Bliathek 15:23 - Iwo Surua Mua Wie Pha Bible

²³ srane ithek shii zey pha jigigam ji phi ne thoh ge: “Gathek ne guaphasamoy nane dukhothek è hanyie Anthioch, nathek pha khuiinothek è, Syria nane Khilisia hà rai pha Gaibranthek pha è giak pha khuiinothek shii salam yao ne thoh ge ro.

Bliathek 15:23 ပူးပေါင်းရင်းမြစ်များ

Methiu 4:24

Ji è rek phi pha airo muathek chiang ne Syria pha zab soh shii yoi dun. Ji-è hanyie radpho, zab pha miiriie è diigpho nane nyie arek muluii pho shii: Ibuiithek um pha bran; chiih-è lai khi-ègthek, chiih-è siugpho zab aishii nohthog, chiih-è ai è ithek shii gang phi.

Bliathek 11:18

Ithek è ji yoi mage ne Phithar shii makhak-riing arek sha pha Hamangkhung-aphuii shii laso phi ne yao, “Ji arone, Hamangkhung-aphuii è Gaibranthek shii de awaithek layog è thado riie ne dun yi srane idang sieng pha chua phi ara!”

Bliathek 11:20

Jishii, giak migiphothek ne Khyphrus nane Khyrene è Anthioch hà wuii srane Gaibranthek shii de Ithong Isu pha Mua Wie ji yao phi.

Bliathek 14:27

Ai Anthioch dun thogmage shii, isa è charch pha branthek shii khrab ne Hamangkhung-aphuii è isa rog shii nyie rek gieng nane khi-è rek ne Gaibranthek de migi now yi pha lumuii hong phajithek yao phi.

Bliathek 15:1

Judea è Anthioch shii wuii ruii pha bran giak è migiphothek shii yua, “Moses mizen marui pha Iphey duiine migiang-akheg sapho shii ne nathek ne ragia arey phro.”

Bliathek 15:2

Phaul nane Barnabas ne ji pha chiang è ithek rog shii bajo khnaing noh, ji pha chiang ithek ne Phaul nane Barnabas chiih-è, Anthioch shii um pha Gaibranthek de ji pha miyao che ne riig yi pha Jerusalem hà rai pha guaphasamoy nane dukhothek shii wuii ge pha nung rai.

Bliathek 15:22

Ji-è, guaphasamoy nane dukhothek è charch pho rog dog srane giak bran shii gua srane Anthioch hà Phaul nane Barnabas rog shii thoh ge pha nung rai. Ithek è hanyie shii migipho è bajo ilab phi pha bran nyi, Judas Barsabas beng pha nane Silas shii gua

Bliathek 15:4

Ithek è Jerusalem hà wuiithogmage shii, ithek è Hamangkhung-aphuii è khi-è rek ne ithek rog shii blia rek phi pha ji yao phi pha charch pho, guaphasamoy, nane dukhothek è wie wuii yi, chiih-è ithek è yao.

Bliathek 15:41

Ai ne Syria nane Khilisia dong ne lua srane charchthek shii gang rek marui.

Bliathek 18:18

Phaul ne migiphothek rog shii Khorinth hà inai bajo rai marui ne Phrisila nane Akhuila rog Syria hà riie ne in ne wuii dun. Ji hà wuii pha a-ìd ba pha ibi Khenchreae shii ai è ibi hà surua thak muii pha ji è khaziang khua muii.

Bliathek 21:25

Jishii, Gaibranthek hanyie è migi now jong pho ne gethek è jigigam zey ne thoh pha nung rai jong ro: ithek ne jangbang shii zud pha nyie de achie dang rabo; ifai nane yua rib ne ua pha ibey achie rabo; chiih-è, ithek ne siulao pha biwo è ruang rai bo.”

Bliathek 21:3

Gathek ne Khyphrus doh muii pha ithua hà thog dun. Ji-è, gathek ne dinne hayang hà riie ne Syria hà wuii din dun. Gathek ne run pha manathek khiang sha pha Thyre pha khamuii ring shii wuii thog dun.

Bliathek 23:26

“Khlaudius Lysias è bajo thieg pha badri Felikhs shii wie khung bi.

Bliathek 6:9

Ji è rek ne rai magungde, thiichiih shii Jewthek misiahò pha sey ne thoh pha branthek è aishii gidieg rek noh dun (hì ne ho pha duiine). Ithek ne Syrene nane Alezendria pha Jewthek ro. Ithek nane Khilisia, Asia ithua hà rai pha Jewthek è wuii srane Sthephen shii khnaing noh.

Galathithek 1:21

Chiihphado shii gu Syria nane Silikhia pha ithuathek hà wuii dun.

Jems 1:1

Hamangkhung-aphuii nane Ithong Isu Masi ro khiao Jems re-è: Zab pha Hamangkhung-aphuii ro bran sohjambling shii dayiingdayang rey dun pho shii salamthek yao ro.

2 Jon 1:10

Ji-è gai hanyie yi nathek shii ji pha muyua ayie pha wuii arone aishii ne nathek hò hà aho rabo, “liijiing nathek rog um bo de ayao rabo.”

2 Jon 1:13

Bushun pha bumuiithek naro anithek è ithek ro salam nathek shii thoh gey ro.

2 Jon 1:3

Aphuii Hamangkhung-aphuii nane Isu Masi, Aphuii ro Dufuii, gethek shii bushun nane liijiing phi; jithek ne zai nane miie shii idang gethek ro rey ne rai bo.

3 Jon 1:14

Gu ne luthong nathek shii ne khthiie si ruii, chiihphado gethek ne ò jia shii nyamulo muii phro.