Bliathek 23:24 - Iwo Surua Mua Wie Pha Bible

²⁴ Phaul shii sthuh phi ne in yi srane Felikhs Badri shii wie wuii thog yi bo.”

Bliathek 23:24 ပူးပေါင်းရင်းမြစ်များ

Methiu 27:2

Ithek è aishii shiirnaithek è joi ne noh srane Roman pha badri Philath shii phi muii.

LUG ro Muawie 10:34

Ai è ji pha bran shii wuii srane thiiliie nane phuii è airo saduii shii shun srane yung rek ne jiang phi; chiihphado è ji pha bran shii awai bambao lakhung hà gow srane thung pha hò hà noh ne, aishii ragia rek phi.

LUG ro Muawie 3:1

Thiberius è Bisiu rek ne idam snaguii rey shii; Phonthius Philath yi Judea pha badri ro, chiih-è Galili thiig pha saja yi Herod ro, chiih-è ji pha soh Ithurea nane Thrachonithis pha saja yi Herod ikhuii Philiph ro; Chiih-è Abilene pha saja yi Lysanias ro,

Bliathek 23:25

Ji è yao ched ne ji pha yungpho è jigigam jia zey ne thoh ge:

Bliathek 23:26

“Khlaudius Lysias è bajo thieg pha badri Felikhs shii wie khung bi.

Bliathek 23:33

Ithek Phaul shii Khaesarea hà noh thog srane jigigam ji badri shii phi srane Phaul de ai wad shii boh ne thoh marui.

Bliathek 24:1

Inai daguii rey ched pha idoh Ananias beng pha boh phabi nane giak dukhothek nane Therthulus Ipheypho rog shii Khaesarea hà wuii thog ruii. Ithek ne Badri Felikhs moe shii wuii srane Phaul shii bajo nin ne yao.

Bliathek 24:10

Ji pha badri è Phaul shii de awai chiang yao yi pha phi. Ji-è, Phaul de yao pha jao, “Gune thieg chak ro! Na ne ichiih soh pho shii miyaothek ne bajo ishak thog dang pha wie che phi ne rai pha bohkhoh ro, ji-è, gu de na moe shii gui shii haro rek phi pha miyao yao pha wie than muii ro.

Bliathek 24:3

Gathek è hì ne khi hà magungde idang rey yi ro. Ji è gathek ne na shii bajo laso bajo wie now phi ro.

Bliathek 25:14

Thiichiih shii isa ne inai ìujia rey pha rai ched mage shii Festhus è Phaul pha mua ne saja ji shii yao phi: “Ichiih shii Felikhs è phatheg hà chab ne thoh marui pha bran jia um ro;