Bliathek 4:19 - Iwo Surua Mua Wie Pha Bible

¹⁹ Ji è gak magungde, Phithar nane Jon è ithek shii chang, “Nathek ne nawaithek lubu shii nowbthan ne chua mage bo, Hamangkhung-aphuii moe shii nyie miyao ji ne izai bey? Nathek miyao ji nuii ne rek shii wie pha um bey? Asi, Hamangkhung-aphuii miyao ji nuii ne rek shii wie pha um bey?

Bliathek 4:19 ပူးပေါင်းရင်းမြစ်များ

Methiu 22:21

Ithek è chang. “Bisiu ro.” Ji-è Isu è ithek shii yao, “Wie, chiihphado, nyie Bisiu ro ji Bisiu shii phi mage bo, chiih-è nyie Hamangkhung-aphuii ro ji ne Hamangkhung-aphuii shii phi mage bo.”

LUG ro Muawie 22:8

Isu è Phithar nane Jon shii airo Hiìadun pha michie ji khriig rek iang bo è yung ne thoh ge.

JON ro Muawie 7:24

Nathek ne lakhung hà riig ne achua rabo, jishii bucho pha izai ji riig ne chua bo.

Bliathek 4:13

Thiichiih um pha limiangthek ne Phithar nane Jon è chua mua ne yao pha ji doh mage ne bajo wiengphleg dun, nyieliieshii, ithek ne jigi azey pha bran ro. Ithek è ithek ne Isu rog shii rai gieng pha bran rone thieg dun.

Bliathek 5:28

“Gathek è nathek shii ji pha bran beng yao ne ayua rabo phriie ne ruiijong habuii shii, riig mage bo, nathek è nyie rek din phiiga! Nathek ne Jerusalem pho shii mua hì zab yao muii ro, chiih-è nathek ne ai iy pha gaja ne gathek shii the yang muii bey!”

Bliathek 5:29

Phithar nane gai guaphasamoythek è chang, “Bran miyao asi pha yi Hamangkhung-aphuii miyao nuii chid phro.

1 Khorinthek 10:15

Gu ìd pha bran duiine nathek shii yao ro, gu è nyie yao pha ji ne nawaithek shii chua bo.

2 Khorinthek 4:2

Gethek ro ug pha miyao nane biwo blia ne ruang ruii muii bo; chiih-è gethek ne awie pha blia arek rabo, chiih-è gethek ne Hamangkhung-aphuii ro miyaogam shii de biidiie ayao rabo. Gethek ne Hamangkhung-aphuii moe shii ne izai pha zab ley ichuang shii rai ne chiih-è zab gaithek shii wie thieg yi pha gethek shii wie rek pha bidiang bo.

Iphisithek 6:1

Aniphiing, aphuii-amuii shii nuii phane nathek ro Masipho pha blia ro, chiih-è hì rek phane izai blia ro.

1 Thimothi 2:3

Hì ne wie chiih-è gethek ro Ragia Hamangkhung-aphuii shii khung yi ro.

Hebriuthek 11:23

Migi chiang shii Moses pha aphuii-amuii è ai giak pha iidoh aishii habie uom ug ne yie ro. Ithek è aishii bajo khie ani rone riig, chiih-è ithek ne sajathek muyung shii anuii pha rek pha ji de arum.

Jems 2:4

Chiihphado nathek ne nawaithek duchoi shii yoh yoh rek ne awie pha munow jihà ichiig rek ara ro