Hebriuthek 8:13 - Iwo Surua Mua Wie Pha Bible

¹³ Shiinyie iwo ji è yao srane, Hamangkhung-aphuii è rab, igobi pha jine ihèg rab; chiih-è nyie ihèg rey srane ùb ne sand dun phro.

Hebriuthek 8:13 ပူးပေါင်းရင်းမြစ်များ

Methiu 24:35

Hamangkhung nane sohnyiak ne san dun phro, jimagunde gu miyaogamthek ne khuchung de asan phro.

LUG ro Muawie 22:20

Ji duiine iweb pha ido shii ai è ithek shii gog phi ne yao, nathek shii thoi ramuii pha hì pha gog ne Hamangkhung-aphuii ro iwo shiinyie shii guro ifai è cheb rek ne phi phro.

1 Khorinthek 13:8

Miie ne idang pha ro. Ji shii ne liingsed pha muathek um, jithek ne thaluii ro; gai nyuakthek yao pha lasen hèg um magungde, jishii ithek ne jongdun; thieg pha khani um magungde, jishii jine san dun phro.

2 Khorinthek 3:6

Hanyie è gathek shii shiinyie iwo pha blia rek mua chua phi pha ji ne ai ro, ji shii ne zey pha Iphey shii achab ro jishii Ragung è phi pha iwo sbang ro. Zey pha Iphey ji ne iy shii yi, jishii Ragung ne chai phi.

2 Khorinthek 5:17

Hanyie magungde Masi shii dog arone, ai ne iwo chai rey dun; ihèg chai ne dundun, chiih-è iwo chai ne thokjong ro.

Hebriuthek 1:11

Ithek ne sand ruii phro, jishii na ne asand ruii phro; ithek ne zab yungthek duiine ihèg rey dun.

Hebriuthek 12:24

Nathek ne hanyie è shiinyie wo rab, chiih-è Abel pha ifai è de huàk ne ifai shund pha sbang rek pha Isu shii wuii ge ro.

Hebriuthek 7:22

Chiihphado, hìpha yo, è de Isu ne wie shiinyie rey phro ne sbang rab ro.

Hebriuthek 8:6

Jishii thuh, Hamangkhung-aphuii nane awairo bran shii shiinyie shii khriig wie rab pha duiine Isu shii phi pha phabi blia ne ithek è de boh ba ro, nyieliieshii hìne wie manathek pha sbangthek duiine rab ro.

Hebriuthek 8:8

Jishii ai è yao shii, Hamangkhung-aphuii è ai bran rog shii ichiig doh, “Ithong è yao, gu è Israel pha bran rog nane Judah pha bran rog shii iwo shiinyie rab pha, inaithek ne thog sharuii ro.

Hebriuthek 9:15

Hì pha chiang è shiinyie iwo shii rab Masi ro, ji è hanyie shii Hamangkhung-aphuii è ho pho shii ne Hamangkhung-aphuii è sbang rek pha idang khirzeythek shii choi ro. Jine nyarek mua nyieliieshii igobi pha shiinyie shii chun ramuii shii ithek è rek pha ichiigthek re-è branthek shii ichad rek phi pha jia iyjong ro.