Bliathek 22:14 - Iwo Surua Mua Wie Pha Bible

¹⁴ Ai è yao, ‘Gethek riing pha Hamangkhung-aphuii è na shii ai munow ji thieg bo ne gua jong ro, airo giang khiao ji thieg yi pha, chiih-è, aiwairo miyaogam ji yoi yi pha gua ne ruiijong ro.

Bliathek 22:14 ပူးပေါင်းရင်းမြစ်များ

JON ro Muawie 15:16

Nathek è gu shii agua ro, jimagungde gu è nathek shii gua srane nathek shii iwoi woi yi pha bow phro, chiih-è nathek ro iwoi ne idang rey ne rai bo. Chiih-è Aphuii shii nathek è gu beng shii nyie lia pha ji ne Aphuii è nathek shii phi.

Bliathek 13:17

Israel pha bran ro Hamangkhung-aphuii gethek blangthek shii gua ne chiih-è gu Egyph hà fuang pha bran duiine rai pha ishak shii boh soh pha bajo bran rab jong ro. Hamangkhung-aphuii pha blu è ithek shii Egyph è de fuang khia ne noh phi ro,

Bliathek 22:15

Ji-è, na de branthek shii ai chiang è nyie doh ne yoi pha ji yao chid phro.

Bliathek 22:18

ji pha ibang shii gu è Ithong shii doh ne ji pha Ithong è gu shii yao ramuii pha bang ruii, ‘Jog rek ne Jerusalem thoh ne dun dun bo, nyieliieshii, ichiih pha branthek ne na è gu chiang è nyie yao pha ji ne anuii phi phro.’

Bliathek 24:14

Gune hì nuii rone nathek shii yao: Gune hì pha Lumuii è lua ne gethek ro blangthek pha Hamangkhung-aphuii shii sia phro, jishii ithek è hì ne biidiie rone yao. Jishii, gu de Moses nane chaigpho mizey marui pha Iphey pha jigigam jithek ne migi now ne rai phro.

Bliathek 26:16

Jishii na ne jai ne nawai lai shii riu mage bo. Gune na moe shii dong khlei phane na shii gu khiao gua pha dong phro. Na ne branthek shii na è sudoh shii nyie doh muii pha ji nane phariang è na shii nyie doh yi phajithek yao chid phro.

Bliathek 5:30

Nathek è sharo è hing bai shii phey srane zun ne ua muii pha Isu shii gethek pha blangthek pha Hamangkhung-aphuii è hòi din phi ro.

Bliathek 7:52

Buyo shii de chaig shii nathek pha riingthek è diig phi ne aruii bey? Ithek è Hamangkhung-aphuii pha muaphothek hanyie è giang khiao jia wuii ruii pha mua yao phajithek shii ua maphi ro. Sdoh de ithek ne aishii layog nin srane ua maphi ro.

Bliathek 9:15

Ithong è aishii yao din, “Wuii mage bo, nyieliieshii, aishii ne gu è gu blia rek pha, gu beng ne Gaibranthek nane sajathek, chiih-è, Israel phothek shii thieg yi pha gua jong ro.

Bliathek 9:17

Ji-è, Ananias ne wuii srane ji pha hò shii khud srane Saul shii wad kho ne khirzey phi. Ai è Saul shii Yao, “Gu khuii Saul wo! Ithong Isu awai mutho ge ro. Hanyie è na shii ichiih wuii pha lumuii hà si pha ji ro. Ai è gu shii thoge phane na mieg ne doh din yi pha thoh pha nane na shii Ragung So mua yi pha thoh ge ro.”

Romanthek 1:1

Phaul è, Masi Isu ro khiao nane guaphasamoy gua chiih-è Hamangkhung-aphuii ro Mua Wie ji yua pha gua ne ho.

1 Khorinthek 11:23

Gu Ithong è mua pha muyua ji ne gu nathek shii phi: aishii zum pha habiu Ithong Isu iweb dum jia yie srane,

1 Khorinthek 15:3

Bajoboh pha miigak gu è nyie mua pha ji ne nathek shii phi: Jigigam shii zey pha ji duiine; Masi è gethek layog chiang iy dun,

1 Khorinthek 15:8

Gu ne hanyie jia yi adau pha giak pha duiine rangde—zab pha iidoh shii ai gu shii de dongthog.

1 Khorinthek 9:1

Gune ichad bran asi bey? Gune guaphasamoy asi bey? Gune gethek ro Ithong Isu shii adoh bey? Chiih-è nathek ne gu è ithong shii blia rek pha ji è arey bey?

2 Khorinthek 5:21

Masi ne layog oi sha ro, jishii gethek chiang è Hamangkhung-aphuii aishii de gethek layog shii mathang ne ai rog shii ò rey ne gethek Hamangkhung-aphuii ro rangsuathek shii mathang yi.

Galathithek 1:12

Gune hanyie bran è de amuii ro, chiih-è gu shii hanyie è de ayua ro. Hì ne Isu Masi awai è gu shii doh yi ro.

Galathithek 1:15

Hamangkhung-aphuii è awairo bushun è gu agiak ba pha ibi è gu shii guajong ro, chiih-è airo blia rek pha ho.

2 Thimothi 1:1

Hamangkhung-aphuii è yang pha Isu Masi ro guaphasamoy Phaul re-è, nyie gethek yi Masi Isu rog ò um pha sbang pha chai shii yua pha thoh ge.

Thaidas 1:1

Hamangkhung-aphuii ro khiao nane Isu Masi ro Guaphasamoy Phaul ro. Gu shii ne gua ne Hamangkhung-aphuii è gua pha bran ro migi shii nong phi ne ithek shii ne gathek ro migi pha Izai shii yua pha ji shii noh yi pha thoh ge,

1 Phithar 2:22

Ai ne layog arek, chiih-è hanyie è ai semthek è biidiie yao pha ayoi ro.

1 Jon 2:1

Gu aniphiing, gu ne nathek shii hì zey, ji è nathek ne layog arek; jishii hanyie magunde layog rek arone, gethek beng shii Aphuii shii khung pha bran jia um ro—Jine giang ne Isu Masi ro.