Bliathek 26:7 - Iwo Surua Mua Wie Pha Bible

⁷ Gethek branthek pha jad snanyi è luthong muii pha Hamangkhung-aphuii shii hanai habiu sia pha ji shii luthong mage ne riu yi bie ro. Saja wo! Hì pha chiang è sudoh na moe shii Jewthek è gu shii layog nin bie ro.

Bliathek 26:7 ပူးပေါင်းရင်းမြစ်များ

Methiu 19:28

Isu è ithek shii yao, “Gu ne nathek shii izai yao Bran Dufuii ji è ishak iwo shii saja biang hà dug mage shii, Israel pha iiriing snanyi shii bohkhoh pha guro samoythek snanyi ithek ne bukho biang shii dug ruii phro.”

LUG ro Muawie 2:25

Ji pha idoh shii thiisa hà Simeon beng pha bran jia Jerusalem shii rai. Ai ne bajo wie nane Hamangkhung-aphuii shii rum ne rai pha bran ro, chiih-è Israel shii ragia rek phi pha ji shii khan ne rai phro. Ragung So de ai rog shii um.

LUG ro Muawie 22:30

Nathek de guro Sajathua hà guro thiibliie shii chie niing ne rai ruii phro, chiih-è nathek ne biangthek shii dug srane Israel pha snanyi jadthek shii bohkhoh ruii phro.

Bliathek 20:31

Ji-è, ji nowbthan ne rai bo, gune gu miegkhothek hanai habiu noi ne nathek shii idam uom yua ne rai noh jong ro.

Bliathek 24:15

Gu de ithek duiine Hamangkhung-aphuii shii buii nane wie pha branthek ne hòi din pha miyao ji luthong ne rai ro.

Bliathek 26:2

“Agripha Saja wo! Sudoh gune chua wie mua ne na moe shii Jewthek è khinyama jia nin pha miyao chiang gui shii haro rek mua yi pha miyao yao mua ro.”

Bliathek 26:3

Na ne Jewishthek pha Iphey nane gu rai phatheg wie thieg ne rai pha bran ro. Ji-è, gune na shii khung ne yao phro, gu miyao hì jum rek ne nuii phi bo.

Bliathek 28:20

Ji-è, gu è nathek shii riig yang chiih-è nathek rog shii miyao yao yang muii ro. Zai yao chak arone, gune hì è rek ne shiirnai è phang phane hanyie shii Israel pha branthek è luthong pha chiang è phang dun ro.”

Philiphithek 3:11

Luthong ji è gui ne iy pha ji ne chai è hòi ruii phro.

1 Thesalonithek 3:10

Chiih-è nathek shii riig wuii srane nathek ro migi shii nyie chid ne nyie phi mua pha ji shii aishii lia ne inai nane habiu gathek lubu shii sia ro.

1 Thimothi 5:5

Misiung hanyie yi aishii nong pha hanyie oi pha awai ji pho ne, awairo luthong ne Hamangkhung-aphuii rog shii chiih-è misia ne awai shii nong phi pha hanai nane habiu Hamangkhung-aphuii shii athodang pha lea bo.

Jems 1:1

Hamangkhung-aphuii nane Ithong Isu Masi ro khiao Jems re-è: Zab pha Hamangkhung-aphuii ro bran sohjambling shii dayiingdayang rey dun pho shii salamthek yao ro.