Bliathek 13:5 - Iwo Surua Mua Wie Pha Bible

⁵ Ithek ne Salamis hà thogmage shii, isa è Hamangkhung-aphuii miyaogam ji Jewthek misiahò shii yao phi. Jon Marg de isa bliathek rek nong gieng ne um iang.

Bliathek 13:5 ပူးပေါင်းရင်းမြစ်များ

Methiu 20:26

Chiih, ithek chung ne hì duiine rek pha ji ne adunmey phro. Nathek hanyie è boh rek pha yang arone, ai ne gai khiao rek bi chid phro;

Bliathek 12:12

Ji pha ishak than mage ne ai ne Mery, Jon Marg pha Amuii pha hò, bran brog khrab ne sia ne rai iang pha hò hà wuii thog dun.

Bliathek 12:25

Barnabas nane Saul de awai sa shii boh pha bliathek rek ched marui ne Jon Marg shii noh ne Jerusalem è idoh dun thog din.

Bliathek 13:14

Ithek ne Pherga è de wuii dinne Anthioch pha Phisidia hà wuii thog srane Jewish Thung pha Inai shii ithek ne Jewthek misiahò hà wuii srane dug dun.

Bliathek 13:46

Jishii, Phaul nane Barnabas è gang rek ne yao din “Hamangkhung-aphuii pha miyaogam ne igobi nathek shii yao bi chid phro.” Jishii, nathek è hì ne snai muii ne nawaithek shii idang chai rey pha ji shii wie anow phi pha ji è gathek ne nathek shii thoh marui ne Gaibranthek shii wuii dun phro.

Bliathek 14:1

Ikhonium hà de ji è rey dun: Phaul nane Barnabas ne Jewthek misiahò hà wuii srane bajo boh ji yao mage ne Jewthek nane Gaibranthek de bajo migipho rey dun.

Bliathek 15:37

Barnabas ne Jon Marg shii de isa rog shii noh rui pha now,

Bliathek 17:17

Ji-è, ai ne Jewthek misiahò hà Jewthek nane Gaibranthek hanyie è Hamangkhung-aphuii shii sia ne rai pho rog yao ne rai, chiih-è, limiangthek pha ithua shii de bran hanyiethek è ji dong ne lua ruii pho shii de inai tham ne yao ne rai noh.

Bliathek 18:4

Phaul ne Jewthek misiahò hà idang Jewish Thung pha Inai shii wuii srane yao ne rai, chiih-è, Jewthek nane Grekhthek shii ai miyao ji izai now yi pha rek ne rai.

Bliathek 19:22

Ji-è, ai ne awai brapho nyi Thimothi nane Erasthus shii Mesidonia hà wuii ge, ji è thoh srane awai ne Asia du-ùa hà ishak bajo rai din marui.

Bliathek 19:29

Ji pha mua ne ji pha rajan shii zab yoi thog dun. Mesidonia pha bran nyi, Gaius nane Aristharkhus Phaul rog luagieng pho shii zum ne bran ithua ugud hà noh dun.

Bliathek 19:8

Phaul ne Jewthek misiahò hà wuii srane branthek shii habie uom thog dang pha gang rek ne yao. Ithek rog shii athodang pha khnaing srane ithek de Hamangkhung-aphuii pha Sajathua pha ji shii izai now yi pha yao ne rai.

Bliathek 9:20

Ai ne Jewthek misiahòthek hà wuii dang srane Isu ne Hamangkhung-aphuii pha dufuii ji ro è yao phi.

Kholosithek 4:10

Aristarchus, hanyie yi gu rog shii phatheg hà ro, nathek shii salamthek phi ro, chiih-è Marg è de rek ro, hanyie yi Barnabas ro khuiino ro. (Ai è nathek lumuii shii wuii arone nathek ne Marg shii wie ho pha muyuathek ne mua jong.)

2 Thimothi 4:11

Gu rog shii Lug bie. Marg shii sow ne na rog shii noh ruii bo, nyieliieshii ai ne gu ro blia shii nong mua.