JON ro Muawie 13:8 - Iwo Surua Mua Wie Pha Bible

⁸ Phithar è yao, “Asi khuchung magunde gu ro lai ashud rabo!” Isu è chang, “Gu nathek ro lai ashud phi arone,” “Na ne gu ro idang pha samoythek arey mua phro.”

JON ro Muawie 13:8 ပူးပေါင်းရင်းမြစ်များ

Methiu 16:22

Phithar è Isu shii thekhlei hà noh srane giung. Phithar è yao, “Ithong wo! Na shii ne hì è rek pha ji ne Hamangkhung-aphuii è khuchung de arey yi phro.”

Methiu 21:29

Dufuii chai ji è chang, “Gu ne arek yang ro! Jishii, idoh awai lubu lai ne raig rek pha wuii dun.

Methiu 26:33

Phithar è yao srane Isu shii yao, “zab è na shii thoh marui magunde gu ne na shii khuchung de athodang phro!”

Methiu 26:35

Phithar è chang, “Gu ne narog iy pha um dun nede gu ne hì è rek ne khuchung de ayao phro!” Gai samoythek de ji è yao gieng.

JON ro Muawie 13:6

Chiih-è ai Simon Phithar shii wuii thog mage shii, ai è Isu shii yao, “Ithong, na ne gathek lai shud phi pha rek ne bey?”

JON ro Muawie 13:9

Simon Phithar è chang, “Ithong, chiihphado gu lai jia shii ashud bie pha, gu wad nane gu khrug shii de zab shudphi bo!”

JON ro Muawie 3:5

“Din ne Isu è chang, gu na shii izai yao,” Hanyie magunde kho nane Ragung è agiak sapho shii ne Hamangkhung-aphuii pha Sajathua shii akhud mua phro.

Bliathek 22:16

Ji-è, nane ichiih shii nyie rek ne chia ne khan phlei? Sieng ne khowo yie mage srane nawai layog ji sud yi pha aishii sia mage bo.’

1 Khorinthek 6:11

Nathek giak ne ji duiine ro. Jishii nathek shii ne layog è igang rekjong ro; nathek è Hamangkhung-aphuii shii phijong ro; nathek shii ne gathek ro Hamangkhung-aphuii ro Ragung nane Ithong Isu Masi è nathek shii ne Hamangkhung-aphuii rog shii rangsua ruiijong ro.

Iphisithek 5:26

Ai è hì rek pha ji ne kho è sud ne so rab pha iidoh shii airo miyaogam ji è charch shii Hamangkhung-aphuii shii zid pha rek srane

Kholosithek 2:18

Nyieliieshii wie è miiramthek nane hanyie ne biidiie pha tharothamang rey ne chiih-è hamangkhliiethek shii sia ne nawaithek shii ne hanyie è boh rone yao pho è athe yi rabo. Zai branthek ne ithek ro tharothamang è now pha jihà ne wiangwe rek pha nane hanyie yi siu pha khrug rone Masi shii khoh pha ji ne thoh muii. Masi è phriie pha zab siu shii ran ne miak chiih-è rung pha ji è ò shii khoh dun, chiih-è Hamangkhung-aphuii è chid pha ji sieng dun.

Kholosithek 2:23

Hamangkhliiethek shii sia pha bangchiie nane biidiie pha jum, chiih-è siu shii diigchiao phi pha hì thek zab ne khani ji è ipheythek shii khia, jishii ithek shii ne siu è chid pha ji shii phriie rek phane zai igong oi ro.

Thaidas 3:5

ai è gethek shii ragia rek phi. Jishii hì ne gethek è nyie wie rek pha ji è asi ro, jishii hanyie è awai Ragung So è sud ne gethek shii iwo giak nane iwo chai phi. Chiih-è awai ro bushun ji è gethek shii ragia rek phi.

Hebriuthek 10:22

Ji-è cho gethek ne wie lubu nane izai migi rog, chiih-è ichiig è sudjong pha lubu chiih-è khow so è sud pha siuthek ne Hamangkhung-aphuii moe hà wuii rai haro.

Dong 1:5

chiih-è Isu Masi è, isiie khagi, igobi iy pha ji re-è hòi ne hanyie yi sohjambling pha sajathek lakhung shii khoh ro. Ai ne gethek shii miie ro, chiih-è airo iy ne zid pha ji è ai è gethek ro layogthek è ichad rek

Dong 7:14

Gu è chang, masdo. “Gu ne athieg ro,” nawai ne thieg. Ai è gu shii yao, “Hì ne hanyie è bajo buii diigchiao shii re-è ragia rey pha bran ro. Ithek ne awaithek yung yi shiishaiduii ifai cham srane imo rabjong ro.”