Hebriuthek 10:1 - Iwo Surua Mua Wie Pha Bible

¹ Jewish ro Iphey ne wie manathek sbhang thog ramuii pha ji pha ragey duiine ro; awai ne zai asi. Hì ne idamtham ne idang ò mizid zid pha ji phi ro. Chiihphado, Iphey ji ne, branthek hanyie yi Hamangkhung-aphuii shii wuii ji pha zidthek khriig rey pha khi-è-rek magey phlei?

Hebriuthek 10:1 ပူးပေါင်းရင်းမြစ်များ

Romanthek 8:3

Nyieliieshii bran ro ziig ne zia buii ne Iphey è arek mua pha ji ne, Hamangkhung-aphuii è rek. Ai è awairo Dufuii thoh pha ji è bran ro ziig pha Layog shii nin, hanyie ne bran ro layog ziig duiine ziig rog shii wuii ne layog shii ruang rek phi.

Kholosithek 2:17

Zab jithek pha mana ne phariang ne ragia bie phro; chiih-è isbang ne Masi ro.

Hebriuthek 10:22

Ji-è cho gethek ne wie lubu nane izai migi rog, chiih-è ichiig è sudjong pha lubu chiih-è khow so è sud pha siuthek ne Hamangkhung-aphuii moe hà wuii rai haro.

Hebriuthek 7:11

Lewi phabithek è Israel pha bran shii Iphey phi. Thuh, Lewi pha phabi ne blia shii khriig rey arone, Aron è asi pha, hanyie jia Melkhizedek phabi lumuii shii gai ichua pha phabi khia phane achid ro.

Hebriuthek 8:5

Phabithek duiine ithek è rek pha blia ne nui bie pha chiih-è hamangkhung hà nyie um pha ragia ji ro. Hì ne Moses rog shii um pha duiine ò ro. Ai è Shiinyie Haliig rab shii, Hamangkhung-aphuii è aishii yao, “Na è phiing shii nyie doh pha ji duiine zab rab bo.”

Hebriuthek 9:11

Jishii ichiih shii umjong pha wie manathek pha kho phabi duiine Masi wuiijong ro. Ai è blia rek pha haliig ne bajo boh nane bajo khriig ro; hìne bran wad è rab pha haliig asi ro. Hì ne, sohjambling pha ichua è rab pha asi ro.

Hebriuthek 9:23

Ji pha manathek, nyie yi isbang hamangkhung è noi pha ji duiine sud ro. Jishii hamangkhung pha manathek awaithek ne ji è wie zidthek chid phro.

Hebriuthek 9:25

Jewish pha phabi boh ne idamtham Bajo So Ithua hà miiram ifai rog shii wuii. Jishii Masi ne awai shii mizid pha bleb-bleb awuii ro,