Bliathek 5:11 - Iwo Surua Mua Wie Pha Bible

¹¹ Ji è rey pha mua yoi mage ne chiihphado shii charchthek hanyie è ji doh pho ne bajo rum ne rai dun.

Bliathek 5:11 ပူးပေါင်းရင်းမြစ်များ

Bliathek 19:17

Iphisus hà rai pha Jewthek nane Gaibranthek è ji pha mua yoi mage shii bajo rum ne Ithong Isu pha ibeng shii bajo boh ilab phi.

Bliathek 2:43

Guaphasamoy è bajo wieng pha bliathek nane anomuluii pha bliathek rek mage ne branthek ne zab rum dun.

Bliathek 5:5

Ananias è ji è yao pha nya yoi dang mage shii thud ne iy dun; chiih-è, thiichiih um phothek de ji yoi ne rum dun.

Bliathek 9:31

Ji è rek pha idoh shii ne Judea, Galili nane Samaria pha charchthek ne liijiing um dun. Ragung So è ithek shii chuh rek phi ne ithek rog shii bajo migiphothek rey ne dog dun ne Ithong shii bajo ilab rek ne rai dun.

Philiphithek 2:12

Ji-è chiihphado, bushun ijakthek, gu nathek rog um shii nathek è gu shii idang nuii phi, thuh gu nathek è ruang shii nathek gu shii nuii phi pha ji ne muna mugak ba ro. Nawaithek ro giawo ji zab rek pha rum ne sam pha rog shii rek bo,

Hebriuthek 11:7

Migi ji è Hamangkhung-aphuii è ai adoh pha phariang pha manathek shii phriie pha ji shii Noah è yoi ro. Nyie yi Ai nane airo haliingpho ragia rey mua pha ai è Hamangkhung-aphuii shii nuii srane run jia rab. Idohhè shii sohjambling shii ne the dun, chiih-è migi ji è thog pha Hamangkhung-aphuii ro rangsuathek ne Noah è choi ro.

Hebriuthek 12:15

Hamangkhung-aphuii ro bushun è iidoh khid din yi pha suang shii ragia rek bo. Hanyie jia de misieng khow sieng pha ji duiine arey rabo chiih-è ai ro idiig ne bame diig rey ro.

Hebriuthek 12:28

Chiihphado, cho gethek ne lasothek phi haro, nyieliieshii gethek ne sajathua asham muii pha ji shii choi ge ro. Cho gethek ne laso phi ne chiih-è ilab nane rum srane aishii sang yi lumuii ji è Hamangkhung-aphuii shii misiasia;

Hebriuthek 4:1

Thuh, ai è yao pha thung chiang shii Hamangkhung-aphuii gethek shii sbang mizid rek pha jine thuh de um, chiihphado, gethek shii mua yi pha gethek gayiig rai haro.

1 Phithar 1:17

Nathek è Hamangkhung-aphuii shii sia mage shii, Nathek ne aishii Aphuii rone ho, hanyie è zab pha bran shii ne zab è nyie rek pha ji shii ò è chua; ji-è chiihphado, nathek ichiih sohnyiak shii sieng pha jine aishii ilab rek bo.

Dong 15:4

Ithong, na shii arum pha hanyie riu pha lei? Hanyie naro bajoboh shii ayaothieg pha hanyie lei? Nawai jijia ne so ro. Zab pha sohthek ne na shii misisia pha wuii ruii phro, nyieliieshii naro giang bliathek ne zab è dohjong ro.”