ne lumuii, chiih-è izai, chiih-è sieng pha ne gu ro, gu è asi sapho shii ne hanyie magungde Aphuii shii awuii mua phro.

JON ro Muawie 16:28

Gu ne Aphuii è wuii thog, gu ichiih sohjambling shii wuii; jiè gune ichiih sohjambling hì thoh marui srane gui Aphuii shii dun sha pha ro.”

JON ro Muawie 17:11

Thuh shii gu na hà wuii sha ruii ro; gu ne sohjambling shii arai sha phro, jimagungde ithek ne ichiih sohjambling shii ro. So Aphuii! Gu shii phi muii pha ibeng, na ibeng pha blu è ithek shii ragia ruii bo, chiih-è ginyi jia rek pha duiine ithek shii de jia rek yi bo.

JON ro Muawie 17:25

Giang Aphuii! sohjambling na shii athieg ro, jimagungde gu na shii thieg, ji è thieg yi gu shii na muthoh ge.

JON ro Muawie 17:5

Aphuii! Sohkhung arab ba pha ibi shii guro biisiie ji thuh na um ba shii gu shii phi bo.

JON ro Muawie 20:27

Chiih-è ai Thomas shii yao, “Na wad bieng ichiih shii ruii mage bo, chiih-è gu wad shii riig mage bo; chiih-è nawai wad miang rek srane guro siu riie shii wiang mage bo, chiih-è athan pha, migi rek mage bo!”

JON ro Muawie 7:33

Isu è yao, gune ichiih nathek rog shii Ìujia rai bie, chiih-è gune gu shii thoh ge pha ji hà dun din phro.

Romanthek 8:29

Hanyie shii Hamangkhung-aphuii è gua jong aishii ne awai Dufuii duiine rey yi, ji è ai ne bajo boh haliing shii zab boh abam rey yi phro.

2 Khorinthek 6:18

Gune nathek ro aphuii rey ruii phro, chiih-è nathek ne guro dufuii nane dimi rey ruii phro, Bohblu Ithong è yao.”

Galathithek 3:26

Hìne migi chiang è Isu Masi rog shii ò rek pha ji è nathek zab ne Hamangkhung-aphuii ro aniphiing rey ro.

Hebriuthek 11:16

Ji phachiang shii, hìne ithek è thoh marui pha ji è de bajo wie pha soh hamangkhung pha soh ji shii chid ro. Chiih-è ji è Hamangkhung-aphuii ne awai ne ithek ro Hamangkhung-aphuii rone yao phane awo ro, nyieliieshii ai ithek shii rajan saro phi ro.

Hebriuthek 8:10

Thuh, Ithong è yao, inai thog ruii shii Israel pha bran rog shii gu è rab pha shiinyie ne hì ro: Gu ne gui ro iphey ithek khani shii chab phi chiih-è ithek lubuthek shii zey phi pha ro. Gu ne ithek ro Hamangkhung-aphuii rey, chiih-è ithek ne gu bran rey ruii phro.

1 Phithar 1:3

Cho Hamangkhung-aphuii nane gethek ro Ithong Isu Masi ro Aphuii shii laso phi bo. Nyieliieshii Isu Masi Iy ne hòi pha ji è airo boh bushun è gethek shii chai iwo rab phi phro. Ji re-è gethek ro isìeng luthong pha ji ley rek phi,

1 Jon 3:2

Gu iijiiakthek wo, thuh gethek ne Hamangkhung-aphuii ro aniphiing ro, jishii hìne thuh de sang arey ba gethek nyie thog ruii. Jishii gethek ìd ji pha Masi dong magey shii, gethek ne ai duiine um chid, nyieliieshii ai izai khi è mia gethek ne aishii doh ruii.

Dong 21:3

Gu è gang goh yi biang re-è yao pha yoi: “Thuh shii Hamangkhung-aphuii ro hò ne bran rog shii ro! Ai ne ithek rog shii rai ruii phro, chiih-è ithek ne airo branthek ro. Hamangkhung-aphuii awai ne ithek rog shii um ruii phro, chiih-è ai ne ithek ro Hamangkhung-aphuii ro.

Dong 21:7

Hanyie è yang shii mua pho ne gu re-è ji choi ruii phro: Gu ne ithek ro Hamangkhung-aphuii rey ruii phro, chiih-è ithek ne guro aniphiing rey ruii phro.