Bliathek 5:4 - Iwo Surua Mua Wie Pha Bible

⁴ Ji pha nuruii ne chong arek ba pha ibi de nawai ro chag, chiih-è, chong rek ched ne mua pha bang de nawai ro chag ro. Na ne ji nyie now ne rek phlei? Na ne bran shii khlam pha asi pha yi Hamangkhung-aphuii shii khlam ro.”

Bliathek 5:4 ပူးပေါင်းရင်းမြစ်များ

LUG ro Muawie 10:16

Isu è awai samoythek shii yao, hanyie è ithek shii nuii pho ne, gu shii de nuii, hanyie è ithek shii snai arone gu shii de snai phro, chiih-è hanyie è gu shii snai arone gu shii thoh ge pha ji shii snai phro.

Bliathek 5:3

Ji è rek shii Phithar è sai, “Ananias, na ne nyie rek ne Sakhathong è yang yi ne na nuruii è mua pha bang khuyo ug srane Ragung So moe shii khlam phlei?

Bliathek 5:9

Ji è, Phithar ne aishii yao din, “Na gey nasa ne nyie rek ne Ithong pha Ragung shii chai ne riig phlei? Na gey shii wieng pho ne thuh de habin shii thog ne riu ba muii ro, ithek è na shii de wieng pha noh dun phro!”

1 Khorinthek 8:8

Jishii, michie è, gethek ro sieng ne Hamangkhung-aphuii rog shii laziung arey phro, gethek è achie magungde nyie amua phro, gethek è chie magungde nyie aphua phro.

1 Thesalonithek 4:8

Ji-è chiihphado, hanyie magunde hì pha muyua shii snai pha ne bran shii snai pha asi ro, jimagunde Hamangkhung-aphuii hanyie è nathek shii Ragung So phi pha ji shii ro.

Philimon 1:14

Ji è rek magun de, gune na shii nong bone bangchiie arek yang ro; ji phachiang, gune na shii nawailum ji rek bone yang ro. Ji-è gu de na anuii sapho ne gune nyie de arek phro.

Jems 1:15

Chiihphado gethek ro awie pha chidthek wiig pha ji è layog giak ruii phro; chiih-è layog, ji weg rey mage shii, iy pha ji giak ruii phro.