Hebriuthek 13:20 - Iwo Surua Mua Wie Pha Bible

^20-21 Gethek Ithong Isu Masi shii Hamangkhung-aphuii è iy pha ji hòi din yi; ai è awai ifai phi muii pha chiang ai ne shiishai pha Bajobo Shiishaibrogpho rey, ji pha chiang è idang pha shiinyie nabjong. Yang ne liijiing Hamangkhung-aphuii è na shii airo yang pha ji shii rek yi pha zab wie mana ji shii phi yi pha, chiih-è Isu Masi chiang, gethek chai shii ai è sang pha ji shii rek yi bo. Chiih-è biisiie ne idang è idang pha Masi ro! Amen.

Hebriuthek 13:20 ပူးပေါင်းရင်းမြစ်များ

Methiu 26:28

“Hì ne gu ifai ro, hanyie Hamangkhung-aphuii è shiinyie nab phi pha ji ro, chiih-è gu ifai è noi ne layogthek shii khung phi phro.

Marg 14:24

Isu è ithek shii yao, “Hì ne guro ifai ro! Guro hì pha ifai ne bame branthek shii thoi phi phro, guro ifai ne Hamangkhung-aphuii awai shiinyie shii ruii phro.”

LUG ro Muawie 22:20

Ji duiine iweb pha ido shii ai è ithek shii gog phi ne yao, nathek shii thoi ramuii pha hì pha gog ne Hamangkhung-aphuii ro iwo shiinyie shii guro ifai è cheb rek ne phi phro.

JON ro Muawie 10:11

Gune wie shiishai brogpho ro, hanyie è shiishai chiang shii iy yang pha ji ro.

JON ro Muawie 10:14

Gune wie brogpho ro, chiih-è Aphuii de gu shii thieg, chiih-è gu de Aphuii shii thieg, ji duiine gu è gui shiishai shii thieg chiih-è shiishai de gu shii thieg. Chiih-è gune shiishai chiang shii de nya-iy yang phi phro.

Bliathek 13:30

Jishii, Hamangkhung-aphuii è aishii hòi din yi srane

Bliathek 17:31

Ai è awai mugua ne ruii pha bran ji è ichiih sohjambling hì shii wie awie pho shii chua pha dashab rek ne ruiijong ro. “Ai è ji pha miyao ne zab pha bran è izai rone thieg yi phane ji pha bran shii hòi din yi jong ro!”

Bliathek 2:24

Jimagunde Hamangkhung-aphuii è Isu shii awai blu è hòi din yi dun ro, nyieliieshii, iy pha riichai ne Isu shii phatheg rek ne achab mua phro.

Bliathek 2:32

Hamangkhung-aphuii è Isu ne hòi din phi, ji pha blia ne gethek è khagi rek jong dun.

Bliathek 3:15

Hanyie è chai shii dumuii rek pha bran shii ne nathek è ua muii. Jimagunde, Hamangkhung-aphuii è aishii hòi din yi. Gathek ne ji pha blia pha khagi ro.

Bliathek 4:10

nathek de sudoh shii thieg dang bo, chiih-è, Israel pho de sudoh shii thieg dang bo, hì pha bran ne gang ne riu mua pha ne Nazareth pha Isu Masi, hanyie shii nathek è zun ne ua maphi habuii shii Hamangkhung-aphuii è hòi din yi pha ibeng re-è rey ro.

Bliathek 5:30

Nathek è sharo è hing bai shii phey srane zun ne ua muii pha Isu shii gethek pha blangthek pha Hamangkhung-aphuii è hòi din phi ro.

Romanthek 1:4

Airo ragung pha so pha bohblu è ne, ai iy ne sieng pha ji è ai ne Hamangkhung-aphuii Dufuii rone doh yi.

Romanthek 10:7

Din ne hì de nawaishii asai rabo, hanyie yi sohjambling bucho hà dun pha lei? (Chiih-è Masi shii iy dun pha ji è hanyie è hòi ne noh pha).

Romanthek 15:33

Gathek ro Hamangkhung-aphuii pha liijiing ne, zab nathek rog shii um bo. Amen.

Romanthek 16:20

Chiih-è Hamangkhung-aphuii è gethek ro liijiing pha lumuii è Sakhathong shii chui srane gethek lai bucho shii ruii muii phro. Gethek ro bushun pha Ithong Isu ne nathek rog shii um bo.

Romanthek 8:11

Hanyie yi iy ne hòi din pha Hamangkhung-aphuii ro Ragung yi nathek rog shii rai arone, chiihphado hanyie è Isu shii iy pha ji è hòi phi pha ji ai Ragung nathek shii um pha ji è nathek ro iy pha siuthek shii de chai phi rui phro.

1 Khorinthek 14:33

nyieliieshii Hamangkhung-aphuii è gethek shii anuii rabo ne ayang jishii ilab nane liijiing rek bo ne yang ro. Zab charchthek pha Hamangkhung-aphuii pha bran duiine,

1 Khorinthek 15:15

Ji è de muna, gethek ne Hamangkhung-aphuii chiang shii biidiie doh ro, nyieliieshii gethek è yao ai ne iy pha ji è hòi ro—jishii iy pha ji è chai hà ahoì arone, chiihphado ai ne Masi shii ahoì ro.

1 Khorinthek 6:14

Hamangkhung-aphuii è Ithong shii iy dun pha ji è hòi phi, chiih-è gethek shii ai è awairo blu è hòi yi phro.

2 Khorinthek 13:11

Thuh shii, gu ijakthek! Wie è rai bo! Khriig rey pha bidiang bo; Gu è khung shii nuii bo; nawaithek chung nuii rai bo; liijiing shii rai bo. Chiih-è Hamangkhung-aphuii pha miie nane liijiing ne nathek rog shii um ruii phro.

2 Khorinthek 4:14

Gathek ne thieg hanyie Hamangkhung-aphuii è Ithong Isu shii chai hòi yi pha ji ne gethek shii de Isu rog shii chai hòi yi ne, chiih-è gethek shii de nathek rog awai moe shii noh ruii phro.

Galathithek 1:1

Phaul re-è, hanyie yi guaphasamoy ne bran è athog ro dinne tharothamang pha miyaosiuthek re-è asi rone yao, jishii hanyie è aishii iy pha ji è hòi din yi pha Isu Masi nane Hamangkhung-aphuii Aphuii re-è rone yao.

Iphisithek 1:20

ji pha blu è khoh pha ji ai è Masi shii iy pha ji è hòi din chiih-è hamangkhung pha sohjambling hà aishii awai phazoi hà dug yi.

Philiphithek 4:9

Nyimanyi guro miyaogamthek nane guro bliathek, chiih-è nathek ne gu è nyie dab nyie choi pha ji ne nui ne ruii bo. Chiih-è Hamangkhung-aphuii hanyie è gathek shii phi pha liijiing ne nathek rog shii um bo.

Kholosithek 2:12

Chiih-è nathek è khowo yi shii, nathek shii de masi rog shii wiengjong, chiih è hanyie è aishii hòi din yi pha, Hamangkhung-aphuii blu khowo shii nathek ro migi è Masi rog hòi din ro.

1 Thesalonithek 1:10

chiih-è Dufuii hamangkhung è wuii ruii pha ji shii khan—ai Dufuii Isu, hanyie è iy pha ji è hòi phi chiih-è Hamangkhung-aphuii ro lijieg thog ruii pha ji shii Isu è ragia rek phi pha ji shii branthek zab ne nathek chiang yao muii ro.

1 Thesalonithek 5:23

Hamangkhung-aphuii hanyie è gethek shii liijiing phi ne zab pha lumuii shii so rab ne na è rek pha ji shii zab ruii bo—ragung, luruak, nane siu—gethek ro Ithong Isu Masi wuii shii zab ichiig ne ichad ruii bo.

2 Thesalonithek 3:16

Ithong awai ne hanyie yi gethek ro liijiing pha Ithong chiih-è idang ishak chiih-è khihà magunde liijiing phi bo.

Hebriuthek 10:22

Ji-è cho gethek ne wie lubu nane izai migi rog, chiih-è ichiig è sudjong pha lubu chiih-è khow so è sud pha siuthek ne Hamangkhung-aphuii moe hà wuii rai haro.

Hebriuthek 10:29

Chiihphado, Hamangkhung-aphuii ro Dufuii shii hanyie è snai pho shii, chiih-è layogthek è ithek shii sud pha Hamangkhung-aphuii shiinyie ifai ji shii igong oi pha duiine rek pho shii nyie rey ruii phlei? Nyieliieshii ai ne Ragung pha bushun shii de makhak-riing, ji è ithek shii chua ne khama buii rey ruii phro!

Hebriuthek 9:20

Ai è yao, “nyie yi Hamangkhung-aphuii è nathek shii nuii bone yung pha ne shiinyie rog cheb rek pha ifai ro.”

1 Phithar 1:21

Ai chiang è nathek hamangkhung-aphuii shii migi rek, hanyie aishii iy pha ji è hòi yi ne aishii biisiie phi; chiih-è ji-è nathek ro migi nane luthong ne Hamangkhung-aphuii shii um ro.

1 Phithar 2:25

Nathek ne awaithek lumuii è san dun pha shiishai duiine ro, jishii thuh shii nathek ro Brogpho nane luruakthek shii Gayiig pha ji shii lua yi pha iidoh noh ro.

1 Phithar 5:4

Chiih-è boh Brogpho khia mage shii, nathek shii ne khuchungde asand pha ikhilieng biisiie rago ji mua ruii phro.