Hebriuthek 13:7 - Iwo Surua Mua Wie Pha Bible

⁷ Hanyie è nathek shii Hamangkhung-aphuii ro mua yao, nathek ro ibi pha dumuiithek shii now bo. Iidoh pha ji now bo ithek ne khi-è rek ne sieng ithek khi-è rek ne iy chiih-è ithek ro migi shii noi bo.

Hebriuthek 13:7 ပူးပေါင်းရင်းမြစ်များ

Methiu 24:45

“Hanyie, chiihphado hì ne izai nane khua khiao bey? Hì ne jia ro ai masdo è gai khiaothek shii dumuii phi shii nathek ro michie yi khriig ishak shii phi yi pha.

LUG ro Muawie 12:42

Ithong è chang, chiihphado, hanyie, yi wie nane izai khiao ga? Ai ne chiihphado awai ithong è aishii dumuii rek ne, hò gayiig pha chiih-è gai khiao ithek chiang pha michie khriig ishak shii dong phi.

LUG ro Muawie 5:1

Nai jia Isu yi Genesareth pha khabang ring shii riu ramuii shii branthek è Hamangkhung-aphuii ro miyaogam nuii pha ai moe shii zab reng ne wuii thog.

LUG ro Muawie 8:11

Hì pha najang pha miyao ne hì ro: Miiriie ne Hamangkhung pha miyaogam ro.

Bliathek 13:46

Jishii, Phaul nane Barnabas è gang rek ne yao din “Hamangkhung-aphuii pha miyaogam ne igobi nathek shii yao bi chid phro.” Jishii, nathek è hì ne snai muii ne nawaithek shii idang chai rey pha ji shii wie anow phi pha ji è gathek ne nathek shii thoh marui ne Gaibranthek shii wuii dun phro.

Bliathek 14:23

Ai è khinyama pha charchthek um pha shii ne charch pha dukhothek ne sia ne minyie de nyie srane hanyie shii isiie now pho shii Ithong pha blia rek yi pha boh ne thoh marui.

Bliathek 4:31

Ithek è ji sia pha jong ched mage shii ithek dug ne sia pha ithua ne sham dang dun, ithek zab ne Ragung So è ley dun, chiih-è jao ne boh now ne Hamangkhung-aphuii pha mua ji yao dun.

Romanthek 10:17

Ji-è chiihphado, migi yi mua nuii pha ji è thog phro, chiih-è miyaogam yi Masi ro yua pha ji è thog phro.

1 Khorinthek 10:13

Zab chai phane nathek è thieg ji pha ichua pha chai ne branthek shii thog ramuii ro. Jishii Hamangkhung-aphuii è awai sbang shii ruii, chiih-è nathek shii chuh rai yi pha ai ne nathek ro blu chuh rai muii pha ji è huak ne achai yi phro, nathek shii chai pha ishak shii, ai è nathek shii zud pha chuh phi ruii phro, chiih-è nathek shii khia pha lumuii de phi ruii phro.

1 Khorinthek 11:1

Chiihphado, gu è Masi shii nui pha duiine, gu shii nui bo.

1 Khorinthek 4:16

Gu nathek shii khung, chiihphado, nathek ne gu mirek ji shii lua bo.

Philiphithek 3:17

Gu shii nuii bo, gu ijakthek, gathek è nathek chiang khriig pha miiriig hanyie è luagieng pha ji shii wie yoi bo.

1 Thesalonithek 1:6

Nathek ne gathek shii nane Ithong shii nui ro, chiih-è nathek shii bajo diigchiao rek magunde, nathek ne Ragung So è thog pha mua shii lubo rog shii choi ro.

1 Thesalonithek 2:13

Chiih-è gathek ne Hamangkhung-aphuii shii idang laso phi pha gai chiang de um ro. Gathek è nathek shii Hamangkhung-aphuii pha mua yie phi shii, nathek ne nuii ne choi, jine branthek pha mua duiine asi pha jishii Hamangkhung-aphuii mua rone choi, hì ne izai ro. Nyieliieshii Hamangkhung-aphuii ne nathek è migi rekpho shii blia rek phi.

2 Thesalonithek 3:7

Nathek nawaithek ne wie è thieg nathek ne gathek è rek pha ji rek bo. Gathek ne nathek rog hà um shii siikhad-ajo pha arek ro.

2 Thesalonithek 3:9

Gathek è ji rek pha ji ne, nyieliieshii gathek ne nong pha rangsua nak pha oi rone rek pha asi ro; gathek è rek pha ji ne nathek shii luagieng pha miiriig ji rek phi phro.

1 Thimothi 3:5

Hò-aphuii yi awai haliing shii isiie rek pha athieg arone, nyie khi-è-rek ne Hamangkhung-aphuii ro charch shii gayiig mua magey phlei?

Hebriuthek 13:17

Nawaithek ro dumuiithek shii nuii bo chiih-è ithek muyungthek shii luagieng bo. Ithek ne nathek luruak shii athohdang pha riig muii, nyieliieshii ithek ne ithek ro blia rek pha ji shii Hamangkhung-aphuii shii sasab phi chid phro. Nathek ithek shii nuii arone, ithek ne awaithek blia shii lised ne rek ruii phro; asi arone, ithek ne zo ne rek ruii phro, chiih-è jine nathek shii nong oi ruii phro.

Hebriuthek 13:24

Nathek ro dumuiithek shii chiih-è zab Hamangkhung-aphuii bran shii gathek ro salamthek phi bo. Ithaly pha migiphothek è de nathek shii salamthek thoh gey.

Hebriuthek 6:12

Gathek ne nathek shii skhad-ajo pha rey yi pha ayang ro, jishii hanyiethek è migi rek chiih-è lubu phiang rek pha duiine rek ne chiih-è Hamangkhung-aphuii è nyie sbang rek pha ji mua boh.

1 Phithar 4:11

Hanyie yuapho ne Hamangkhung-aphuii ro muathek yua chid phro; hanyie è blia rekpho ne Hamangkhung-aphuii è ithek shii nyie phi pha ji shii chua rog shii blia rek chid phro, ji-è zab pha manathek ne hanyie shii biisiie nane blu idang nane idang um pha Isu Masi chiang è Hamangkhung-aphuii shii chiong mua phro. Amen.

Dong 1:9

Gu ne Jon, nathek ro khuiino, gu ne Isu rog luagieng chiih-è airo Sajathua è thog pha nathek ro diig shii lubu phiang rek ne zud pha gu ne nathek iijiiak ro. Gu shii ne Phathmos pha gachung shii ruii muii nyieliieshii gu ne Hamangkhung-aphuii ro miyaogam nane Isu è dong pha izai ji yao phi.

Dong 20:4

Chiihphado gu è biangthek shii doh, chiih-è thiisa hà dugpho ithek shii ne chua pha blu phijong ro. Gu è ithek shii Isu dong pha izai nane Hamangkhung-aphuii ro miyaogam ji yao pha chiang re-è hanyie ua muii pha ithek ro luruakthek shii gu è doh ro. Ithek ne buii ibeymuthung chiih-è ji pha jangbang shii misiasia asia ro, chiih-è awaithek khuwuangthek nane awaithek ro wadthek shii buii ibeymuthung cheb de arek ro. Ithek ne isieng rey ne Isu rog shii itham jia idamthek sajathek khoh ruii phro.

Dong 6:9

Chiihphado shii shiishaiduii re-è guiichiieng pha cheb shii hong mage. Hanyie è Hamangkhung-aphuii ro miyaogam yao ne isiie re-è khagi rek pho shii ua muii pha luruakthek ne sraibao iliing hà um pha gu è riig.