Bliathek 14:15 - Iwo Surua Mua Wie Pha Bible

¹⁵ “Nathek ne gasa shii nyie rek pha saro phlei? Gasa de bran bie ro. Gasa ne ichiih ithek shii sohnyiak pha thaluii è rai ne isieng Hamangkhung-aphuii, hanyie è hamangkhung hì, soh hì, khamuii hìthek, chiih-è zab zen phi pha ji shii dun din yi pha Mua Wie ji yao pha wuii bie phro.

Bliathek 14:15 ပူးပေါင်းရင်းမြစ်များ

Methiu 16:16

Simon Phithar è chang, “Na ne Masi ro, chiih-è isieng Hamangkhung-aphuii pha Dufuii ro.”

JON ro Muawie 5:26

Aphuii awai yi chai phi pha ithua duiine, Dufuii de chai phi pha ithua rab phro.

JON ro Muawie 7:18

Bran hanyie yi awai riichai è yao pha ji ne awai shii biisiie shii phua pha bidiang ro. Chiih-è hanyie è ai mutho ge pha izai jishii biisiie phi arone, ai ne giang ro, chiih-è aishii ne buii oi ro.

Bliathek 10:26

Jishii, Phithar è aishii jai yi srane yao, “Gu de bran bie ro.”

Bliathek 13:32

Gathek de ichiih shii ji pha Mua Wie yie ne wuii ro: Hamangkhung-aphuii è gethek pha blangthek shii rek pha rone sbang rek marui pha ji sudoh Isu hòi din yi ne ithek riingthek è gethek shii rek jong phi ro. Sthun shii zey pha duiine, “Na ne guro Dufuii ro; sudoh gune na Aphuii rey jong ro.”

Bliathek 14:21

Phaul nane Barnabas è Derbe hà Mua Wie ji yao mage ne bajo samoythek mua dun. Ji è rek ched marui ne isa ne Lysthra, Ikhonium nane Anthioch pha Phisidia hà wuii dun.

Bliathek 14:7

Thiisa hà de ithek è Mua Wie ji yua marui.

Bliathek 16:30

Ji phado è ai è ithek shii fuang dun yi srane sai, “Masdothek wo! Gu de ragia rey pha nyie rek chid phlei?”

Bliathek 27:10

“Hò-aphuiithek wo! Sudoh gethek ichiih è wuii din pha kho lumuii ne bajo diig thog pha um ro! Lumuii hà gethek miihan nane run shii de bajo buii rey pha doh muii ro, chiih-è, branthek de iy dun pha doh muii ro!”

Bliathek 27:21

Ji phadoh è zabthek ne michie achie pha bajo phiang ishak rey sha dun shii, Phaul è riu srane branthek shii yao! “Branthek wo! Nathek è gu miyao nuii ne Khrethe è awuii arone, gethek shii de diig nane manathek de afen chid iwa.

Bliathek 27:25

Branthek wo! Nathek ne lububo now ne rai sha bo! Nyieliieshii gu è Hamangkhung-aphuii shii izai now ro, hìthek ne gu è khi è yao pha ji duiine rey ruii phro.

Bliathek 4:24

Ithek è jithek yoi mage ne awaithek chung khrab srane Hamangkhung-aphuii shii sia: hamangkhung, sohnyiak, kho nane thiichiih shii nyie um phajithek rab pha Masdo wo!

Bliathek 7:26

Ji pha thimiang duiine è rey mage shii, ai è Israelith pha bran nyi ne awaisa chung gui rai pha doh ruii, ji-è, ai ne isa shii agui yi pha wuii srane yua, gu ijak Israelith nyi wo! Nasa ne nyie rek muii ne hì iguii rai phlei?

1 Khorinthek 8:4

Ji-è, chiihphado, jangbangthek shii zid pha michie chie pha chiang: gethek ne thieg jangbang ne nyie izai è azen pha chiang shii riu; gethek ne thieg Hamangkhung-aphuii ne jia bie ro.

Iphisithek 4:17

Chiihphado, Ithong beng è, gu nathek shii phriie phro: Migi-arekpho duiine asieng rabo, hanyie è nowthek yi pha ji ne adunmey pha ro

1 Thesalonithek 1:9

Gathek yi nathek shii wuii shii nathek è gathek shii khi-èrek ne choi, chiih-è nathek è khi-èrek ne Hamangkhung-aphuii shii khid ne, izai isieng shii blia rek ne

1 Thimothi 3:15

Jishii gu chiadun arone, isieng Hamangkhung-aphuii pha charch, ji ne izai pha sarong nongpho ro Hamangkhung-aphuii ro hò shii ne nyie khi-è-rek ne gethek chung ziig rek rai pha ji hì pha jigi è ìd ruii.

Hebriuthek 3:12

Gu iijiiakthek, nathek è hanyie de awie pha rey chiih-è migi arek pha isieng Hamangkhung-aphuii è khid pha ji è de lubu gayiig bo.

Jems 5:17

Elija de gethek duiine bran ro. Ai è wiangdang ne misia mage shii haphie aphie pha rey dun, chiih-è soh lakhung shii de idam uom è khuyo haphie aphie ro.

Dong 14:7

Ai gang goh re-è yao, “Hamangkhung-aphuii shii ilab rek ne airo bajoboh shii chiong bo! Chiih-è zab bran shii chua pha ishak ne aishii thog sha ruii ro. Hanyie è hamangkhung, sohnyiak, khamuii, nane kho pha khasuang shii rab muii pha aishii misiasia bo!”

Dong 19:10

Gu ne aishii misiasia ai lai shii chiih, jishii ai è gu shii yao, “Ji arek rabo! gu de na rog shii khiao ro chiih-è gai migiphothek rog shii hanyie Isu è dong pha izai shii khoh muii pha rog shii khiao ro. Hamangkhung-aphuii shii misia bo!” Chiih-è ji pha izai Isu re-è dong pha jine chaigthek ro ragung ro.

Dong 19:19

Chiihphado gu è buii ibeymuthung nane sohnyiak pha sajathek shii doh chiih-è hanyie yi sthuh shii inpho shii gidieg mak rek pha arming ò shii khrab. Chiih-è airo arming shii gidieg rek ro.

Dong 22:9

Jimagunde ai è gu shii yao, “Ji arek rabo! Gu de na rog shii chiih-è naro khuiinothek chaigthek rog shii chiih-è zab hanyie è hìpha jigigamthek shii nuii pha rog shii ò khiao ro. Hamangkhung-aphuii shii misiasia bie bo!”

Dong 4:11

“Gathek ro Ithong nane Hamangkhung-aphuii! Nane biisiie, ilab, nane blu ne mua spho chak ro. Chiih-è nane zab pha manathek shii rab, chiih-è na è yang pha ji è ithek shii ne rey ne sieng yi pha ne ithek shii phi.”