Bliathek 22:12 - Iwo Surua Mua Wie Pha Bible

¹² “Ji pha rajan shii Ananias beng pha bran jia ne giang rek ne Iphey ji nuii ne thiichiih rai pha Jewish è bajo ilab phi pha jia um iang.

Bliathek 22:12 ပူးပေါင်းရင်းမြစ်များ

LUG ro Muawie 2:25

Ji pha idoh shii thiisa hà Simeon beng pha bran jia Jerusalem shii rai. Ai ne bajo wie nane Hamangkhung-aphuii shii rum ne rai pha bran ro, chiih-è Israel shii ragia rek phi pha ji shii khan ne rai phro. Ragung So de ai rog shii um.

Bliathek 10:22

Ithek è chang, “Gathek shii ne Khornelius dumuii mutho ge ro, ai ne Hamangkhung-aphuii shii sia ne bajo wie pha bran ro, chiih-è, Jewishthek de aishii bajo ilab phi pha bran ro. Hamangkhliie è aishii yao ne na shii awai hò hà ho yi pha thoh ge phro. Nyieliieshii, ai de na miyao nuii mua gieng pha yang dun ro.”

Bliathek 17:4

Ithek de Phaul miyao ji nuii ne Phaul nane Silas rog dog gieng; ji-è, ilkhi rek pha hò-amuiithek nane Grekh pha bajo ibrog hanyie è Hamangkhung-aphuii shii sia ne rai pho de ithek rog dog gieng.

Bliathek 6:3

Ji-è, khuiinothek wo! Nathek ne hanyie shii Ragung So um ne wie thieg pho shii ilkhi rab pha mile gua srane ji pha blia rek yi pha phi mage bo.

Bliathek 8:2

Thiichiih shii giak bran è bajo migi now pho um ne Sthephen siu ji yie srane wieng phi ne bajo zo ne choh.

2 Khorinthek 6:8

Gathek ne ilab phi chiih-è makhak-riing ro; gathek ne makhak-riing rek chiih-è chiong rek. Gathek shiine khlampho duiine makhak-riing phi, jimagunde gathek ne izai yao;

1 Thimothi 3:7

Ai ne charch è fuangpha bran è de ilab rek pha hò-aphuii um chid, ji è ai ne ìu arey pha chiih-è Sakhathong ibong shii aphang ruii phro.

Hebriuthek 11:2

Buyo ishak pha bran ithek ro migi è Hamangkhung-aphuii è nuii phi pha ji shii yang.

3 Jon 1:12

Zab jia è Demethrius shii wie rone yao; zai de awai shii wie rone yao. Gathek de aishii wie rone yao, chiih-è na ne ìd gathek nyie yao pha jine zai ro.