JON ro Muawie 11:52 - Iwo Surua Mua Wie Pha Bible

⁵² Chiih-è Jew shii asi bie pha, jimagungde Hamangkhung-aphuii pha bran shii dayiingdayang rek muii pha siu shii de dinne ò shii khrab pha ro.

JON ro Muawie 11:52 ပူးပေါင်းရင်းမြစ်များ

LUG ro Muawie 15:8

Din ne hò-amuii jia shii hayang sikhi sua um shii, airo hayang sikhi jia yi san dun arone ai nyie khi-èrek phlei? Ai ne muchuang ichuang srane awai hò shii sasriing rek ne big ne adoh sapho shii ne zab pha ithua shii wie è soh phro.

LUG ro Muawie 2:32

Na ne muchuang de gaibranthek shii de na è yang pha ji re-è chuang phi, chiih-è nawairo Israel pha branthek shii de biisiie rek phi.

JON ro Muawie 1:12

Chiih-è hanyie magungde aishii ho ne migi rek arone, aishii ne Hamangkhung-aphuii ro ani rey yi pha ai è rangsua phi phro.

JON ro Muawie 1:29

Ji è rek ched pha thimiang shii Jon è Isu yi aishii wuii pha ji doh, ichiih shii ne hanyie sohjambling pha layog shii so rek phi pha Hamangkhung-aphuii pha shiishaiduii um ro.

JON ro Muawie 10:16

Ichiih rugo shii oi pha guro shiishai ne thiisa hà shiishai gaithek de um ba ro. Gune aishii de noh chid phro; ithek de guro gow yoi ruii phro, chiih-è ithek ibrog shii de brogpho jia pha shiishai brog pha shiishai rey ruii phro.

JON ro Muawie 12:32

“Gu shii sohnyiak è chang mage shii, gu zab gui moe hà rai pha ro.” (

Bliathek 18:10

nyieliieshii, gune na rog shii um gieng ro. Hanyie de na shii achun mua phro, nyieliieshii, ichiih pha rajan hà de gu branthek um iang ro.”

Romanthek 3:29

Din ne Hamangkhung-aphuii ne Jewthek ro Hamangkhung-aphuii bie bey? Ai yi Gaibranthek ro Hamangkhung-aphuii pha asi bey? Ai ne gai ro de chak ro.

Romanthek 4:17

Jigigam shii yao, Gu na shii bajo soh pha aphuii rab phi pha ro, Hanyie è iy pha ji è hòi din yi, chiih-è ai è yung mage ne nyie arey pha ji de rey yi, Abraham è Hamangkhung-aphuii shii migi rek ji è sbang ne Hamangkhung-aphuii mieg moe shii wie ro.

Iphisithek 1:5

Hamangkhung-aphuii ne awairo Dufuii rab pha rone Isu Masi chiang è khuchung mujo gethek shii guajong ro, hì ne awai è sang pha awai blia rek pha rab phi.

Iphisithek 3:11

Hamangkhung-aphuii è ji duiine rek pha ji ne awairo idang pha blia shii rek, nyie jine ai è gethek ro Ithong Masi Isu è rek ge.

Jems 1:1

Hamangkhung-aphuii nane Ithong Isu Masi ro khiao Jems re-è: Zab pha Hamangkhung-aphuii ro bran sohjambling shii dayiingdayang rey dun pho shii salamthek yao ro.

1 Phithar 1:1

Isu Masi ro guaphasamoy Phithar re-è—Hamangkhung-aphuii è gua ne ruii pha bran hanyie yi dayiingdayang rek ne gai branthek duiine Phonthus, Galathia, Khaphadosia, Asia, chiih-è Bithynia rai pha zab shii.

1 Jon 2:2

Chiih-è gethek layogthek shii khung phi pha lumuii ne Masi chiang è ro, chiih-è gethek layogthek shii asi bie, jishii zab ro layogthek shii khung mua ro.

1 Jon 3:1

Riigbo Aphuii è gethek shii khama miie! Ai ro miie ne bajo bajoboh ji è gethek shii Hamangkhung-aphuii aniphiing rone ho—Chiih-è ji è, jine izai, sohjambling è gethek shii a-ìd: nyieliieshii ai ne Hamangkhung-aphuii shii de a-ìd.

1 Jon 3:10

Ichiih ne Hamangkhung-aphuii nane sakhathong aniphiing duchoi shii ne sang è yoh-yoh um ro: hanyie è izai shii arek chiih-è gaithek shii amiie, ithek ne Hamangkhung-aphuii ro aniphiing asi ro.

1 Jon 3:2

Gu iijiiakthek wo, thuh gethek ne Hamangkhung-aphuii ro aniphiing ro, jishii hìne thuh de sang arey ba gethek nyie thog ruii. Jishii gethek ìd ji pha Masi dong magey shii, gethek ne ai duiine um chid, nyieliieshii ai izai khi è mia gethek ne aishii doh ruii.

Dong 5:9

Ithek ne iwo ibai bai: “Nane nim shii yie ne nabthek shii hong mua spho ro. Chiih-è na shii ne uamuii, chiih-è naro iy pha khlem re-è zab pha iiriing, nyuakthek zab pha branthek shii chiih-è jad shii ne Hamangkhung-aphuii pha pheg phi ro.