Hebriuthek 13:22 - Iwo Surua Mua Wie Pha Bible

²² Gu nathek shii khung, gu iijiiakthek hìpha lububo rek pha mua shii wie è nui bo; gu è nathek shii zey pha jigi hìne phiang asi ro.

Hebriuthek 13:22 ပူးပေါင်းရင်းမြစ်များ

Bliathek 13:15

Moses pha Iphey nane chaigpho mizey marui pha jigigam jithek tham ched shii Jewthek misiahò pha dumuii è mua jia thoh: “Khuiinothek wo! Nathek shii mua nane chua gang pha miyao yao pha um arone, branthek shii yao mage bo.”

2 Khorinthek 10:1

Gu, Phaul, gui è nathek shii khung—gu nathek rog um shii gu hanyie gu ne jum nane bushun rek bo ne yao, jishii gu ruang rey mage shii nathek lubu shii duhug rek yi. Masi ro jum nane bushun è

2 Khorinthek 5:20

Chiihphado, ichiih gethek ne Masi chiang shii yao, Hamangkhung-aphuii awai de gethek chiang è yao muii ro. Gethek de Masi chiang khung ro: Hamangkhung-aphuii è nathek shii de mak è ijak hà lai phi bo!

2 Khorinthek 6:1

Hamangkhung-aphuii rog shii gethek ro ò blia, chiihphado, gu nathek shii khung phro hanyie è Hamangkhung-aphuii ro bushun mua maphi pho shiine amua yi rabo:

Galathithek 6:11

Riig bo thuh shii nyie boh jigigamthek gu è nathek shii rab ne zey pha ji ne gui wad è zey ro!

Iphisithek 3:3

Hamangkhung-aphuii è awairo ug pha phak ne gu shii thieg yi ro. (Gune hì pha chiang shii dum zeyjong bie ro,

Hebriuthek 12:5

Hamangkhung-aphuii è awai ani duiine nathek shii yao pha lububo rek pha miyaogamthek ne nathek bia dun bey? “Gu ani, Ithong è na shii yua shii wie nuii bo, Chiih-è ai è nathek shii giung shii lubu-ìu arek rabo.

Hebriuthek 13:19

Chiih-è gu shii khthiie iidoh nathek moe shii thoh din yi pha Hamangkhung-aphuii shii sia bone gu ne ithek shii lubu è khung phro.

Hebriuthek 2:1

Ji-è gethek shii ne ruang afen yi pha ji pha chiang shii gethek è yoijong pha izai shii chuh è khoh chid.

Hebriuthek 3:1

Hanyie shii Hamangkhung-aphuii è ho pha ji ro! Guro Masipho khuiinothek, hanyie shii gathek è yao pha migi pha kho phabi shii Hamangkhung-aphuii è thoh ge pha Isu shii now bo.

Hebriuthek 4:1

Thuh, ai è yao pha thung chiang shii Hamangkhung-aphuii gethek shii sbang mizid rek pha jine thuh de um, chiihphado, gethek shii mua yi pha gethek gayiig rai haro.

Hebriuthek 4:11

Ji-anine, cho gethek ne, ji pha thung shii choi pha gethek khama rek mua pha ji rek haro, ji è nyieliieshii ithek è migi arek pha ji è ithek shii amua pha rek pha ji duiine gethek de jia de buyud arey yi haro.

1 Phithar 5:12

Gu è hìpha jigigam dum nathek shii zey pha jine Silas è nongphi, hanyie shii gu è isiie Masipho duiine gu è ilab rek pha ji ro. Gune nathek shii lububo rek phi chiih-è hìne Hamangkhung-aphuii ro izai bushun rone khagi rek phi pha yang muii ro. Ji shii chuh è riu bo.