Bliathek 2:46 - Iwo Surua Mua Wie Pha Bible

⁴⁶ Inai tham ne ithek ne Misiahò hà ò si rai, chiih è, awai hò hà jum rek ne sang ne michiethek chie ne rai.

Bliathek 2:46 ပူးပေါင်းရင်းမြစ်များ

Methiu 6:22

“Mieg ne siu pha muchuang duiine ro. Nathek mieg wie arone, nathek siu shii de muchuang è ley ruii phro;

LUG ro Muawie 11:41

Jishii nathek ro shiikhiia nane gog shii nyie um pha ji ne dushothek shii phi bo, chiih-è nathek shii zab so rey phro.

LUG ro Muawie 24:30

Ai de chie pha isa rog shii duggieng srane iweb yie khirzey sia; chiiphado è ai iweb ji srane ithek shii de phi.

LUG ro Muawie 24:53

Chiih-è Misiahò shii awaithek ro zab ishak yi Hamangkhung-aphuii shii laso phi.

Bliathek 16:34

Ji è rek ched ne ai è Phaul nane Silas shii awai hò hà noh srane michie phi ne chie yi. Ai nane ai haliing phothek ne bajo sang dun, nyieliieshii ithek de sudoh è Hamangkhung-aphuii shii migi now mua dun.

Bliathek 2:42

Ithek ne ishak phi ne guaphasamoy miyao nuii. Chiih-è, ò si rai pha wuii gieng srane sia pha michiethek thang ne chie srane sia ne rai gieng.

Bliathek 20:7

Sonibari inai shii gathek ne michie chie pha ò khrab. Phaul è branthek shii habiu duchoi thog dang pha miyao yao ne rai gieng, nyieliieshii, ji pha thimiang duiine è rey mage shii ai ne ithek shii thoh ne dun sha pha rey ramuii.

Bliathek 3:1

Inai jia pha habjuang ishak uom shii, Phithar nane Jon ne Misiahò hà sia pha ishak shii wuii dun.

Bliathek 5:21

Guaphasamoythek de ji nuii ne dun dun. Chiih è, hamiang hanai chiu shii, Misiahò hà wuii srane yua din. Kho Phabi nane ai ijakthek è Jewish pha dukhothek shii limiang jung yi pha ho ne maley rek. Maley rek ched ne ithek è ji pha phatheg bucho shii chab pha guaphasamoythek shii ithek moe shii noh mage bo ne yung ne thoh ge.

Bliathek 5:42

Inai tham ne Misiahò nane branthek hò bucho hà de ithek ne athodang pha Isu Masi pha Mua Wie ji yao yua ne rai dun ro.

Romanthek 12:8

hì ne gaishii lububo rek phi pha arone, gethek ne rek chid phro. Hanyie magunde gai rog shii thang pho ne khriig pha thang bo, hanyie rangsua um pho ne snak rek bo. Hanyie magunde bushun rek pho ne sang ne rek bo.

1 Khorinthek 10:16

Ithong Michie shii gethek khoh muii pha gog nane gethek è nyie shii Hamangkhung-aphuii shii laso phi pha ji: gethek ji niing mage shii, gethek ne Masi ro ifai pha mathang niing rai. Chiih-è gethek ji pha iweb ji: gethek è chie mage shii, gethek ne Masi ro siu pha mathang ro.

2 Khorinthek 1:12

Ichiih pha sohjambling shii gethek ro siengthek ne chiih-è gathek ro nyie siangthang ne nathek rog shii um sbang pha ji ne, bran ro khani è asi pha ji shii Hamangkhung-aphuii ro liijiing pha blu è rone chiih-è Hamangkhung-aphuii è phi pha miang nane wie ji shii khoh rone gathek ne guithek è now pha ji shii yao srane wiangwe rek.

2 Khorinthek 11:3

Nathek ro khani ne wie è buii hà lai yi phrone chiih-è Isu lakhung shii nathek ro ley nane igang lubu phi pha ji ne thoh muii phrone gu ne rum muii ro—ji-è rey arone, pham ro biidiie è Hawa shii khinrin pha ji duiine rey phro.

Iphisithek 6:5

Khiaothek, nawaithek tharothamang pha musphothek shii rum ne sam ne nuii bo; chiih-è nathek è Masi ro blia rek pha duiine, nawaithek lubu è izai rek bo.

Kholosithek 3:22

Khiaothek, zab shii ne nawaithek ro muspho shii nuii bo, nathek ne ithek è nathek shii riig mage shii nathek ne rek chak rone doh yi pha arek bie rabo; jishii nawaithek lubu rog shii rek bo nyieliieshii nathek ne Hamangkhung-aphuii shii ilab rek phi.