JON ro Muawie 11:55 - Iwo Surua Mua Wie Pha Bible

⁵⁵ Chiih-è Hiìadun Sai pha ishak nui rey sha mage shii, branthek soh re-è Jerusalem hà wuii ne Sai pha ibi shii zen pha muhui sang rekwuii phro.

JON ro Muawie 11:55 ပူးပေါင်းရင်းမြစ်များ

Methiu 26:1

Isu è jithek yua ched dang shii, Isu è awai samoythek shii yao.

Methiu 26:2

Nathek ne thieg, “Danyi pha idoh shii, ne Hiìadun pha idoh ro, chiih-è, Bran Dufuii shii bai shii zun pha phi muii phro.”

Marg 14:1

Hì ne buii Hiìadun Sai pha chiih-è Phiia ajiie pha Iweb chie muii pha danyi ibi shii ro. Boh phabithek chiih-è Iphey yua pha masdothek è ug ne Isu shii zum pha rek phro, chiih-è ua pha rek phro.

LUG ro Muawie 22:1

Sai ne Phiia ajiie pha Iweb chie pha ishak nui thog shii, nyie yi Hiiadun pha ji ro.

JON ro Muawie 12:1

Hiìadun pha dariig ibi, Isu Bethany hà, ai è iy dun pha bran shii hòi phi pha, Lazaras hò hà wuii.

JON ro Muawie 13:1

Hiìadun Sai pha inai ibi shii, Isu ne thieg ai ne sohjambling shii thoh marui srane Aphuii shii dun pha ishak rey sha. Ai è awairo sohjambling pha bran shii ne idang miie rek, chiih-è ai ne iidohhè thog magungde ithek shii bajo miie rek.

JON ro Muawie 18:28

Hamiang riang Isu shii Khaiaphas hò è badri ro hòboh hà noh dun. Jimagungde Jewthek pha riichaithek ne hòboh iliing hà awuii, nyieliieshii ithek ne awaithek shii so ruii pha now, jiè ithek ne Hiiadun pha michie nya chie mua.

JON ro Muawie 2:13

Hiìadun pha ji Sai pha ishak rey ramuii shii, Isu Jerusalem hà wuii dun.

JON ro Muawie 2:6

Thiisa hà Jew so shud pha jariie ruii pha duiine, thiichiih shii lubao pha kho jariie riig um ro, ji pha jariie ji jia shii ne wieng jia jog nya zan mua pha um.

JON ro Muawie 5:1

Ji-è rey ched pha iidoh shii, Isu de Jerusalem hà giang sai pha ji shii wuii dun.

JON ro Muawie 6:4

Chiih-è ji pha ishak shii yi Hiìadun Sai pha ishak nui sha ro,

Bliathek 21:24

Na ne ithek rog shii wuii gieng srane ithek shii muhui hui yi pha è nung phi mage bo, ji-arone, ithek ne awaithek khaziang nyakhua mua phro. Ji è rek arone, zab na chiang yao pha jithek ne izai asi rone nya thieg ruii phro, chiih-è, nawai de Moses pha Iphey shii zen pha ji rek ne rai pha doh ruii phro.

Bliathek 21:26

Ji-è, Phaul è ji pha thimiang duiine è rey mage shii, ji pha bran wi shii noh ne ithek shii muhui hui ne rek phi. Ji è rek ched marui ne ai ne Misiahò hà wuii srane ji pha muhui hui ched pha inai khinyama chia pha um lei ne ji yao pha siog phi wuii. Idohhè pha inai shii ne ithek wi chiang è khlem ne zud phi chid phro.

Bliathek 24:18

Gune Misiahò shii muhui hui; idoh shii ithek è gu shii doh dun ro. Thiichiih gu rog shii bran brog ne oi iang ro, chiih-è anuii pha rek pho ne oi iang ro.

1 Khorinthek 11:28

Ji-è, chiihphado, igobi nawai shii chai bo, chiih-è iweb ji nane gog ji è niing bo.

Jems 4:8

Hamangkhung-aphuii moe shii wuii bo, chiih-è ai de nathek moe shii wuii ruii phro. Layogpho nathek, nawaithek wadthek sud bo! Lawasdai nathek, nawaithek lubutheg shii gang rab bo!