Bliathek 4:27 - Iwo Surua Mua Wie Pha Bible

²⁷ Ji duiine Herod nane Phonthius Philath ne Gaibranthek nane Israel pho rog shii dog srane Isu shii, na ro khiao so, hanyie shii na è Masi rab pha ji shii gidieg rek dun ro.

Bliathek 4:27 ပူးပေါင်းရင်းမြစ်များ

Methiu 14:1

Herod è Galili shii khohthek ne rai pha ishak shii, Isu chiang shii yoi,

Methiu 14:3

Herod è Jon shii zum pha yungjong. Chiih-è Ai è shiirnai phang srane phatheg chab muii ro. Ai jithek rek pha ji ne ai ikhuii ro Philiph pha yiy Herodias pha chiang ro.

Methiu 14:6

Herod giak pha inai shii Herodias pha dimi è zab pha ibrog moe shii gasiu siu phi. Herod ne sang dun.

Methiu 21:28

Thuh, shii nathek ne nyie now ga? Luangjia shii bran jia shii dufuii nyi um. Aphuii è Dufuii chai shii wuii srane yao, gu Dufuii! Sudoh inai na raig hà wuii srane blia rek mage bo.

Methiu 23:37

Jerusalem, Jerusalem! Nathek è chaigthek ua muii chiih-è Hamangkhung-aphuii è nathek shii thoh pha muapho shii de lubao chao nyia muii! Khemuii è awai iduiithek shii awai iyig hà phiig pha duiine gu khama chiieng gu ne nathek branthek shii gu wad è giak phi pha yang, Jishii nathek gu shii arek yi ro!

Methiu 27:2

Ithek è aishii shiirnaithek è joi ne noh srane Roman pha badri Philath shii phi muii.

Marg 10:33

Ai è ithek shii yao, “Yoi bo, gethek ne Jerusalem hà wuiiramuii ro, thiisa hà Bran Dufuii shii ne zum srane Phabi wegthek shii chiih-è Iphey yua pha masdothek shii phi muii phro. Ithek è aishii iy yi pha the srane migi arek pho shii phi ruii phro,

Marg 15:31

Ji duiine, boh Phabithek chiih-è Iphey yua pha masdothek de Isu shii makhakriing srane awaithek chung yao rai, “Ai ne gai thek shii ne ragia rek phi, jishii ai ne awaishii ragia arek-mua ara!

LUG ro Muawie 1:35

Hamangkhliie è chang, “Ragung so de na shii wuii ruii phro, chiih-è Hamangkhung-aphuii ro blu de na lakhung shii thog ruii phro. Ji pha chiang è hì pha ani So shii ne Hamangkhung-aphuii ro dufuii rone ho phro.

LUG ro Muawie 22:63

Isu shii ragia rek pha bran ji è aishii zuang srane ai mirek jithek nui.

LUG ro Muawie 23:1

Zab pha ibrog è jai srane Isu shii Philath ibi hà noh ne,

LUG ro Muawie 4:18

“Ithong Ragung ne gu lakhung shii um ro, nyieliieshii ai è dusho shii mua wie yua yi pha gu shii gua ro. Gu shii ne phatheg hà chab ne um pho shii de khia yi pha, chiih-è miegthi pho shii doh din yi pha chiih-è bajo diigkhui muii pho shii de yong ne noh pha yao pha thoh ge ro.

LUG ro Muawie 9:22

Ai è de ithek shii yao, “Bran Dufuii ne bajo diig rek srane dukhothek, boh phabithek nane Iphey yua pha masdothek è de snai muii phro. Aishii ne ua muii phro, jimagunde ai ne da-uom pha idoh shii ne hòi din ruii phro.”

JON ro Muawie 1:11

Ai ne awairo soh hà wuii shii, jishii awairo bran è aishii aho ro.

JON ro Muawie 10:36

Gu shii ne Hamangkhung-aphuii è gua srane sohjambling shii thoh ge. Nyie khi-èrek ne, nathek ne gu è Hamangkhung-aphuii ro Dufuii rone yao pha ji ne biwo yao phrone yao ne bey?

JON ro Muawie 18:28

Hamiang riang Isu shii Khaiaphas hò è badri ro hòboh hà noh dun. Jimagungde Jewthek pha riichaithek ne hòboh iliing hà awuii, nyieliieshii ithek ne awaithek shii so ruii pha now, jiè ithek ne Hiiadun pha michie nya chie mua.

JON ro Muawie 18:29

Ji-è Philath fuang hà aishii wuii srane sai, “Nathek hì pha bran shii nyie nin phlei?”

JON ro Muawie 19:34

Sandri jia è awai jiong rek ne Isu siu shii giao mage shii ifai nane kho noi khlei ruii. (

Bliathek 10:38

Nathek de Nazareth pha Isu shii Hamangkhung-aphuii è khi-è rek ne Ragung So nane blu phi pha ji thieg iwa. Ai ne soh soh hà wuii srane wie bliathek rek phi ne ibuii ragung pha blu è jiang pho shii gang phi, nyieliieshii, Hamangkhung-aphuii ai rog shii um dun.

Bliathek 2:27

nyieliieshii, na è gu shii iy pha sohjambling hà athoh phro; Na è nawai khiao isiie shii wieng shii ashong yi phro.

Bliathek 4:30

“Nawai wad yie srane nawai khiao so Isu beng è rad pho shii gang yi pha, anomuluiithek pha nane buangthek pha bliathek rek mua yi pha chua phi mage bo.”

Hebriuthek 7:26

Chiihphado, Isu, gethek chid pha mua pha Kho Phabi ro. Ai ne so; aishii ne ichiig oi ro chiih-è aishii ne layog oi ro; aishii ne layog branthek è yoh rek srane hamangkhung lakhung è chiing phi.