Chiih-è ithek jai fad srane Isu shii reng ne fuang thawun hà noh srane, awaithek thiig rab pha phiingduii giu hà noh dun. Ithek è ji pha phiingduii è buzam reng pha rek,
Gu de bran hanyie è hì pha lumuii shii lua pha branthek shii iy dang pha diig cheo phi jong ro. Gu è hò-aphuii, hò-amuiithek shii zum ne phatheg chab jong muii ro.
Ji-è gune Jerusalem hà rai shii de ji è rek marui. Gune Phabi bohthek è jigigam yie srane Hamangkhung-aphuii pha branthek shii zum ne phatheg chab muii srane ithek shii ua pha, gu de haro rek gieng.
Ji-è, ithek ne Gaibranthek shii lasen phi srane aishii layog nin yi, “Gathek è ai ne Moses nane Hamangkhung-aphuii shii adunmey pha miyao yao ne rai pha yoi muii ro!”
Thiichiih shii, ithek è giak branthek shii ho srane khlam yao ne aishii nin yi. Ji pha branthek è khlam ne yao, “Hì pha bran ne idang Hamangkhung-aphuii Misiahò pha Iphey nane Moses pha Iphey ji shii adunmey pha miyao yao ne rai muii ro.
Ji ua muii phane Saul è de nuii. Ji pha inai è Jerusalem pha charchphothek ne diig phi pha ji è bajo duhug rek ne rai dun. Thiichiih guaphasamoy shii thoh marui ne charch pha migiphothek ne zab rum ne Judea nane Samaria soh ithua hà yo ched dun.