JON ro Muawie 10:10 - Iwo Surua Mua Wie Pha Bible

¹⁰ Mugopho ne mugo go pha nane ua pha chiih-è srobro rek pha wuii phro. Gu è wuii pha ji ne nathek shii bajo ley chai mua yi pha wuii phro.

JON ro Muawie 10:10 ပူးပေါင်းရင်းမြစ်များ

Methiu 18:10

Riig bo nathek ne ìuthek shii de snai arek rabo. Gu è nathek shii yao phro, aniphiing pha hamangkhliie ne idang hamangkhung pha Aphuii moe shii rai muiiro.

Methiu 18:11

Nyieliieshii, Bran Dufuii ne san dun pha jithek shii ragia rek pha wuii.

Methiu 20:28

Bran Dufuii ne aishii blia rek yi pha awuii ro, jishii bajo branthek shii blia rek ne awai chai phi srane pheg wuii phro.”

Methiu 21:13

Chiih-è ithek shii yao, “Hamangkhung-aphuii è yao pha jigigam shii zey ne um ro, ‘guro Misiahò ne misiasia pha hò ro.’ Jishii ithek è mugo pho ug pha ithua rab muii ro!”

Methiu 23:13

Iphey yua pha masdothek nane Pharisithek wo! Nathek shii ne khama buii thog ruii ro, Lawasdai nathek wo! Nathek è hamangkhung pha Sajathua pha habin ne branthek pha mizia shii kheb muii ro. Chiih-è, nawaithek de ji pha bucho shii akhud, branthek shii de ji pha bucho shii akhud yi.

Marg 11:17

Chiih-è, branthek shii yao: “Hamangkhung-aphuii ro jigigam ne hì è zey ne um ro, gu Misiahò ne zab pha branthek è sia pha hò ro, jishii, ithek è ji pha Hamangkhung-aphuii ro Misiahò ne mugo pho si pha hò rab ne ruii mua ro.”

LUG ro Muawie 19:10

Bran Dufuii ne shand dun pha ji shii sow pha nane ragia rek wuii phro.”

JON ro Muawie 10:1

Isu è yao, gu nathek shii izai yao dang phro: Bran hanyie yi shiishai ruii pha muthua pha gak è awuii pha gai muthua è khurog ne wuii pho ne mugo nane riao pha bran ro.

JON ro Muawie 10:11

Gune wie shiishai brogpho ro, hanyie è shiishai chiang shii iy yang pha ji ro.

JON ro Muawie 12:47

Chiih-è hanyie magungde gu miyao yoi ne anuii magungde gu aishii achua ruii phro. Gu ne ichiih sohjambling shii chua pha awuii ro, jimagungde gune ragia rek pha wuii.

JON ro Muawie 12:6

Ai è hì yao pha ji ne dusho shii wie rek rone ayao ro, jimagungde ai ne mugo ro. Ai ne bang biia han srane ji è awaishii nong din phro.

JON ro Muawie 3:17

Hamangkhung-aphuii è dufuii shii sohjambling pho shii the yi pha athoh ge ro, jimagungde ragia rek yi pha thoh ge.

JON ro Muawie 5:40

Thuh de nathek chai mua yi pha gu shii wuii pha ayang ro.

JON ro Muawie 6:33

Hamangkhung-aphuii è phi pha iweb ji hamangkhung è wuii jong ne sohjambling shii chai phi ro.”

JON ro Muawie 6:51

Gune Hamangkhung è wuii thog pha isieng iweb ro. Ji-è hanyie magung de ji pha iweb chie arone idang sieng ne rai ruii phro. Chiih-è gu miphi pha iweb ji ne gu siu ro, gu è ji phi pha ji ne sohjambling pho de sieng mua pha phi phro.

Romanthek 2:21

Nathek ne gaithek shii yua—nyie rek ne nawaithek shii ayua lei? Nathek è yua, “Mugo agow rabo—Jishii nawaithek ne mugo nebey?

1 Thimothi 1:15

Hì ne zai yao, zab nuii ne migi rek chid phro: Masi Isu ne layogphothek shii ragia pha sohjambling shii wuii ro. Gu ithek è de buii ro,

Hebriuthek 6:17

Hanyie yi airo sbang shii choi pha rekpho ne ithek shii ne Hamangkhung-aphuii ne airo blia ji khuchung de alai phro ne gang è ìd yie pha yang ro; ji è awai ro surua ne sbang shii chohdo.

Hebriuthek 7:25

Chiih-è ji è, ai re-è hanyie Hamangkhung-aphuii shii wuii pha ji shii ragia rek phi pha, thuh nane idang rek mua ro, nyieliieshii ai ne idang isieng chiih-è ithek chiang ai ne Hamangkhung-aphuii rog shii khung phi ro.

2 Phithar 1:11

Hì pha lumuii è nathek shii ne gethek ro Ithong nane ragia Isu Masi ro idang pha Sajathua shii khud pha ley rangsua phi ruii phro.