Bliathek 16:1 - Iwo Surua Mua Wie Pha Bible

¹ Phaul ne Derbe nane Lysthra, ji hà Masipho pha Thimothy beng pha bran jia um iang pha ithua hà luajong. Ai amuii ne migipho pha bran ro, chiih-è, Jewish è giak pha bran, iphuii ne Grekh pha bran ro.

Bliathek 16:1 ပူးပေါင်းရင်းမြစ်များ

Bliathek 14:1

Ikhonium hà de ji è rey dun: Phaul nane Barnabas ne Jewthek misiahò hà wuii srane bajo boh ji yao mage ne Jewthek nane Gaibranthek de bajo migipho rey dun.

Bliathek 14:21

Phaul nane Barnabas è Derbe hà Mua Wie ji yao mage ne bajo samoythek mua dun. Ji è rek ched marui ne isa ne Lysthra, Ikhonium nane Anthioch pha Phisidia hà wuii dun.

Bliathek 14:6

Guaphasamoy è ji thieg mage ne ithek ne Lysthra nane Derbe pha rajan pha Lykhoania ithua nane thiichiih nui um pha soh hà yo dun.

Bliathek 17:14

Ji è rek mage ne migipho è Phaul shii khamuii ring hà riie ne dun ge; ji è dun ge magungde, Silas nane Thimothi ne Berea hà rai dun.

Bliathek 18:5

Silas nane Thimothi de Mesidonia è dun thogmage shii Phaul ne awai ishak ne mua ji yao pha zab phi muii. Jewthek shii yao, Isu ne Masi ji ro.

Bliathek 19:22

Ji-è, ai ne awai brapho nyi Thimothi nane Erasthus shii Mesidonia hà wuii ge, ji è thoh srane awai ne Asia du-ùa hà ishak bajo rai din marui.

Romanthek 16:21

Guro ijak bliapho, Thimothi; chiih-è Lusius, Jasan, chiih-è Sosiphathar Jewthek-ijak è nathek shii salamthek thoh ge ro.

1 Khorinthek 16:10

Thimothi yi nathek lumuii hà wuii ruii arone, nathek duchoi shii wie ho rone aishii than yi pha ho bo, nyieliieshii ai de gu duiine Ithong ro blia rek pha bran ro.

1 Khorinthek 4:17

Hì pha blia chiang è hanyie yi guiro bushun nane Masipho chai shii isiie rek pha, gui dufuii Thimothi shii gu nathek shii thoge ro. Gu è iwo chai Masi Isu rog shii ò rek ne nuii pha sbang chiih-è nyie gu è zab pha charch shii yua pha ji ai ne ithek shii now yi.

1 Khorinthek 7:14

Migi arek ba pha gey jide awai yiy rog shii ò rai pha ji è Hamangkhung-aphuii è nuii, chiih-è migi arek ba pha yiy ji de migi rek pha gey rog shii ò rai pha ji è Hamangkhung-aphuii è nuii phi. Ji-è arek arone, ithek anithek ne migi arek pha ani duiine rey dun phro; jishii hì è rek pha ji è, ithek è Hamangkhung-aphuii shii nuii phi.

2 Khorinthek 1:1

Phaul è, Masi Isu ro guaphasamoy Hamangkhung-aphuii è yang, chiih-è gethek ro khuiino Thimothi re-è, Khorinth pha Hamangkhung-aphuii pha charch, chiih-è zab Akhaya pha Hamangkhung-aphuii pha branthek shii ro:

2 Khorinthek 1:19

Isu Masi, Hamangkhung-aphuii ro Dufuii, chiang shii Silas, Thimothi, chiih-è gu hì pha duchoi shii yua muii pha gathek de “Oh” nane “asi” rone asi ro. Ai ne Hamangkhung-aphuii ro “Oh” ro;

Philiphithek 1:1

Masi Isu ro khiaothek Phaul nane Thimothi re-è—Hamangkhung-aphuii ro branthek Philiphi shii rai pho hanyie yi Masi Isu rog shii ò rek pha, Charch pha dumuiithek lao ne chiih-è nongphothek shii de:

Philiphithek 2:19

Hì yi Ithong è yang arone, gu ne luthong Thimothi shii khthiie gu ne nathek hà thoh mua, ji è gu ne nathek chiang pha mua è lububo rek.

Kholosithek 1:1

Phaul re-è, hanyie yi Hamangkhung-aphuii miiyang ne Masi Isu ro guaphasamoy ji nane gethek ro khuiino Thimothi—

1 Thesalonithek 1:1

Phaul, Silas, nane Thimothi è, Thesalonikha charch pha bran shii, hanyie yi Aphuii Hamangkhung-aphuii nane Ithong Isu masi ro: Khirzey nane liijiing ne nathek ro ro.

1 Thesalonithek 3:2

gethek ro khuiinothek hanyie gathek rog shii Hamangkhung-aphuii ro blia Masi chiang Mua Wie yao pha gathek ne Thimothi shii ren ge. Nathek shii chuh rek ne migi shii nong phi pha gathek è aishii thoh gey,

1 Thesalonithek 3:6

Thuh Thimothi ne iidoh dun thog, chiih-è ai è gathek shii nathek ro migi nane miie pha chiang shii wie pha mua yiethok. Ai è gathek shii yao nathek ne idang gathek shii wie now ne na è gathek shii riig yang pha ji duiine bajo gathek ne nathek shii riig yang muii ro.

2 Thesalonithek 1:1

Phaul, Silas, nane Thimothi re-è, Hanyie yi Hamangkhung-aphuii gethek ro Aphuii nane Ithong Isu Masi ro Thesalonikha charch pha branthek shii:

1 Thimothi 1:18

Thimothi, gu ani, nyie yi chaigthek re-è dohbi hà na chiang shii yaojong pha duiine hì pha muyung ne na shii phi phro. Ji pha miyaogamthek shii migiang duiine kho srane mak rek bo,

1 Thimothi 1:2

Thimothi shii, migi pha guro zai dufuii: Aphuii Hamangkhung-aphuii nane Masi Isu gathek ro Ithong re-è na shii ne bushun, nane liijiing phi ro.

2 Thimothi 1:2

Guro bushun dufuii Thimothi shii: Aphuii Hamangkhung-aphuii nane gethek ro Ithong Masi Isu ne na shii bushun, nane liijiing phi bo.

2 Thimothi 1:5

Naro moi Lois nane naro amuii Eunise shii de um pha ichua, naro isiie migi shii de now khlei muii ro. Gu ne migi rek ji ne na shii de um ro.

2 Thimothi 3:11

guro diigchiaothek, chiih-è guro diigthek shii riigjong ro. Gu shii Anthiokh, Ikhonium hà rey, chiih-è Listhra, hà diig diigchiaothek rek pha ji shii gu è zud pha jithek ne nathek zab thieg jong! Jishii Ithong è gu shii jithek zab re-è ragia rek phi.

Philimon 1:1

Masi Isu chiang phatheg hà rai pha Phaul, chiih-è gethek khuiino Thimothi re-è. Gethek ijak nane gethek rog shii blia rek pha Philimon,

Hebriuthek 13:23

Gu ne nathek shii gethek khuiino Thimothi phatheg è khia ge pha ji shii ìd yi pha yang ro. Ai khthiie thog arone, aishii gurog noh srane nathek shii si pha wuii pha ro.