JON ro Muawie 11:25 - Iwo Surua Mua Wie Pha Bible

²⁵ Isu è Martha shii yao, gune hòi pha ji nane chai ji ro. Hanyie è gu shii migi rek arone ai ne iy dun magungde ai ne sieng din ruii phro;

JON ro Muawie 11:25 ပူးပေါင်းရင်းမြစ်များ

LUG ro Muawie 23:43

Isu è aishii yao, gu na shii sbang rek phro sudoh na de Hamangkhung hà gu rog shii um ruii phro.

JON ro Muawie 1:4

Ji-è Miyaogam ne sieng pha ithua ro, chiih-è sieng pha ithua ji è bran shii muchuang phi.

JON ro Muawie 14:19

Iùjia ishak pha iidoh shii sohjambling pho ne gu shii adoh mua sha phro, jimagungde nathek ne gu shii nyariig mua; nyieliieshii gune isieng ro, chiih-è nathek de sieng ruii phro.

JON ro Muawie 14:6

Isu è chang, “Gu ne lumuii, chiih-è izai, chiih-è sieng pha ne gu ro, gu è asi sapho shii ne hanyie magungde Aphuii shii awuii mua phro.

JON ro Muawie 3:16

Chiih-è Hamangkhung-aphuii è sohjambling shii bajo miie rek ne awairo Dufuii iphen jia ji de phi muii, jiè hanyie magungde aishii migi rek arone ji pho ne khuchung de a-iy phro, jishii idang pha chai mua ruii phro.

JON ro Muawie 3:36

Ji-è hanyie yi Dufuii shii migi rek arone, ai ne idang pha chai um ruii phro, chiih-è hanyie yi bran Dufuii shii migi arek arone ai ne chai amua ruii phro, jishii aishii ne Hamangkhung-aphuii ro lago mua ruii phro.

JON ro Muawie 5:21

Aphuii è iyjong pho shii de hòi din srane chai phi pha ji duiine Dufuii de hanyie shii chid jishii hòi din yi pha ro.

JON ro Muawie 5:26

Aphuii awai yi chai phi pha ithua duiine, Dufuii de chai phi pha ithua rab phro.

JON ro Muawie 6:35

Isu è chang, “Gu ne chai pha iweb ro.” Ji-è hanyie gu shii wuii ruii pho ne khuchung de chi-iya-iy phro; chiih-è hanyie gu shii migi rek pho ne khuchung de gahang-ahang phro.

JON ro Muawie 6:44

Hanyie magungde aphuii è gu moe shii anoh sapho shii ne ai ne gu moe shii awuii mua phro. Chiih-è gune aishii iidohhè pha inai shii hòi din yi phro.

Bliathek 3:15

Hanyie è chai shii dumuii rek pha bran shii ne nathek è ua muii. Jimagunde, Hamangkhung-aphuii è aishii hòi din yi. Gathek ne ji pha blia pha khagi ro.

Romanthek 4:17

Jigigam shii yao, Gu na shii bajo soh pha aphuii rab phi pha ro, Hanyie è iy pha ji è hòi din yi, chiih-è ai è yung mage ne nyie arey pha ji de rey yi, Abraham è Hamangkhung-aphuii shii migi rek ji è sbang ne Hamangkhung-aphuii mieg moe shii wie ro.

Romanthek 8:2

Iphey pha Ragung, hanyie è gethek ro chai shii Isu Masi rog ò rai yi muii pha ji è Iphey pha layog chiih-è iy pha ji è thoh phi phro.

1 Khorinthek 15:18

Chiih-è hanyie è Masi shii migi rek ne iy pho de thaluii ara ro.

1 Khorinthek 15:29

Thuh, branthek hanyie è iy pha khowo yie pho shii ne khi-èrek pha ga? Ithek ne yang pha nyie luthong phlei? Iy pha ji ne chai hà ahoì phrone yao pha, giak è yao pha duiine, hì ne izai arone, nyie rek ne ji pha branthek ne iy pho shii khowo phi phlei?

2 Khorinthek 4:14

Gathek ne thieg hanyie Hamangkhung-aphuii è Ithong Isu shii chai hòi yi pha ji ne gethek shii de Isu rog shii chai hòi yi ne, chiih-è gethek shii de nathek rog awai moe shii noh ruii phro.

Philiphithek 1:23

Gune ithua nyi shii ri. Gune hìpha chai thoh ne Masi rog shii muna sieng pha now ro, nyie yi zab è wie mana ro;

Philiphithek 3:10

Zab gu è yang pha ji ne Masi shii thieg bo chiih-è airo hòi pha blu shii than mua chiih-è airo diigchiaothek shii thang bo chiih-è airo iy pha ji shii ai duiine rey bo.

1 Thesalonithek 4:14

Gethek ne migi rek Isu ne iy ne hòi din, chiih-è gethek ne migi rek hanyie è aishii migi rek ne iy dun pho ne Hamangkhung-aphuii è Isu rog shii iidoh noh.

Dong 1:18

Gu ne isieng ro! Gune iy dun, Jishii thuh gu ne idang nane idang isieng. Gu ne iy pha lakhung shii riichai um ro chiih-è iypho ro sohjambling pha lakhung shii de riichai um ro.

Dong 20:5

(Ikhe iy dun pho ne Idamthek itham athog sapho shii ne chai hà awuii ruii phro.) Jine iy ne hòi pha igobi ji ro.

Dong 21:4

Ai ne ithek ro mieg re-è miegkho sad ruii phro. Thiisa hàne a-iy sha ruii phro, zo chiih-è ziak chiih-è riie ne oi sha ro. Ihèg manathek ne sandjong ro.”

Dong 22:1

Hamangkhliie è gu shii khoboh pha kho pha chai ne khrysthal duiine khlieng pha ji riig yi, chiih-è Hamangkhung-aphuii nane shiishaiduii ro biang re-è wuii ruii

Dong 22:17

Ragung nane Phiyiybimi è yao, “Thawuii bo!” Zab hanyie yoi pho ne hì yao bo, “Thawuii bo!” Thawuii bo, Hanyie ne gahanghang pho ne; hanyie è chiid pho ne chai pha kho shii lasen duiine choi bo.