Bliathek 16:23 - Iwo Surua Mua Wie Pha Bible

²³ Bajo awie dang pha zuang ched ne isa shii phatheg bucho hà chab muii srane phatheg pha dumuii ji shii wie thiigang ne ruii bo ne yung ge.

Bliathek 16:23 ပူးပေါင်းရင်းမြစ်များ

Methiu 26:48

Zum yi pha bran è branthek shii phrai ne yao ruii, “gu è khi pha bran shii khichiug pha ji ne nathek chiid pha ji ro, aishii zum bo!”

LUG ro Muawie 21:12

Hì thek rey pha ibi shii, gu chiang è nathek shii zum srane diig phi ruii phro; Nathek shii Jewthek misiahò hà miyao che ne sai ruii phro chiih-è phatheg hà de chab muii phro; nathek shii sajathek nane bohkhohphothek ibi shii noh ruii phro.

Bliathek 12:18

Ji pha thimiang riang rey din mage shii, thiisa hà Phithar shii nyie rey dun phlei è now ne zab Sandrithek ne bajo anomuluii pha rai dun.

Bliathek 12:4

Phithar shii zum ched srane phatheg hà chab muii. Thiisa hà aishii ne ibrog wi rek ne wi wi dog pha Sandrithek shii phi ne riig yi. Herod è aishii ne Hiia dun pha ji sai inai shii limiangthek moe shii miyao sai pha noh.

Bliathek 16:27

Phatheg pha dumuii ji de than ne sieng mage shii, phatheg pho pha habinthek ne hong ne um iang pha doh ruii, ai è now, phatheg pho ne zab yo dun ara! Ji-è ai ne awai khamriie phiang khia srane awaishii ua pha rek.

Bliathek 16:36

Ji-è, ji pha phatheg pha dumuii ji è Phaul shii yao, “Blu rek pho è nasa shii thoh ne dun yi pha mua thoh ro. Ji è nasa ne ichiih thoh ne liijiing rek ne dun shabo.”

Bliathek 5:18

Ithek è guaphasamoythek shii zum srane phatheg chab muii.

Bliathek 5:23

“Gathek ne phatheg pha moe thog shii, phatheg pha habin ne chuh è bin ne um iang. Thiichiih pha sandrithek wie riu ne um iang ro. Jimagunde, gathek è habin hong ne bucho wuii thog ne riig shii hanyie de bucho shii oi iang ro!”

Bliathek 8:3

Ji è rek magungde, Saul ne charchthek shii buii rek pha lumuii sow ne rai. Ai ne hò-hò hà wuii srane migipho, hò-aphuii um ne de, hò-amuii um ne de zab shii fuang khia srane phatheg chab maphi.

Bliathek 9:2

Damaskhus pha Jewish misiahòthek shii wuii thog shii aishii thieg yi pha jigigam jia lia. Nyieliieshii, thiisa hà Ithong lumuii shii lua ne migipho doh arone, hò-aphuii hò-amuii um ne de zab zum srane idoh Jerusalem hà noh pha now ne lia.

2 Khorinthek 11:23

Ithek ne Masi ro khiao bey? Gu ne ibiu bran duiine yoi ro—jishii gune ithek è de wie khiao ba ro! Gu ne ithek è de bajo blia gang rek ba, gu ne ithek è de bajo ishak phatheg hà wuii, gu shii ithek è muna zuang, chiih-è gu ne ithek è muna iy bsa hà wuii dun.

2 Khorinthek 6:5

Gathek shii phatheg hà zuang ne, chiih-è makhakriing rek; chiih-è gathek è amen pha chiih-è michie de achie pha huak ne blia rek ro.

Iphisithek 3:1

Hì pha chiang è, gune, Phaul Gaibranthek nathek chiang gu ne Masi Isu pha phathegpho ro, gu ne Hamangkhung-aphuii shii sia.

Iphisithek 4:1

Chiihphado gu nathek shii khung, nyieliieshii gu è Ithong blia rek pha chiang è gu shii phatheg hà chab muii pha ji ro: Nathek shii ho pha ishak shii Hamangkhung-aphuii è phrai ne ruii pha ji shii ji duiine chai sieng bo.

2 Thimothi 2:9

Nyieliieshii gu è Mua Wie yua, gu ne diig rek chiih-è gu ne suruii pho duiine shiirnai rek ne phang muii. Jishii Hamangkhung-aphuii pha miyaogam ne shiirnaithek re-è aphang ro,

Philimon 1:9

Jishii nyieliieshii gu na shii miie, ji pha chiang shii gu ne khung. Phaul, gune Masi Isu ro khliie ro, chiih-è thuh shii gune ai chiang shii phathegpho ro, jimagunde gu ne hì pha blia rekramuii.

Dong 1:9

Gu ne Jon, nathek ro khuiino, gu ne Isu rog luagieng chiih-è airo Sajathua è thog pha nathek ro diig shii lubu phiang rek ne zud pha gu ne nathek iijiiak ro. Gu shii ne Phathmos pha gachung shii ruii muii nyieliieshii gu ne Hamangkhung-aphuii ro miyaogam nane Isu è dong pha izai ji yao phi.

Dong 2:10

Nathek ne nyie diig rey pha chiang ji shii arum rabo. Yoi bo! Sakhathong è nathek giak shii ne phatheg hà fen ne chai ruii phro, chiih-è nathek ro diigthek ne inai sua thog pha rey ruii phro. Gu shii migi rek bo, hì re-è iy bsa arone, chiih-è gu nathek shii yang pha lasen chai phi ruii phro.