Bliathek 9:17 - Iwo Surua Mua Wie Pha Bible

¹⁷ Ji-è, Ananias ne wuii srane ji pha hò shii khud srane Saul shii wad kho ne khirzey phi. Ai è Saul shii Yao, “Gu khuii Saul wo! Ithong Isu awai mutho ge ro. Hanyie è na shii ichiih wuii pha lumuii hà si pha ji ro. Ai è gu shii thoge phane na mieg ne doh din yi pha thoh pha nane na shii Ragung So mua yi pha thoh ge ro.”

Bliathek 9:17 ပူးပေါင်းရင်းမြစ်များ

Methiu 19:13

Giak bran è aniphiing shii wad khoh ne sia yi pha Isu shii noh ne wuii thog, Jishii, samoythek è ji pha branthek shii giung.

Marg 5:23

Jairus è Isu shii doh mage ne khungdang ne yao, “Gu dimi duiine bajo rad muii ro, na ne wuii srane wad è aishii kho phi bo, chiihphado, ai ne gang dinne sieng ruii phro.”

Marg 6:5

Ji-è ai ne thiichiih shii nyie bliathek de arek mua phi, wad riie ne rad pho shii kho ne gang phi bie marui.

LUG ro Muawie 1:41

Elizabeth è Mery è khung ne yao pha ji nyayoi dang mage shii, ani yi ai lui iliing hà sid, chiih-è Elizabeth ne Ragung So è ley dun,

LUG ro Muawie 1:67

Jon ai aphuii Zekharia yi Ragung So è ley ne, chiih-è Hamangkhung-aphuii mua yao:

LUG ro Muawie 1:76

“Gu ani, nane, Bajo Giu Hamangkhung-aphuii pha chaig rone è ho ruii phro. Na ne Ithong pha ibi wuii srane airo lumuii rab iang phro,

LUG ro Muawie 15:30

Jishii hì pha naro dufuii è naro nuruii zab siulao bimi shii mua marui, chiih-è ai iidoh hò hà thog mage shii, na è Igong swuii aishii ua ne phi’

LUG ro Muawie 15:32

Jishii gethek ne lubo rek ne sang chid phro, nyieliieshii na khuii ne iy dun shii, jimagunde thiih shii ai ne sieng ro; ai ne san dun shii, jimagunde thiih shii ai ne doh ge ro.’ ”

LUG ro Muawie 2:11

Sudoh pha sud shii Dawid saja pha thiig shii, nathek shii ragia rek phi pha Ithong Masi giakjong ro!

Bliathek 10:36

Nathek de thieg iwa! Ai è Israel pho shii mua thoh phane Isu Masi, zab pha Ithong pha, Liijiing pha Mua Wie ji yao bo ne thoh pha ji ro.

Bliathek 13:3

Ithek è minyie nyie ne sia srane awaithek wad isa khrug shii khirzey phi ne thoh ge.

Bliathek 13:52

Anthioch shii migiphothek ne bajo lubo nane Ragung So um dun.

Bliathek 19:6

Phaul è awai wad ithek khrug shii khoh phi shii, Ragung So è ithek lakhung de ley dun, ji-è, ithek de khuchung de ayoi ba pha miyaogamthek yao ne Hamangkhung-aphuii pha mua de yao ne rai dun.

Bliathek 2:4

Ithek ne Ragung So è zab than dun srane gai bran pha miyaogamthek de yao thog ruii. Ji ne Ragung So pha blu miyao yao yi.

Bliathek 21:20

Ji yao pha nuii ne ithek è Hamangkhung-aphuii shii chiong phi. Ji phado è Phaul shii de yao, “Gathek pha khuii Phaul wo! Nawai de riig muii ro, itham pha Jewthek ne migipho rey ne Iphey shii khinyama jam now dun ro.

Bliathek 26:15

Gu è aishii sai, Ithong wo! Na ne hanyie ga? Ji pha Ithong è chang, Gune Isu ro, hanyie shii na è diig phi pha ji ro.

Bliathek 4:31

Ithek è ji sia pha jong ched mage shii ithek dug ne sia pha ithua ne sham dang dun, ithek zab ne Ragung So è ley dun, chiih-è jao ne boh now ne Hamangkhung-aphuii pha mua ji yao dun.

Bliathek 6:6

Ji pha bran mile shii guaphasamoythek moe shii noh thog ruii, ji-è, guaphasamoythek è ithek khrug lakhung shii wadthek khoh ne sia ne thoh ge.

Bliathek 8:17

Ji-è, Phithar nane Jon è awai so wad ithek Khurug shii kho srane sia mage shii ithek de Ragung So mua dun.

Bliathek 9:18

Ji è rek dang shii Saul mieg è ù khug duiine jia chiih dun ne mieg ne sang doh din ruii. Ji-è ai ne jai srane khowo yie mua.

Romanthek 15:7

Chiihphado, Hamangkhung-aphuii ro biisiie rek pha, Masi è nathek shii nuii pha duiine nawaithek chung de choi rai bo.

1 Khorinthek 15:47

Igobi pha Adam ne, nyiak è rab ne, sohnyiak è wuii; chiih-è din pha Adam ne Hamangkhung è wuii ro.

1 Khorinthek 15:8

Gu ne hanyie jia yi adau pha giak pha duiine rangde—zab pha iidoh shii ai gu shii de dongthog.

1 Khorinthek 9:1

Gune ichad bran asi bey? Gune guaphasamoy asi bey? Gune gethek ro Ithong Isu shii adoh bey? Chiih-è nathek ne gu è ithong shii blia rek pha ji è arey bey?

1 Thimothi 4:14

Nyie chaigthek è yaojong pha nane dukhothek è wad nathek lakhung shii ruii shii nathek shii phijong pha ragung lasen ji shii asnai rabo.

1 Thimothi 5:22

Ithong ro blia rek pho ithek shii phi muii pha branthek shii wad ruii pha khthiie arek rabo. Gaithek ro layog shii ichua ayie rabo; nawai shii igang ruii bo.

2 Thimothi 1:6

Gu è wadthek na lakhung ruii magey shii Hamangkhung-aphuii re-è phi pha lasen shii isieng ruii yi pha ji pha chiang gu na shii nowkhlei yi.

Philimon 1:16

Chiih-è thuh ai ne khiao asi bie ro, jishii khiao re-è de bajo boh ro: ai ne Masi shii bushun khuiino ro. Ai ne gu shii bajo mugak ro! Chiih-è nyimanyi khiao duiine chiih-è Ithong shii ne khuiino duiine na shii ne din ne de huak ne mugak ro!

Hebriuthek 6:2

khowothek nane wad ruii ne sia pha mua chiih-è iy ne hòi din chiih-è idang pha chuathek, hì thek shii din ne gai sarong arab haro;

2 Phithar 3:15

Ai è nathek shii ragia rey yie pha ishak phi pha ji shii gathek ro, Hamangkhung-aphuii è aishii phi pha khani shii khoh gathek ro iijiiak Phaul è nathek shii zey pha duiine Ithong ro lubu phyiang shii riig bo.