Bliathek 17:4 - Iwo Surua Mua Wie Pha Bible

⁴ Ithek de Phaul miyao ji nuii ne Phaul nane Silas rog dog gieng; ji-è, ilkhi rek pha hò-amuiithek nane Grekh pha bajo ibrog hanyie è Hamangkhung-aphuii shii sia ne rai pho de ithek rog dog gieng.

Bliathek 17:4 ပူးပေါင်းရင်းမြစ်များ

JON ro Muawie 7:35

Jewish dumuii awaithek chung yao rai, “Gethek adoh mua pha khi pha ithua hà dun pha yao phlei? Ai ne gethek ro bran rai pha Grekh rajanthek hà dun ne Grekh shii yua habey?

Bliathek 13:43

Branthek è maley ji thoh ne dun ched shii, Phaul nane Barnabas rog de Jewthek nane Judaism hà lai dun pha Gaibranthek de luagieng. Guaphasamoy è ithek shii yao marui, chiih-è, ithek shii Hamangkhung-aphuii pha bushun shii athodang pha sieng ne rai bo ne yao marui.

Bliathek 13:50

Jishii, Jewthek è ji pha rajan shii kho pha hò-aphuiithek nane hò-amuiithek, hanyiethek ne giangthek shii hòi ne lijieg yi. Ithek è Phaul nane Barnabas shii diig phi srane ithek ithua ji è fuang khia maphi.

Bliathek 14:1

Ikhonium hà de ji è rey dun: Phaul nane Barnabas ne Jewthek misiahò hà wuii srane bajo boh ji yao mage ne Jewthek nane Gaibranthek de bajo migipho rey dun.

Bliathek 14:4

Ji pha rajan pho ne che dun: Giak ne Jewthek rog dog dun, giak ne guaphasamoy rog dog dun.

Bliathek 15:22

Ji-è, guaphasamoy nane dukhothek è charch pho rog dog srane giak bran shii gua srane Anthioch hà Phaul nane Barnabas rog shii thoh ge pha nung rai. Ithek è hanyie shii migipho è bajo ilab phi pha bran nyi, Judas Barsabas beng pha nane Silas shii gua

Bliathek 15:27

Gathek è nathek shii Judas nane Silas shii thoh ne yao yi, hanyie è nathek shii jigigam shii zey pha duiine yao ruii ro.

Bliathek 15:32

Judas nane Silas, hanyie ne chaigpho rone ho pha nyi è de ithek shii bajo ishak thog dang pha yao ne lububo rek phi ne chiih-è gang rek phi.

Bliathek 15:40

Phaul de Silas shii gua srane ji pha ithua thoh marui ne dun dun, migipho è Ithong pha bushun lia srane thoh ge.

Bliathek 16:3

Phaul è Thimothi shii ai rog noh rui pha now ne ai è aishii miagiangkheg phi. Ai è ji rek phi phane, nyieliieshii, jithek hà rai pha Jewthek ne Thimothi iphuii ne Grekh rone thieg dun.

Bliathek 17:10

Ji pha habiu thog dang shii migiphothek è Phaul nane Silas shii Berea hà thoh ge. Ai è thiisa hà wuii thog srane Jewthek misiahò hà wuii dun.

Bliathek 17:12

Bajo Grekh branthek è migi now gieng, chiih-è, bajo nuruii shak pha Grekh hò-amuii phiing nane hò-aphuiiphiingthek de migi now gieng.

Bliathek 17:14

Ji è rek mage ne migipho è Phaul shii khamuii ring hà riie ne dun ge; ji è dun ge magungde, Silas nane Thimothi ne Berea hà rai dun.

Bliathek 17:17

Ji-è, ai ne Jewthek misiahò hà Jewthek nane Gaibranthek hanyie è Hamangkhung-aphuii shii sia ne rai pho rog yao ne rai, chiih-è, limiangthek pha ithua shii de bran hanyiethek è ji dong ne lua ruii pho shii de inai tham ne yao ne rai noh.

Bliathek 17:34

Giak bran de ai rog dog ne migi now dun. Ithek ne Dionysius, limiang shii um pha sathiing jia; chiih-è, Damaris beng pha hò-amuii jia de, chiih-è Gaibranthek de dog gieng dun.

Bliathek 18:4

Phaul ne Jewthek misiahò hà idang Jewish Thung pha Inai shii wuii srane yao ne rai, chiih-è, Jewthek nane Grekhthek shii ai miyao ji izai now yi pha rek ne rai.

Bliathek 19:10

Ji rek phane idam nyi rey dang pha rek ne rai dun. Ji-è, Asia du-ùa shii rai pho khinyama jia pha Jewthek nane Gaibranthek um pho de Ithong ji pha miyaogam yoi dun.

Bliathek 2:44

Migipho ne awaithek chung shii athohdang pha ò wuii srane sia ne awaithek shii nyie um pha ji awaithek chung thang rai.

Bliathek 21:28

Ithek è ziak ne yao, “Israel pha bran de wo! Nong phi bo! Hì pha bran ne khi khi hà wuii magungde Israel pha branthek shii gidieg yua muii ro, chiih-è, Moses mizen marui pha Iphey nane hì pha Misiahò shii jia rek ne yua ramuii ro. Thuh shii de ai è Gaibranthek noh ne Misiahò hì shii ithua so shii zea rekramuii ro!” (

Bliathek 28:24

Giak ne ai miyaogamthek ji izai now gieng, chiih-è giak ne izai anow phi.

Bliathek 4:23

Phithar nane Jon ne sey ne thoh dang shii, awaisa pha ijakthek rai pha ithua hà dun thog srane boh phabithek nane thiig pha dukhothek è nyie yao phajithek yao phi.

2 Khorinthek 8:5

Hì ne gathek è luthong pha ji è de bajo ro! Igobi ithek ne awaithek shii Ithong shii phi; chiih-è chiihphado è Hamangkhung-aphuii miiyang è ithek ne awaithek shii wie è gathek shii phi muii.