Bliathek 23:9 - Iwo Surua Mua Wie Pha Bible

⁹ Thiichiih ziak ne yua pha ne bajo bajo boh rey ruii, Pharisithek rog dog pho giak Iphey yua pha masdothek è riu srane gang ziak ne yao: “Gathek ne hì pha bran shii nyie chun pha lumuii adoh phi ro! Aishii ne hamangkhliie nane Ragung è izai yao chak ro!”

Bliathek 23:9 ပူးပေါင်းရင်းမြစ်များ

Marg 2:16

Iphey yua pha Pharisithek è Isu ne layog pho chiih-è mijin than pho rog shii michie chie pha doh mage ne ithek è Isu pha samoythek shii sai, nyie rek ne ai ne ji è rek pha thek rog shii michie chie gieng phlei?

LUG ro Muawie 23:22

Philath è ithek shii uomchiieng yao sha, jimagunde ai ne nyie buii blia rek mua lei? Gu ne aishii ua sapho nyie ichiig adoh phi ro! Gu aishii zuang srane thoh mua pha ro.

LUG ro Muawie 23:4

Chiihphado Philath è boh phabi nane bran ibrogthek shii yao, gu ne hì pha bran shii the mua pha nyie ichiig adoh phi ro.

LUG ro Muawie 5:30

giak Pharisithek nane ithek ro Iphey yua pho masdothek è, Isu ro samoythek shii yao, “Nathek ne mijin thanphothek rog nane gai riingthek rog shii nyie rek ne chie niing phlei?”

JON ro Muawie 12:29

“Chiihphado thiichiih shii iphiing riu pha bran è de yoi, chiihphado giak è yao hì ne hakhliing ro, chiih-è gai è yao hì ne hamangkhliie aishii yao ro!”

Bliathek 11:17

Hì è rek phane izai chak ro, Hamangkhung-aphuii ne Gaibranthek shii de gethek è Ithong Isu Masi shii migi now mage ne lasen mua pha ji duiine ò rek ne mua dun ro; ji arone, Hamangkhung-aphuii shii gak mua pha bran ne! Gune hanyie ga.

Bliathek 22:6

“Gune Damaskhus pha moe wuii thog ramuii shii, hanai duchoi pha ishak liing shii gu moe shii hamangkhung è hamblo shii haliao jia bliak thogruii.

Bliathek 22:7

Gune nyiak shii thud dun shii, goh è gu shii yao pha miyaogam jia yoi ruii, ‘Saul, Saul! Na ne nyie rek ne gu shii diig phi phlei?’

Bliathek 23:29

Gune, aishii, ai iy yi pha nane phatheg chab chid pha blia rek pha adoh phi ro. Aishii nin phane awaithek Iphey zen pha ji è sai ne rek pha miyao bie ro.

Bliathek 23:8

Nyieliieshii, Sadusithek è yao, iyphothek ne khuchung de ahoì din phro, chiih-è hamangkhliiethek nane Ragung ne oi ro; jishii Pharisithek ne ji ne um rone migi now ne rai.)

Bliathek 25:25

Jishii gune ai iy yi pha miyao yao pha nyie lumuii adoh phi ro. Chiih è, ai è de aishii Bisiu shii wuii ge bone gu shii khung ne yao pha ji è gu de aishii wuii ge pha phak ne ruii phro.

Bliathek 26:31

Branthek dun ched pha idoh è awaithek chun yao rai, “Hì pha bran è iy chid pha nane phatheg chab muii pha blia rek pha adoh phi ro.”

Bliathek 27:23

Dibiu gu khi hà um pha nane gu sia pha Hamangkhung-aphuii hamangkhliie gu shii wuii thog.

Bliathek 5:39

Jimagunde, hì ne Hamangkhung-aphuii è dun ruii arone, nathek ne ithek shii ayang mua phro. Nathek ne nawaithek shii Hamangkhung-aphuii rog shii gidieg suang rek pha nyadoh ruii phro!” Limiang è Gamaliel pha miyao nuiidun.

Bliathek 9:4

Ai ne ji bliak pha doh mage ne nyiak hà thud dun. Thiichiih shii ai è miyaogam jia rone aishii yao pha yoi ruii, “Saul, Saul! Na ne nyie rek ne gu shii diig phi phlei?”

1 Khorinthek 10:22

Gethek ne Ithong shii miegriie rey yi pha yang habey? Gethek ne ai è de bajo gang rone now bey?