JON ro Muawie 14:12 - Iwo Surua Mua Wie Pha Bible

¹² Gu nathek shii izai yao: Hanyie gu shii migi rek arone gu nyie rek pha ji ne ai de rek mua, chiih-è ai ne jiè de huak ne rek mua ruii phro, nyieliieshii gune Aphuii shii dun sha.

JON ro Muawie 14:12 ပူးပေါင်းရင်းမြစ်များ

Methiu 21:21

Isu è chang, “Gu ne nathek yao, nathek ne migi now ne ìujia de athan arone, nathek de gu è hì pha iphem hingmuii shii rek pha duiine nyarek mua phro. Hì jia asi pha yi nathek ne hì pha phiing shii nyayao mua.” “Hùg ne khamuii hà chiih dun bo è yao ne de ji nyarey dun.

Marg 11:13

Ithek ne ìujia ruang ba shii Isu è irab bajo um pha Iphem hingmuii jia doh mage, ji-è, Isu ne ji pha Iphem hingmuii shii iwoi sow pha wuii dun. Ji-è rek magunde, ji pha Iphem ne iwoi awoi ro, nyieliieshii, ji pha hingmuii ne iwoi woi pha ishak are ba ro.

Marg 16:17

Gu shii migi now pho ne gu beng è buangthek de rek mua phro; chiih-è, gu beng è awie pha ibuii ragung shii de khia mua phi phro; chiih-è, ithek ne nyuak iwo yao ruii phro;

JON ro Muawie 14:28

Gu è nathek shii yao pha ji ne na ne nuii, “Gu ne thoh ne dun sha, jimagungde gu iidoh nathek shii wuii din ruii phro.” Na gu shii miie rek chak arone gu aphuii hà dun shii ne na lised ruii phro; chiih-è aphuii ne gu è boh ro.

JON ro Muawie 16:7

Jishii gu nathek shii izai yao: Gu ichiih è dun liak shii ne nathek shii wie ro, chiih-è gu ichiih re-è adun arone, nongpho ji ne nathek shii awuii ruii phro. Jimagungde gu dun arone, gu è aishii nathek hà thoh ge pha ro.

JON ro Muawie 4:37

Hì è yao pha miyao ne izai chak ro, bran jia yi hai, chiih-è gai bran yi chiig.

JON ro Muawie 5:20

Aphuii è Dufuii shii miie rek ne, jiè Aphuii nyie rek pha ji ne Dufuii shii de doh yi phro, chiih-è dinne bajo boh doh ba yi phro, jiè nathek ne wiengphleg ruii phro.

JON ro Muawie 7:33

Isu è yao, gune ichiih nathek rog shii Ìujia rai bie, chiih-è gune gu shii thoh ge pha ji hà dun din phro.

JON ro Muawie 7:39

Isu è ji yao pha ji ne Ragung chiang pha miyao yao, hanyie magungde aishii migi rek arone aishii ne mua ruii phro. Ji pha ishak shii ne Ragung ne aphi ba ro, nyieliieshii Isu ne iy ne biisiie shii ahòi ba ro.

Bliathek 10:46

Nyieliieshii, ithek è khuchung de ayoi ba pha nyuak yao ne Hamangkhung-aphuii shii bajo laso phi pha doh dun. Phithar è ithek shii yao,

Bliathek 16:18

Ai è ji è rek ne rai phane inai bajo rey sha dun, Phaul è zo ne idoh riie srane ji pha ragung shii giung ne yao, “Isu Masi beng è na shii giung dang phro, ji pha bimi è na ne fuang khia mage bo!” Ji è giung dang pha ji shii ji pha ragung de fuang khia dun.

Bliathek 19:12

Ai kho pha yung thileg nane rinyie shii riing pha rathang rang de rad pho shii yie ne sud phi arone ithek miiriiethek ne zab pha khia dun, chiih-è, ibuii ragungthek de fuang khia dun.

Bliathek 2:33

Aishii ne Hamangkhung-aphuii, awai Aphuii è hòi din yi ne awai phawig moe shii dug yi jong ro, jiè ai ne Aphuii è khi è rek ne sbang ruii pha duiine Ragung So mua dun ro. Nathek è nyie doh ne yoi pha ji ne ai lasen ro, ai è gethek shii thoi phi ro.

Bliathek 2:41

Ji è yao mage shii, bran giak è ne ji pha mua ne izai now gieng ne khowo phi yi, chiih è, ji phado shii itham uom pha branthek de ji pha ibrog shii dog gieng dun.

Bliathek 4:16

“Gethek ne hì pha bran nyi shii ne nyie rek sha pha um ga?” “Jerusalem pha zab branthek è bajo wiengphleg pha blia hì ne isa mirek rone thiegjong dun ro, gethek ne hì pha blia ne asi rone ayao mua phro.

Bliathek 4:33

Ji pha guaphasamoy ne bohblu um dang ne Isu hòi din pha mua ji yao ne rai phi ne Hamangkhung-aphuii è ithek shii bajo khirzey phi dun.

Bliathek 4:4

Ji è rek magungde, khinyama pha bran è ji pha mua yoi pho ne ji migi now dun, ji è, ji pha idoh shii branthek ne itham guii huak ne um dun.

Bliathek 5:15

Guaphasamoy è nyie thek rek pha ji doh ne branthek ne Phithar lua mage shii Phithar pha ragia è doh yi pha rad pho shii noh srane lumuii hà lawiao wiao ne thiang yi.

Bliathek 6:7

Ji è rek ne Hamangkhung-aphuii miyaogam ne athodang pha shiie thog dun. Jerusalem shii samoythek ne bajo dog thog dun, chiih-è, Phabithek de migi now thog dun.

Bliathek 8:7

Ibuii ragungthek de zab gang ziak ne bran bucho è fuang khia dun, chiih-è, Slem riie pha branthek nane lai wad khi-èk pha branthek de gang dun.

Bliathek 9:34

Phithar è ji pha bran shii yao, “Aeneas, Isu Masi è na shii gang phi ro. Jai srane nawai lawio jiang ne dun mage bo.” Ji è yao dang shii, Aeneas ne jai mua dun.

Bliathek 9:40

Phithar è ithek shii zab fuang dun yi srane bam ne sia phi; chiih-è, iy pha siu shii riig srane ho, “Thabitha, siang mage bo!” Thabitha è mieg yang ne riig mage shii, Phithar um iang pha doh ruii. Ji-è, Thabitha de sieng ne dug mage.

Romanthek 15:19

Buangthek pha nane anomuluii pha blu è, chiih-è Hamangkhung-aphuii ro Ragung è. Chiih-è ji è Jerusalem è yi ne Ilyrikhum thog pha zab pha lumuii hà lua srane, gu è zab Masi chiang shii Mua Wie yaojong ro.