Bliathek 22:3 - Iwo Surua Mua Wie Pha Bible

³ “Gune Jew ro, gune Tharsus hà Khilisia pha ithua shii giak pha bran ro, jimagunde, gune ichiih Jerusalem hà Gamaliel pha jigigampho rek ne sieng pha bran ro. Gu de gethek riing mizen marui pha bajo giang pha Iphey ji pha muyua mua jong ne sudoh ichiih um pha nathek duiine Hamangkhung-aphuii shii phi jong ro.

Bliathek 22:3 ပူးပေါင်းရင်းမြစ်များ

LUG ro Muawie 10:39

Aishii de Mery beng pha bumuii jia um, hanyie Ithong lai luii shii dug ne miyao nuii pha ji ro.

LUG ro Muawie 2:46

Da-uom rey pha idoh shii aishii ne Misiahò hà Jewish masdothek rog shii dug ne, ithek miyao ji nuii srane musai sai ne rai iang pha doh ruii.

LUG ro Muawie 8:35

Branthek è nyie rey pha ji riig wuii dun, chiih-è ithek Isu shii wuii thog mage shii, ibuii fuang khia dun pha bran ji yi khani wie rey srane yung guii ne Isu lai moe shii dug ne rai pha doh, chiih-è ithek ne zab rum dun.

Bliathek 11:25

Ji è yua marui ne Barnabas ne Tharsus hà Saul shii riig pha wuii dun.

Bliathek 15:23

srane ithek shii zey pha jigigam ji phi ne thoh ge: “Gathek ne guaphasamoy nane dukhothek è hanyie Anthioch, nathek pha khuiinothek è, Syria nane Khilisia hà rai pha Gaibranthek pha è giak pha khuiinothek shii salam yao ne thoh ge ro.

Bliathek 15:41

Ai ne Syria nane Khilisia dong ne lua srane charchthek shii gang rek marui.

Bliathek 21:20

Ji yao pha nuii ne ithek è Hamangkhung-aphuii shii chiong phi. Ji phado è Phaul shii de yao, “Gathek pha khuii Phaul wo! Nawai de riig muii ro, itham pha Jewthek ne migipho rey ne Iphey shii khinyama jam now dun ro.

Bliathek 21:39

Phaul è chang, “Gune Jew ro, gune Tharsus hà Khilisia shii giak pha Jew ro, gune bajo boh pha rajan shii rai pha bran ro. Gu shii de branthek shii yao yi pha phi bo.”

Bliathek 23:34

Ji pha badri è ji pha jigigam tham ne riig srane Phaul shii sai, “Na ne khi pha du-ùa hà rai pha bran lei?” Badri ji è Phaul ne Khilisia ithua hà rai pha bran rone thieg mage shii,

Bliathek 23:6

Phaul è Sadusithek pha ibrog jia nane Pharisithek pha ibrogthek um iang pha doh mage ne ithek shii limiangthek moe shii ho ne wuii yi ne yao, “Gu ijak Israelthek wo! Gu de Pharisis ro, gu de Pharisis pha dufuii ro. Sudoh gune ichiih shii chua phane iy ne hòi din pha miyao shii luthong pha chiang è rey dun ro!”

Bliathek 26:5

Ithek ne gu shii wie thieg phro. Ithek è yao yang pha now arone nya yao ruii phro. Gune igobi khi è rek ne Pharisithek bran rek ne bajo gang Iphey rek ne rai pha bran ro.

Bliathek 26:9

“Gu de Nazareth pha Isu shii bajo buii rek pha lumuii sow ne buii rek noh phro.”

Bliathek 5:34

Jimagunde, branthek è bajo wie now pha, Gamaliel beng ne Iphey yua pha bran jia thiichiih pha limiang duchoi shii jai mage, ai è guaphasamoythek shii fuang noh bi bo è yung.

Bliathek 6:9

Ji è rek ne rai magungde, thiichiih shii Jewthek misiahò pha sey ne thoh pha branthek è aishii gidieg rek noh dun (hì ne ho pha duiine). Ithek ne Syrene nane Alezendria pha Jewthek ro. Ithek nane Khilisia, Asia ithua hà rai pha Jewthek è wuii srane Sthephen shii khnaing noh.

Bliathek 9:1

Ji è rekramuii shii, Saul ne Ithong shii migipho shii ua pha noh. Ai ne Kho Phabi shii wuii dun ne

Bliathek 9:11

Ithong è aishii yao, “Saro srane miang Judas pha hò liing hà wuii mage ne Tharsus è wuii thog pha Sual beng pha bran um bey ne sai mage bo. Ai de sia mage shii ibang jia bang ramuii ro,

Bliathek 9:30

Migipho è ji thieg mage ne Sual shii Khaesarea hà noh srane Tharsus hà thoh ge.

Romanthek 11:1

Gu sai, chiihphado: Hamangkhung-aphuii è awai ro bran shii snai nebey? Khuchungde asi ro! Gune gui de Israelith ro, Abraham pha riing ro, chiih-è Benjamin jad pha bran ro.

2 Khorinthek 11:22

Ithek ne Hebriu bey? Gu ne Hebriu ro. Ithek ne Israel pho bey? Gu ne Israel pho ro. Ithek ne Abraham ro riingthek bey? Gu ne Abraham ro riing ro.

Galathithek 1:14

Gune idam ò pha Jew ijakthek duchoi shii Jewthek ro giang pha blia shii gune ithek è de ibi ba ro, chiih-è gathek ro blangthek pha zenthek pha ji shii ithek è de bajo lubu phi ba ro.

Galathithek 1:21

Chiihphado shii gu Syria nane Silikhia pha ithuathek hà wuii dun.