Bliathek 9:13 - Iwo Surua Mua Wie Pha Bible

¹³ Ananias è chang, “Ithong wo! Ji pha bran è Jerusalem pha naro branthek shii bajo diig phi phane branthek è gu shii yao jong ro.

Bliathek 9:13 ပူးပေါင်းရင်းမြစ်များ

Methiu 10:16

Yoi bo! Gu è nathek shii shiishai duiine choishaluii um pha duchoi shii thoh ramuii ro. Nathek ne pham duiine briak rek ne, pharo duiine zum rek bo.

Bliathek 22:4

Gu de bran hanyie è hì pha lumuii shii lua pha branthek shii iy dang pha diig cheo phi jong ro. Gu è hò-aphuii, hò-amuiithek shii zum ne phatheg chab jong muii ro.

Bliathek 8:3

Ji è rek magungde, Saul ne charchthek shii buii rek pha lumuii sow ne rai. Ai ne hò-hò hà wuii srane migipho, hò-aphuii um ne de, hò-amuii um ne de zab shii fuang khia srane phatheg chab maphi.

Bliathek 9:1

Ji è rekramuii shii, Saul ne Ithong shii migipho shii ua pha noh. Ai ne Kho Phabi shii wuii dun ne

Bliathek 9:21

Branthek ne ai miyao ji yoi ne bajo anomuluii pha rey ne awaithek chung yao rai, “Hì pha bran ne Jerusalem hà Isu shii sia pho shii ua ne rai pha ji asi bey? Ai ne ichiih shii wuii phade ji pha branthek shii zum ne Bohphabi shii noh ruii pha wuii pha ji asi bey?”

Bliathek 9:32

Phithar ne ithuathek hà lua ne rai. Ishak jia shii ai ne Hamangkhung-aphuii pha branthek shii thiisa pha Lyda hà wuii dun.

Bliathek 9:41

Phithar è Thabitha shii wad chaing ne riu yi srane migipho nane misiungmuiithek shii bucho ho ne hòi din pha ji riig yi.

Romanthek 1:7

Chiih-è Rom hà nathek zab shii gu è zey hanyie shii Hamangkhung-aphuii è miie ne awai ro bran re yi pha ho: Hamangkhung-aphuii gethek Aphuii nane Ithong Isu Masi è nathek shii bushun nane liijiing phi bo.

Romanthek 15:31

Gu shii de sia phi bo, gune Judea pha migi arek pho è ragia rey pha chiih-è thiisa pha Hamangkhung-aphuii pha bran de gu blia ji nuii yi bo.

Romanthek 16:15

Philologus chiih-è Julia è yi ne Nereus chiih-è airo bumuii shii, chiih-è Olymphas chiih-è hanyie ai rog shii um pha zab Hamangkhung-aphuii pha bran shii de salamthek ro.

Romanthek 16:2

Hamangkhung-aphuii pha branthek è rek pha duiine, bimi shii de Ithong beng shii choi mage bo; bimi è na shii nyie nong pha chid pha um jine phi mage bo; bimi ji awai ne bajo bran rog shii wie ijak rey yi bo chiih-è gu shii de nong bo.

1 Khorinthek 1:2

Khorinth shii um pha Hamangkhung-aphuii ro charch chiih-è Hamangkhung-aphuii è hanyie shii zab so pha bran rone ho pha, chiih-è hanyie yi aishii um pho ne Isu Masi rog shii phro, ithek ro Ithong nane gathek ro Ithong, hanyie è Isu Masi shii sia pha zab bran shii ò rek bo.

1 Khorinthek 14:33

nyieliieshii Hamangkhung-aphuii è gethek shii anuii rabo ne ayang jishii ilab nane liijiing rek bo ne yang ro. Zab charchthek pha Hamangkhung-aphuii pha bran duiine,

1 Khorinthek 16:1

Thuh shii, Judea hà rai pha Hamangkhung-aphuii pha bran shii nong phi pha nathek è zey pha bang chiang shii now bo. Nathek ne rek chid, gu è Galathia pha charchthek shii nathek shii nyie rek bo è yao pha ji rek bo.

1 Khorinthek 6:5

Nathek shii wo muii ro, izai thiisa hà hanyie è Masipho chung gui rai pha ji shii ne chua mua pha khua jia ne um iwa.

Iphisithek 1:1

Phaul re-è, hanyie yi Hamangkhung-aphuii è yang pha Masi Isu ro guaphasamoy— Iphisus hà Hamangkhung-aphuii ro bran pha hanyie è ithek ro chai ne Isu Masi rog shii ò migi rek ro:

Philiphithek 1:1

Masi Isu ro khiaothek Phaul nane Thimothi re-è—Hamangkhung-aphuii ro branthek Philiphi shii rai pho hanyie yi Masi Isu rog shii ò rek pha, Charch pha dumuiithek lao ne chiih-è nongphothek shii de:

Philiphithek 4:22

Hanyie yi Bisiu ithua è rey pho shii, Ichiih pha zab Hamangkhung-aphuii ro branthek è salamthek ren ge ro.

Kholosithek 1:2

Hamangkhung-aphuii ro bran Kholosi pha, hanyie yi gathek ro migi ijakthek Masi rog shii: Gathek ro Hamangkhung-aphuii è nathek shii bushun nane liijiing phi bo.

Hebriuthek 13:24

Nathek ro dumuiithek shii chiih-è zab Hamangkhung-aphuii bran shii gathek ro salamthek phi bo. Ithaly pha migiphothek è de nathek shii salamthek thoh gey.

JUD ro Jigigam 1:3

Gu iijiiakthek wo, gu nathek shii hì zey pha ne gethek shii um pha giawo pha miyao chiang ji shii zey chid pha now shii, jishii Hamangkhung-aphuii è awai bran shii luang jia shii idang pha migi phi pha chiang shii mak rek bone lububo rek pha zey phro.