Bliathek 18:12 - Iwo Surua Mua Wie Pha Bible

¹² Galio shii Akhaya pha Roman badri rab mage shii, Jewthek è ò dog srane Phaul shii zum ne che pha hò shii noh dun.

Bliathek 18:12 ပူးပေါင်းရင်းမြစ်များ

Methiu 27:19

Philath è chua pha hò shii dug bamuii shii, ai yiy è aishii mua jia thoh ge: “Ichiig oi pha bran rog shii nyie de arek rabo, nyieliieshii, dibiu gu ibang shii ai chiang pha sasab ne bajo diig rek pha bang muii ro.”

JON ro Muawie 19:13

Philath è ji pha miyaogamthek yoi mage shii, ai è Isu shii fuang hà noh srane chuathek Ithua rone ho muii pha ithua shii dug. “Lubao è rab pha ithua” Shii noh srane dug ba yi. (Hebrew è Gabatha ro è yao).

Bliathek 13:12

Badri è jithek rey pha doh mage ne bajo migi now dun. Nyieliieshii ai ne Ithong pha miyao ji yua pha ji è bajo anomuluii pha rey dun.

Bliathek 13:50

Jishii, Jewthek è ji pha rajan shii kho pha hò-aphuiithek nane hò-amuiithek, hanyiethek ne giangthek shii hòi ne lijieg yi. Ithek è Phaul nane Barnabas shii diig phi srane ithek ithua ji è fuang khia maphi.

Bliathek 13:7

Ai ne ji pha gachung pha badri Sergius Phaulus, hanyie yi bajo khani um pha bran ijak ro. Ji pha badri è Barnabas nane Saul shii awai moe shii ho. Nyieliieshii, ai de Hamangkhung-aphuii pha miyaogam ji nuii pha now.

Bliathek 13:8

Jishii, isa shii ne Jadupho Elymas (Hì ne Grekh è beng pha ibeng ro) hanyie è badri ji shii migi now pha ji è ruang rek ne isa shii gidieg rek now.

Bliathek 14:19

Giak Jewthek ne Anthioch pha Phisidia nane Ikhonium è de thiichiih wuii thog mage; ithek ne bran brog yi awaithek hà yang srane Phaul shii lubao chao srane ji pha bajrai è fuang hà khia muii, nyieliieshii ithek è ai ne iyjong dun ara è now ne fen muii.

Bliathek 14:2

Ji è rey magungde, Jewthek, hanyie è migi anow pho ne, Gaibranthek shii hòi noh ne migipho shii buii rek dun.

Bliathek 17:13

Jishii, Thesalonikha pha Jewthek è Phaul ne Berea hà de Hamangkhung-aphuii pha miyaogam yua ramuii è yoi mage ne ithek è thiisa de wuii srane branthek khrab srane mak rek noh.

Bliathek 17:5

Ji è rek magungde, Jewthek ne miegriie mage ne bran buiithek shii lumuii è khrab srane gidieg rek pha dog yi. Ithek ne zab rajan pho shii srobro ziak srane Jasan rone beng pha hò shii jo ne buii rek ne, Phaul nane Silas shii sow ne fuang hà branthek moe shii ri ne noh pha wuii dun.

Bliathek 18:11

Ji-è, Phaul ne thiichiih pha ithua shii idam jia è khuyo thog dang pha Hamangkhung-aphuii miyaogam ji yao ne rai marui.

Bliathek 18:27

Apholos è Akhaya wuii pha rek dun. Ji è Iphisus pha migipho è aishii nong ne aishii wie wuii yi pha jigigam jia zey ne thoh gieng. Ai è thiisa thog mage shii Hamangkhung-aphuii pha bushun è migipho shii bajo nong phi.

Bliathek 19:21

Ji è rey ched pha idoh shii Phaul è Mesidonia nane Akhaya è dong ne Jerusalem hà de wuii pha now. Ai è yao din, “Thiisa wuii thog ne de gune Rom de riig pha wuii chid phro.”

Bliathek 25:10

Phaul è yao din, “Gune Bisiu pha ibi awai ro chua pha hò shii riu muii ro.” Gune Jewthek shii nyie buii blia arek ro, ji ne nawai de wie thieg iwa!

Romanthek 15:26

Mesidonia nane Akhaya pha charchthek pho è Jerusalem pha Hamangkhung-aphuii ro bran shii nong ne thaluii phi pha phak rai.

Romanthek 16:5

Ithek hò shii si pho shii de salamthek ro, Asia pha du-ùa shii zab è igobi hanyie è Isu Masi shii migi rek pha gu ijak Ephaenethus shii de salamthek ro.

1 Khorinthek 16:15

Nathek ne Sthephanas chiih-è airo haliing phothek chiang shii ne thieg. Ithek ne Akhaya shii zab è igobi Masipho rey chiih-è Hamangkhung-aphuii ro bran shii blia rek pha zab awaithek shii phi muii. Gu ijakthek, gu nathek shii khung,

2 Khorinthek 1:1

Phaul è, Masi Isu ro guaphasamoy Hamangkhung-aphuii è yang, chiih-è gethek ro khuiino Thimothi re-è, Khorinth pha Hamangkhung-aphuii pha charch, chiih-è zab Akhaya pha Hamangkhung-aphuii pha branthek shii ro:

2 Khorinthek 11:10

Masi ro izai gu rog shii um pha ji è, gu sbang rek hì pha guro nyigodog ne zab Akhaya khi hà magungde aro pha arai phro.

2 Khorinthek 11:26

Gu è lua pha bajo ishak shii kho khed pha ji è chiih-è riaopho è chiih-è Jew ijakthek è chiih-è migi arek pho è de buii ro; chiih-è rajanthek hà de buii ro, chiih-è jabiing hà de, chiih-è khamuii giu hà de chiih-è biidiie pha ijakthek è de buii ro.

2 Khorinthek 9:2

Gune thieg nathek ne yang ne nong phi, chiih-è gune nathek chiang è Mesidonia pho shii nyigodog rek. “Gu è nathek shii yao, Akhaya pha migiphothek ne biichiie pha idam è nong pha saro jong ro.” Nathek ro yang pha ji è bajo gaithek shii lubu è yang pha ji shii nai mage.

1 Thesalonithek 2:14

Gathek ro khuiinothek nane bumuiithek, Hamangkhung-aphuii ro charch Judea hà hanyie yi Masi Isu è rey pho shii Jewish è diig phi. Ji duiine nathek shii de nawaithek bran è diig mua ruii phro,

1 Thesalonithek 2:16

Ithek ne mua è giawo yie pha gaibranthek shii yua pha ji shii rangde gathek shii gak pha bidiang. Ji duiine ithek è idang rek pha layogthek shii jongdang pha rek ro. Chiih-è thuh Hamangkhung-aphuii ro lijieg ne iidohè ithek shii thog ruii phro.

Jems 2:6

Jishii nathek è dusho shii ilab arek! hanyie è nathek shii diig phi ne chuathek moe shii ri ne noh pha bukho hìthek asi bey!