Bliathek 6:1 - Iwo Surua Mua Wie Pha Bible

¹ Ìujia idoh shii, samoythek ne bajo rey ne dog mage shii Grekh yao pho Jewthek nane buyo è Jewthek yao ne ruii pho chung gui rai dun. Grekh yao pho Jewthek è yao, ithek misiungthek shii ne miithan ne athang pha snai muii ro.

Bliathek 6:1 ပူးပေါင်းရင်းမြစ်များ

Methiu 23:13

Iphey yua pha masdothek nane Pharisithek wo! Nathek shii ne khama buii thog ruii ro, Lawasdai nathek wo! Nathek è hamangkhung pha Sajathua pha habin ne branthek pha mizia shii kheb muii ro. Chiih-è, nawaithek de ji pha bucho shii akhud, branthek shii de ji pha bucho shii akhud yi.

Bliathek 11:20

Jishii, giak migiphothek ne Khyphrus nane Khyrene è Anthioch hà wuii srane Gaibranthek shii de Ithong Isu pha Mua Wie ji yao phi.

Bliathek 11:26

Ai è Saul shii doh mage ne, ai è Saul shii Anthioch hà noh ne wuii noh ne ji pha idam ne Anthioch charch pha branthek shii si ne yua ne rai. Masipho rone beng phane Anthioch charch shii beng ne jao bi.

Bliathek 11:29

Samoythek è awaithek chung nung ne bang khinyama than mua pha ji than ne Judea hà rai pha migipho shii ren ge.

Bliathek 2:41

Ji è yao mage shii, bran giak è ne ji pha mua ne izai now gieng ne khowo phi yi, chiih è, ji phado shii itham uom pha branthek de ji pha ibrog shii dog gieng dun.

Bliathek 2:45

Awaithek pha nuruii, soh raig um pha thek chong liu srane bang jithek ne khinyama jia chid pha ji thang rai.

Bliathek 2:47

Hamangkhung-aphuii shii laso phi ne awaithek chung de wie now pha ji lubo rek rai. Ji pha Ithong è inai tham ne hanyie ragia rey jong pho ne ithek rog dog phi.

Bliathek 4:35

Chiih è, jithek ne guaphasamoy shii zid phi; ji pha bang ne samoythek è awaithek shii nyie khi è chid pha ji riig srane thang rai.

Bliathek 4:4

Ji è rek magungde, khinyama pha bran è ji pha mua yoi pho ne ji migi now dun, ji è, ji pha idoh shii branthek ne itham guii huak ne um dun.

Bliathek 5:14

Jimagunde, inai tham ne bran bajo bajo dog dun bajo hò-aphuii, hò-amuii hanyie thek è Ithong shii Migiphothek mudog gieng.

Bliathek 5:28

“Gathek è nathek shii ji pha bran beng yao ne ayua rabo phriie ne ruiijong habuii shii, riig mage bo, nathek è nyie rek din phiiga! Nathek ne Jerusalem pho shii mua hì zab yao muii ro, chiih-è nathek ne ai iy pha gaja ne gathek shii the yang muii bey!”

Bliathek 6:2

Ji è yao mage ne, guaphasamoythek snanyi è zab migiphothek shii ho ne maley jung srane yao, “Gethek ne Hamangkhung-aphuii miyaogam ji snai srane bang kho phane awie ro.

Bliathek 6:7

Ji è rek ne Hamangkhung-aphuii miyaogam ne athodang pha shiie thog dun. Jerusalem shii samoythek ne bajo dog thog dun, chiih-è, Phabithek de migi now thog dun.

Bliathek 9:29

Ai è Grekh yao pha Jewthek shii de yao ne khnaing noh shii ithek è aishii ua pha rek dun.

Bliathek 9:39

Ji è, Phithar ne saro srane ithek shii wuii dun. Ai ne thiisa wuii thog shii, aishii ne ji pha ùgud hà noh dun. Ji pha ùgud hà wuii thog shii misiungmuiithek è ai moe wuii ne Dorkhas è awai a-iy ba shii rab marui pha phadiig nane yugudthek ro! Hiòg ne riig yi srane choh.

Bliathek 9:41

Phithar è Thabitha shii wad chaing ne riu yi srane migipho nane misiungmuiithek shii bucho ho ne hòi din pha ji riig yi.

Romanthek 12:7

hì ne blia rek pha arone gethek ne blia rek chid phro, hì ne yua pha arone gethek ne yua chid phro;

1 Khorinthek 10:10

Gethek ne phosro arek chid phro, giakthek ithek è rek duiine—Chiih-è ua pha hamangkhliie è ithek shii srobro rekmuii.

2 Khorinthek 11:22

Ithek ne Hebriu bey? Gu ne Hebriu ro. Ithek ne Israel pho bey? Gu ne Israel pho ro. Ithek ne Abraham ro riingthek bey? Gu ne Abraham ro riing ro.

Philiphithek 3:5

Gune habda rey shii, gu shii ne migiangkheg muii. Gu ne Israelthek è giak pha, igang ifai Hebrew, Benjamin jad ro. Jewish Iphey è yao ne, nya ruii dang shii, gu ne Pharisi,

1 Thimothi 5:3

Misiungthek hanyie yi zab re-è zai awaithek ji lei ne ithek shii ne ilab phi bo.

1 Thimothi 5:9

Misiung ne idam sariig arey sapho shiine thaluii misiungmuii rog shii lao ne sasab arek rabo. Hìde lao ne ai ne luang jia yiygeyjong bie chid

Hebriuthek 13:1

Masipho khuiinothek duiine nawaithek chung moe shii ruii bo.

Jems 1:27

Aphuii Hamangkhung-aphuii è igang nane zai giang rone now pha jine hì ro: Dusho nane misiungthek ro diig shii wie gayiig ne chiih-è nawaithek shii sohjambling shii è buii pha ji è ruang rek bo.

Jems 4:5

Jigigam shii yao pha ji izai asi rone nathek ne anow rabo, “Hamangkhung-aphuii è gethek shii ragung phi pha ji bajo chid pha ji shii zan phi ro.”

Jems 5:9

Gu iijiiakthek, gai ro suanghàw ne gachi ayao rabo, ji-è Hamangkhung-aphuii è de nathek shii achua phro. Chua pha jine nui ro, chiih-è dong sharuii ro.