JON ro Muawie 17:8 - Iwo Surua Mua Wie Pha Bible

⁸ Gu è ithek shii mua phi pha ji ne na miphi ro, chiih-è ithek è choi ne; ithek ne thieg hì ne izai chak chiih-è gu ne na è wuii ro, chiih-è ithek ne migi rek gu shii ne na muthoh ge chak ro.

JON ro Muawie 17:8 ပူးပေါင်းရင်းမြစ်များ

Methiu 13:11

Isu è chang, “Hamangkhung pha Sajathua pha miyao ug ne ruii pha ji è nathek shii phijong ro. Jishii ithek shii asi ro.”

JON ro Muawie 12:49

Hì ne izai ro, nyieliieshii gu miyao hì ne gui muyung ne ayao ro, jimagungde gu shii thoh ge pha Aphuii è gu shii nyie khi è yao chid pha ji yung phro.

JON ro Muawie 14:10

Nathek ne migi arek bey, Philiph, gune Aphuii rog shii um, chiih-è Aphuii ne gu rog shii um? Isu è awai samoythek shii yao, gu miyaogamthek na shii yao pha ji ne, gu è ayao ro, chiih-è gu shii um pha Aphuii ji ne awai blia rek ro.

JON ro Muawie 15:15

Gu nathek shii dinne khiao anow sha phro, nyieliieshii Ithong è rek pha ji ne khiao è athieg ro, jiè gu nathek shii ijak ro è ho sha pha ro, nyieliieshii gu Aphuii è nyie nuii pha ji ne zab nathek shii yao ro.

JON ro Muawie 16:27

nyieliieshii Aphuii awai è nathek shii miie ro. Ai è nathek shii miie rek nyieliieshii nathek gu shii miie chiih-è gune Aphuii è wuii phrone migi rek.

JON ro Muawie 16:30

Gathek ne thieg sha ge ro nane zab thieg; na shii ne gai è nyie sai chid pha oi sha ro, jiè nane Hamangkhung-aphuii è wuii chak phrone gathek shii migi rab phi bo.”

JON ro Muawie 17:14

Gu è ithek shii ne naro mua ji phijong, chiih-è sohjambling è amiie, nyieliieshii gu ichiih sohjambling pha asi pha duiine, ithek de sohjambling pha asi ro.

JON ro Muawie 17:18

Na è gu shii sohjambling hà thoh ge pha duiine, gu è ithek shii sohjambling hà thoh ge ro.

JON ro Muawie 17:21

Gu è ithek ne jia shii rey bo ne sia. Aphuii! Na gu shii um chiih-è na gu shii um pha duiine ithek ne ginyi shii um bo. Chiih-è ithek ne jia um ne, jiè sohjambling hà na è gu shii thoh ge phrone migi rek.

JON ro Muawie 17:23

Gu ithek shii chiih-è na gu shii ro, jiè ithek ne zab ò jia shii rek mua, jiè ne sohjambling ithek ne thieg mua gu shii ne na muthoh ge chiih-è na gu shii miie pha duiine ithek shii de miie.

JON ro Muawie 17:3

Chiih-è idang pha chai hi ro na izai Hamangkhung-aphuii nane na è hanyie shii thoh ge pha Isu Masi shii ìd pha ji ro, chiih-è hanyie è aishii thoh ge pha Isu Masi shii thieg ro.

JON ro Muawie 3:17

Hamangkhung-aphuii è dufuii shii sohjambling pho shii the yi pha athoh ge ro, jimagungde ragia rek yi pha thoh ge.

JON ro Muawie 3:33

Jishii hanyie è ai mua ji yoi arone ai ne Hamangkhung-aphuii è izai rone yaothiakjong ro.

JON ro Muawie 6:68

Simon Phithar è aishii chang, “Ithong, gathek hanyie shii dun mage phlei? Nyieliieshii idang pha chai phi pha miyaogamthek ne na shii um bie ro.

JON ro Muawie 8:42

Isu è ithek shii yao, Hamangkhung-aphuii ne izai nathek ro Aphuii chak arone, nathek ne gu shii miie phro, nyieliieshii gune Hamangkhung-aphuii è wuii phro, chiih-è thuh gune ichiih shii um ro. Chiih-è gune gui lum ne awuii ro, jishii gu shii ne ai mutho ge ro.

1 Khorinthek 11:23

Gu Ithong è mua pha muyua ji ne gu nathek shii phi: aishii zum pha habiu Ithong Isu iweb dum jia yie srane,

1 Khorinthek 15:1

Chiih-è thuh shii, gu ijakthek, gu è nathek shii nyie yua pha Mua Wie ji, nyie ithek è mua pha ji, chiih-è nathek migi chuh riu muii pha ji shii gu nathek shii now yi.

1 Thesalonithek 2:13

Chiih-è gathek ne Hamangkhung-aphuii shii idang laso phi pha gai chiang de um ro. Gathek è nathek shii Hamangkhung-aphuii pha mua yie phi shii, nathek ne nuii ne choi, jine branthek pha mua duiine asi pha jishii Hamangkhung-aphuii mua rone choi, hì ne izai ro. Nyieliieshii Hamangkhung-aphuii ne nathek è migi rekpho shii blia rek phi.

1 Thesalonithek 4:1

Idohhè, gathek khuiinothek nane bumuiithek, Hamangkhung-aphuii è sang pha nathek ne khi-è rai chid nathek ne gathek è dabjong. Hì ne, ji chak ro, nathek ne rai ramuii ro. Chiih-è thuh gathek ne dinne de muna rek bo ne Ithong Isu beng è nathek shii khung.

1 Jon 4:14

Chiih-è gethek ne doh chiih-è gai shii yao ji pha Hamangkhung-aphuii è awai Dufuii shii thoh gey pha ne sohjambling shii ragia rek yi pha ro.

Dong 1:1

Hì pha jigigam ne Isu Masi è dong pha miyaothek ji sasab rek ne ruii. Khthiie nyie rey ramuii pha jine awai khiaothek shii doh yi pha Hamangkhung-aphuii hìpha dong aishii phi. Masi è hì thek pha manathek airo khiao Jon shii thieg yi pha airo hamangkhliie yi aishii thoh ge,