JON ro Muawie 14:21 - Iwo Surua Mua Wie Pha Bible

²¹ “Hanyie è guro muyung shii choi ne nuii pho ne gu shii miie rek chak ro. Hanyie è gu shii miie rek arone gu aphuii è aishii miie rek ruii phro; chiih-è gu de aishii miie rek srane gui shii ai lakhung shii thoh phi phro.”

JON ro Muawie 14:21 ပူးပေါင်းရင်းမြစ်များ

LUG ro Muawie 11:28

Jishii Isu è chang, “Ji-è ne, hanyie è Hamangkhung-aphuii miyaogam yoi ne nuii pho ne khama sang ro!”

JON ro Muawie 14:15

“Nathek gu shii miie arone, nathek guro muyung ji nuii phro.”

JON ro Muawie 14:18

Khuchungde gu dun shii, nathek ji atho marui phro; gu ne iidoh wuii din ruii phro.

JON ro Muawie 15:14

Chiih-è nathek ne gu ijak ro nathek ne gu è zen pha ji nuii arone,

JON ro Muawie 16:14

Chiih-è ai ne gu shii biisiie phi ruii phro, nyieliieshii gu è nyie yao pha ji yie srane nathek shii yao pha um ro.

JON ro Muawie 16:27

nyieliieshii Aphuii awai è nathek shii miie ro. Ai è nathek shii miie rek nyieliieshii nathek gu shii miie chiih-è gune Aphuii è wuii phrone migi rek.

JON ro Muawie 17:23

Gu ithek shii chiih-è na gu shii ro, jiè ithek ne zab ò jia shii rek mua, jiè ne sohjambling ithek ne thieg mua gu shii ne na muthoh ge chiih-è na gu shii miie pha duiine ithek shii de miie.

Bliathek 22:18

ji pha ibang shii gu è Ithong shii doh ne ji pha Ithong è gu shii yao ramuii pha bang ruii, ‘Jog rek ne Jerusalem thoh ne dun dun bo, nyieliieshii, ichiih pha branthek ne na è gu chiang è nyie yao pha ji ne anuii phi phro.’

2 Khorinthek 12:8

Gu è Ithong yie muii bo è yao ne hì pha chiang shii uomchiieng misia sia.

2 Khorinthek 3:18

Chiihphado, gethek zab ne, miziathek acheg pha Hamangkhung-aphuii pha biisiie shii dong yi bo; chiih-è Ithong è thog ruii pha ò biisiie, hanyie yi Ragung, jiè de bajo biisiie rey ne ai duiine gethek shii ley yi.

2 Khorinthek 4:6

Hamangkhung-aphuii hanyie è yao, “Igiia ne isang chuang ruii phro!” jine ò Hamangkhung-aphuii hanyie è awairo isang gethek lubu shii chuang phi, hì pha blia ne Masi mizia shii Hamangkhung-aphuii ro biisiie chuang pha khani ji gathek shii noh pha rek.

2 Thesalonithek 2:16

Gethek ro Ithong Isu Masi awai nane Hamangkhung-aphuii gethek ro Aphuii, hanyie gethek shii miie chiih-è airo bushun è asid yi pha lububo nane chuh luthong ji phi ne,

2 Thimothi 4:22

Ithong ne nathek ragung rog shii um bo. Hamangkhung-aphuii ro bushun ne zab nathek rog shii um bo.

1 Jon 2:5

Jishii gethek ne airo miyaogam ji shii nuii arone, gethek ne Hamangkhung-aphuii shii miie um pha jine zai nane khriig chak ro. Ji è gethek ne Hamangkhung-aphuii rog ò rai rone yao pha jine izai ro:

1 Jon 3:1

Riigbo Aphuii è gethek shii khama miie! Ai ro miie ne bajo bajoboh ji è gethek shii Hamangkhung-aphuii aniphiing rone ho—Chiih-è ji è, jine izai, sohjambling è gethek shii a-ìd: nyieliieshii ai ne Hamangkhung-aphuii shii de a-ìd.

1 Jon 5:3

Nyieliieshii gethek Hamangkhung-aphuii shii miie pha miyaosiu jine gethek airo muyung shii nuii ro. Chiih-è gethek shii ai muyung ne diig asi ro,

2 Jon 1:6

Gu è hìpha miie chiang yao pha miyaosiu ne gethek Hamangkhung-aphuii ro muyung shii nuii ne rai chid phro. Muyung, nathek è igobi è zab yoi pha duiine, nathek ne zab miie shii rai chid phro.

Dong 2:17

“Nathek shii khohthek um arone, chiihphado, luruak è charchthek shii nyie yao pha ji nuii bo!” “Hanyie è yang pha ji shii mua pho shii gu ne ug pha manna ji phi ruii phro. Gu ne zab shii imo lubao phi ruii phro,” Ji shii ne ibeng de iwo zey ne um ro chiih-è hìne hanyie è choi ji thieg bie ne gai ne hanyie de athieg mua phro.

Dong 22:14

Ai ne sang ro hanyie è awairo yungthek shii sang sud ji è chai pha hingmuii re-è iwoi chie pha rangsua um ruii phro chiih-è gathek re-è rajan hà wuii ruii phro.

Dong 3:20

Yoi bo! Gu ne habin shii riu srane chog pha ro; hanyie jia è gu goh yoi srane habin hong arone, gu ne ai hò iliing wuii srane ai rog shii chie pha ro, chiih-è ai ne gu rog shii chie ruii phro.