Hebriuthek 7:25 - Iwo Surua Mua Wie Pha Bible

²⁵ Chiih-è ji è, ai re-è hanyie Hamangkhung-aphuii shii wuii pha ji shii ragia rek phi pha, thuh nane idang rek mua ro, nyieliieshii ai ne idang isieng chiih-è ithek chiang ai ne Hamangkhung-aphuii rog shii khung phi ro.

Hebriuthek 7:25 ပူးပေါင်းရင်းမြစ်များ

JON ro Muawie 14:13

Chiih-è nathek gu beng shii nyie lia pha ji ne gu nathek shii rek phi,

JON ro Muawie 14:16

Gu è Aphuii shii lia, chiih-è ai è nathek shii yo nongpho phi ruii phro, chiih-è ai ne idang nathek rog shii rai ruii phro.

JON ro Muawie 14:6

Isu è chang, “Gu ne lumuii, chiih-è izai, chiih-è sieng pha ne gu ro, gu è asi sapho shii ne hanyie magungde Aphuii shii awuii mua phro.

Romanthek 5:10

Gethek ne Hamangkhung-aphuii ro gidieg ro, jishii ai Dufuii iy pha ji è ai è gethek shii ijak rab phi, thuh shii gethek ne Hamangkhung-aphuii ro ijak ro, ji è gethek ne Masi chai è khama bajo ragia rey ruii phro!

Romanthek 5:2

Ai è gethek ro migi ji è thuh gethek rai muii pha Hamangkhung-aphuii ro liijiing shii nohjong ro. Ji è gethek ne Hamangkhung-aphuii pha biisiie thang pha ji shii luthong ne nyigodog rek phro!

Romanthek 8:34

Chiihphado, hanyie aishii the pha lei, Masi Isu asi ba? Hanyie è iy srane, dinne hòi ne sieng chiih-è Hamangkhung-aphuii ro wad phazoi pha ithua shii rai ne gethek chiang aishii khung ne rai!

1 Khorinthek 1:21

Hamangkhung-aphuii è branthek shii awaithek khani è aishii athieg yi pha rab muii. Ji phachiang shii, gethek muyua pha mua ji ne thaluii “bi-ìe” rone yao pha ji ne, hanyie è migi rek pha ji shii ne ragia rey phrone Hamangkhung-aphuii è phakjong ro.

Iphisithek 2:18

Hì ne Masi chiang è gethek zab, Jewthek nane Gaibranthek ne, Aphuii moe pha Ragung jia shii wuii mua ro.

Iphisithek 3:12

Masi rog shii ò pha ji nane gethek ro migi aishii um pha ji è gethek ne lububo rek ne chiih-è zab migi rek ne Hamangkhung-aphuii moe shii wuii mua ro.

Iphisithek 3:20

Airo blu gethek shii blia rek pha ji ne gethek è lia muii pha ji è chiih-è now ji è de bajo rek mua:

Philiphithek 3:21

Ai ne, blu è zab pha manathek awairo khoh pha iliing shii yie mua pha ji è khoh ne gethek ro zia iy pha siu shii lai ruii ne ithek shii awairo biisiiethek siu duiine rab ruii phro.

1 Thimothi 2:5

Chiih-è Hamangkhung-aphuii ne jia bie ro. Chiih-è Hamangkhung-aphuii nane branthek shii ò rek pha bran jia um ro, ji ne Masi Isu ro,

2 Thimothi 1:12

chiih-è hì ne ji pha chiang re-è gu ne hì pha manathek shii diig rey ro. Jishii gu ne thuh de ley migi um ro, nyieliieshii gu ne hanyie shii migi rek aishii ne thieg, chiih-è migi rek nyie yi gu shii phi pha blia ji pha Inai ji thogdang pha ai ne ragia rek mua.

Hebriuthek 11:6

Hanyie jia de migi arek pha Hamangkhung-aphuii shii sang arek mua phro, hanyie magun Hamangkhung-aphuii shii wuiipho ne Hamangkhung-aphuii idang um rone chiih-è hanyie aishii sowpho ne lasen phi rone migi um chid.

Hebriuthek 13:15

Chiihphado, cho gethek de, nyie yi aishii Ithong rone sphunthek è nuii ne Isu chiang è Hamangkhung-aphuii shii idang mizid chiong ne zid rai haro.

Hebriuthek 2:18

Chiih-è thuh ai ne hanyie chuajan ithek shii nong mua phi, nyieliieshii ai awai de chuajan nane diig rekjong.

Hebriuthek 2:9

Jishii Isu shii doh. Hanyie shii ai de ìujia ishak hamangkhliiethek è ìu rab ro, ji è Hamangkhung-aphuii ro bushun è ai ne zab chiang iy dun. Airo iy pha diig chiang ji è ai ne thuh rago rog pha biisiie nane ilab mua pha aishii doh muii ro.

Hebriuthek 5:7

Isu ro chai sohnyiak shii ai ne misiathek nane khungthek è cho ne hanyie è aishii iy pha ji è ragia rek mua pha Hamangkhung-aphuii shii miegkhothek chiih. Nyieliieshii ai ne jum nane isiie rek, ji è Hamangkhung-aphuii è aishii yoi.

Hebriuthek 7:16

Aishii ne phabi rabjong ro, bran ro khohthek nane iphey re-è arab ro, jishii nyie yijong pha oi pha chai pha blu è rab ro.

Hebriuthek 7:19

Moses ro Iphey shii ne nyie de khriig arab ro. Chiih-è thuh pha wie luthong phijong pha chiang ji è gethek ne Hamangkhung-aphuii moe shii wuii ro.

Hebriuthek 7:24

Jishii Isu ne idang sieng rai, chiih-è airo phabi duiine pha blia ne gai shii amua phro.

Hebriuthek 7:8

Jigi shii yao pha duiine, nyayao chak arone phabithek ro sua ne bran è khrab ji pha phabithek ne iy ruii phro; jishii Melkhizedek sua jia khrab pha ne idang isieng ro.

Hebriuthek 9:24

Masi nyie jine izai sbhang pha, bran wad è rab pha So Ithua hàne awuii ro, ai ne awailum ne hamangkhung hà dun dun, ai ne thuh gethek chiang Hamangkhung-aphuii moe shii dongkhliie.

JUD ro Jigigam 1:24

Hanyie yi nathek shii chiih pha jihà gak mua pha um, chiih-è nathek shii ichiig oi pha rab srane airo biisiiethek pha moe hà lubo re-è yie ruii.