JON ro Muawie 16:20 - Iwo Surua Mua Wie Pha Bible

²⁰ Gu nathek shii izai yao: Nathek ne duhug rek ne choh ruii phro, jimagungde sohjambling pho ne sang ruii phro, nathek ne duhug rek ruii phro, jimagungde nathek duhug ji ne sang bsa hà khid ruii phro.

JON ro Muawie 16:20 ပူးပေါင်းရင်းမြစ်များ

Methiu 21:38

Jishii, raig cheipho è dufuii shii doh mage shii, ithek ne awaithek chung yao rai, hì ne muspho ro dufuii ji ro. Thawuii bo, cho gethek ne aishii ua muii haro, chiih-è airo nuruii ne gethek mua ruii phro!

Methiu 5:4

“Hanyie è duhug rek pho ne sang ro; Hamangkhung-aphuii è nathek shii ne ichad phi ruii phro!”

Marg 14:72

Chiihphado dang shii khephuii è nyichiieng ìo mage phro, chiih-è Phithar ne Isu è aishii yao khe nyichiieng ìo pha ibi shii na è gu shii uomchiieng khlam ne a-ìd rone yao phrone aishii yao pha ji nowkhlei mage ne, chiih-è ai ne azud mua pha cho dun phro.

Marg 16:10

Mery Magdalene è Isu ro ijakthek zo ne choh ne rai pho moe shii wuii srane yao. Jipha idoh shii, Isu awai è awairo samoythek shii bichiu è nugo thogdang pha wuii yi srane idang rai mua pha giawo ji shiiy yi.]

LUG ro Muawie 22:45

Ai sia ched srane iidoh dun shii, airo samoythek yi duhug rek srane men pha doh.

LUG ro Muawie 22:62

Phithar fuang hà wuii srane bajo khiwegkho ne cho.

LUG ro Muawie 23:27

Bran iphiingthek de ai iidoh shii luagieng, ithek duchoi è giak hò-amuii è Isu shii bushun now srane cho ne luagieng.

LUG ro Muawie 24:17

Isu è isa shii yao. “Nawai sa ji lua srane, nyie mulo raimuii lei?” Ai thiichiih shii mizia duhug rey srane riu dun.

LUG ro Muawie 24:21

Chiih-è gathek muluthong ne ai ne jia phro Israel shii lam phi pha ji ne! Hì thek zab rey pha ne sudoh da-uom rey sha ro.

LUG ro Muawie 6:21

Sang bo nathek ne thiih shii chi-iyiy pho ne, Nathek shii ley phi! Nathek thiih shii cho pho ne; Nathek ne siak ruii phro!

JON ro Muawie 16:33

“Gu nathek shii hì yao pha ji ne nyieliieshii nathek gu rog shii rai srane liijiing mua bo. Sohjambling pho è nathek shii diig rek ruii phro. Jishii lubu chuh rek bo! Gu è sohjambling yang ge ro!”

JON ro Muawie 16:6

Jishii thuh gu nathek shii hì yao phro, nathek lubu ne ley duhug ro.

JON ro Muawie 20:20

Ji-è yao ched pha iidoh shii, ai è awai wad chiih-è awai siu ithek shii riig ba yi. Chiih-è samoy è Ithong shii riig srane sang dun.

Bliathek 5:41

Guaphasamoythek ne limiang thoh ne fuang dun thog shii bajo sang dun, nyieliieshii, Isu chiang è diig rek phane Hamangkhung-aphuii è ithek ne bajo san dun.

Romanthek 5:11

Jishii hìthek ne zab asi ro; gethek ne nyieliieshii Hamangkhung-aphuii è Ithong Isu Masi hanyie è gethek shii Hamangkhung-aphuii rog shii ijak rab phi pha ji è nyie rek phi pha ji è de lubo rek bo,

2 Khorinthek 6:10

Duhug thog yi magungde, gathek ne idang lised ro; gathek shii dusho riig magungde, jishii gathek è bajo branthek shii bohkhoh rab phi; gathek shii nyie oi pha doh magungde, thuh gathek shii ne zab nuruii um ro.

Galathithek 5:22

Jimagungde Ragung ne miie, lubo, liijiing, lubuphiang, bushun, wie, migi,

1 Thesalonithek 1:6

Nathek ne gathek shii nane Ithong shii nui ro, chiih-è nathek shii bajo diigchiao rek magunde, nathek ne Ragung So è thog pha mua shii lubo rog shii choi ro.

Jems 1:2

Gu iijiiakthek, nathek lumuii shii zab pha chuajan thog ruii shii nawaithek shii sang bo,

JUD ro Jigigam 1:24

Hanyie yi nathek shii chiih pha jihà gak mua pha um, chiih-è nathek shii ichiig oi pha rab srane airo biisiiethek pha moe hà lubo re-è yie ruii.

Dong 11:10

Sohnyiak pha branthek ne isa nyi iy pha ji shii ne sang ruii phro. Ithek ne sai srane awaithek chung lasenthek ren ruii phro, nyieliieshii ji pha chaigthek nyi è sohnyiak shii branthek shii bajo diig yie ro.

Dong 18:7

Ai awai shii biisiie nane ichad chai sieng pha duiine hò-amuii ai ro khama um pha diig nane duhug phi bo. Ho-amuii awai è yao pha: ‘Ichiih gu ne sajamuii ro! Gu ne misiungmuii asi ro, Gu ne duhug ne khuchungde athieg ro!’