Hebriuthek 12:24 - Iwo Surua Mua Wie Pha Bible

²⁴ Nathek ne hanyie è shiinyie wo rab, chiih-è Abel pha ifai è de huàk ne ifai shund pha sbang rek pha Isu shii wuii ge ro.

Hebriuthek 12:24 ပူးပေါင်းရင်းမြစ်များ

Methiu 23:35

Jiphachiang è ichiig oi pha Abel shii ua muii pha ji yie ne nathek è Berachiah pha dufuii Zekharia hanyie shii Misiahò nane sraibao pha duchoi shii ua muii nathek ne khama sgoh rek pha ji ne lago ne nathek lakhung shii chiih ruii phro.

Methiu 26:28

“Hì ne gu ifai ro, hanyie Hamangkhung-aphuii è shiinyie nab phi pha ji ro, chiih-è gu ifai è noi ne layogthek shii khung phi phro.

Marg 14:24

Isu è ithek shii yao, “Hì ne guro ifai ro! Guro hì pha ifai ne bame branthek shii thoi phi phro, guro ifai ne Hamangkhung-aphuii awai shiinyie shii ruii phro.”

LUG ro Muawie 11:51

Abel shii ua pha ji è yi ne sraibao nane So Ithua pha duchoi shii ua muii pha Zekharia ishak thog dang pha. Gu nathek shii yao, nathek chiang ne duchung pha bran nathek lago phi pha ro!

LUG ro Muawie 22:20

Ji duiine iweb pha ido shii ai è ithek shii gog phi ne yao, nathek shii thoi ramuii pha hì pha gog ne Hamangkhung-aphuii ro iwo shiinyie shii guro ifai è cheb rek ne phi phro.

Galathithek 3:20

Jishii bran jia ro blia pha ishak thok mage shii khliie ne achiid sha; chiih-è Hamangkhung-aphuii ne jia bie ro.

1 Thimothi 2:5

Chiih-è Hamangkhung-aphuii ne jia bie ro. Chiih-è Hamangkhung-aphuii nane branthek shii ò rek pha bran jia um ro, ji ne Masi Isu ro,

Hebriuthek 10:22

Ji-è cho gethek ne wie lubu nane izai migi rog, chiih-è ichiig è sudjong pha lubu chiih-è khow so è sud pha siuthek ne Hamangkhung-aphuii moe hà wuii rai haro.

Hebriuthek 11:28

Migi ji è aishii hiìadun pha ji shii rab yie chiih-è Iy pha Khlei è Israelthek pha igobi giak pha dufuiithek shii a-ua yi pha habin shii ifai fi pha yung ro.

Hebriuthek 11:4

Airo migi è Abel è Hamangkhung-aphuii shii Khain è de wie mizid phi. Airo migi ji è ai ne rangsua pha bran rone Hamangkhung-aphuii è nuii phi, nyieliieshii Hamangkhung-aphuii awai è airo lasenthek shii nuii phi. Ai iyjong magun airo migi pha miyaosiu è Abel ne thuh de yao bamuii ro.

Hebriuthek 13:20

Gethek Ithong Isu Masi shii Hamangkhung-aphuii è iy pha ji hòi din yi; ai è awai ifai phi muii pha chiang ai ne shiishai pha Bajobo Shiishaibrogpho rey, ji pha chiang è idang pha shiinyie nabjong. Yang ne liijiing Hamangkhung-aphuii è na shii airo yang pha ji shii rek yi pha zab wie mana ji shii phi yi pha, chiih-è Isu Masi chiang, gethek chai shii ai è sang pha ji shii rek yi bo. Chiih-è biisiie ne idang è idang pha Masi ro! Amen.

Hebriuthek 7:22

Chiihphado, hìpha yo, è de Isu ne wie shiinyie rey phro ne sbang rab ro.

Hebriuthek 8:13

Shiinyie iwo ji è yao srane, Hamangkhung-aphuii è rab, igobi pha jine ihèg rab; chiih-è nyie ihèg rey srane ùb ne sand dun phro.

Hebriuthek 8:6

Jishii thuh, Hamangkhung-aphuii nane awairo bran shii shiinyie shii khriig wie rab pha duiine Isu shii phi pha phabi blia ne ithek è de boh ba ro, nyieliieshii hìne wie manathek pha sbangthek duiine rab ro.

Hebriuthek 8:8

Jishii ai è yao shii, Hamangkhung-aphuii è ai bran rog shii ichiig doh, “Ithong è yao, gu è Israel pha bran rog nane Judah pha bran rog shii iwo shiinyie rab pha, inaithek ne thog sharuii ro.

Hebriuthek 9:15

Hì pha chiang è shiinyie iwo shii rab Masi ro, ji è hanyie shii Hamangkhung-aphuii è ho pho shii ne Hamangkhung-aphuii è sbang rek pha idang khirzeythek shii choi ro. Jine nyarek mua nyieliieshii igobi pha shiinyie shii chun ramuii shii ithek è rek pha ichiigthek re-è branthek shii ichad rek phi pha jia iyjong ro.

Hebriuthek 9:19

Igobi, Moses è Iphey shii rek ne ruii pha ji duiine branthek shii zab pha muyungthek ji yao. Chiihphado rawoi nane siphin ifai yie ne kho rog shii lao, chiih-è Iphey pha jigi nane zab bran shii hysoph pha iphang nane ishaig miiriing shii kho ne shund phi.

Hebriuthek 9:21

Ji duiine Moses de shiinyie haliig shii nane misiasia shii kho pha zab manathek de ifai è fi phi.

1 Phithar 1:2

Hamangkhung-aphuii pha Aphuii chiang è nathek shii ne gua ro. Ragung re-è nathek shii ne so branthek rab ro, nathek ne Isu Masi shii nuii chid, chiih-è airo ifai è nathek shii sud phi ro. Bushun nane liijiing nathek shii ley um bo.