Bliathek 11:30 - Iwo Surua Mua Wie Pha Bible

³⁰ Ithek è ji è than srane bang ji ne Judea pha charch pha dukhothek shii Barnabas nane Saul wad è ren ge.

Bliathek 11:30 ပူးပေါင်းရင်းမြစ်များ

Bliathek 12:1

Ji pha ishak shii ne Herod Saja ne charch pha migipho shii diig phi.

Bliathek 12:25

Barnabas nane Saul de awai sa shii boh pha bliathek rek ched marui ne Jon Marg shii noh ne Jerusalem è idoh dun thog din.

Bliathek 14:23

Ai è khinyama pha charchthek um pha shii ne charch pha dukhothek ne sia ne minyie de nyie srane hanyie shii isiie now pho shii Ithong pha blia rek yi pha boh ne thoh marui.

Bliathek 15:2

Phaul nane Barnabas ne ji pha chiang è ithek rog shii bajo khnaing noh, ji pha chiang ithek ne Phaul nane Barnabas chiih-è, Anthioch shii um pha Gaibranthek de ji pha miyao che ne riig yi pha Jerusalem hà rai pha guaphasamoy nane dukhothek shii wuii ge pha nung rai.

Bliathek 15:23

srane ithek shii zey pha jigigam ji phi ne thoh ge: “Gathek ne guaphasamoy nane dukhothek è hanyie Anthioch, nathek pha khuiinothek è, Syria nane Khilisia hà rai pha Gaibranthek pha è giak pha khuiinothek shii salam yao ne thoh ge ro.

Bliathek 15:4

Ithek è Jerusalem hà wuiithogmage shii, ithek è Hamangkhung-aphuii è khi-è rek ne ithek rog shii blia rek phi pha ji yao phi pha charch pho, guaphasamoy, nane dukhothek è wie wuii yi, chiih-è ithek è yao.

Bliathek 15:6

Guaphasamoy nane dukhothek ò maley jung srane ji pha miyao ji che ne yao.

Bliathek 16:4

Ithek jithek pha bajrai dong ne lua srane migipho shii Jerusalem shii guaphasamoy nane dukhothek è nung ne Iphey rab pha ji yao phi, chiih-è, ithek shii ji pha Iphey nuii ne rai pha yao marui.

Bliathek 20:17

Michiyous hà Phaul è Iphisus shii mua jia thoh ge, Charch pha dukhothek shii aishii si iang bo.

Bliathek 21:18

Ji pha thimiang duiine Phaul ne Jems shii si pha wuii dun; thiisa hà charch pha zab dukhothek de um iang.

Bliathek 4:36

Chiih è jine Joseph ro, hanyie yi Khaiphrus hà giak pha Lewithe ro guaphasamoy è Barnabas beng pha jia ro, (ji pha ibeng ne “Hanyie è luthong phi pha bran rone ibeng pha bran ro”),

1 Thimothi 4:14

Nyie chaigthek è yaojong pha nane dukhothek è wad nathek lakhung shii ruii shii nathek shii phijong pha ragung lasen ji shii asnai rabo.

1 Thimothi 5:17

Dukhothek hanyie è diig rek rone dumuii blia wie rek pho shii ne gai re-è huàk ne choi chid nyayaochak arone yao pho nane yua pho shii mua chid phro.

1 Thimothi 5:19

Dukhothek shii suang the pha ji shii ne nyi re-è muna khagithek oi sapho shii ne anuii rabo.

Thaidas 1:5

Jine nyieliieshii nane zab pha thawun shii Charch pha dukho bow srane ithek thuh de nyie chid pha ji mana shii khriig rek yi pha gune na shii Khrethe hà thoh marui. Gu è yao pha ji nowkhlei bo:

Jems 5:14

Nathek duchoi shii hanyie magunde rad muii bey? Ithek shii ne Charch pha dukhothek shii ho bo, ji-arone ithek ne Ithong beng è sumaro thiiliie shund ne misiasia ruii phro.

1 Phithar 5:1

Hanyie, gune gui è kho, nathek duchoi è charch pha dukhothek rone khung phro. Gune Masi ro diig pha khagi ro, chiih-è gune khia ruii pha biisiie ji thang ruii phro. Gu nathek shii khung

2 Jon 1:1

Dukhow è—Bimi nane ai aniphiing shii, hanyie shii gu è zai miie ithek shii zey. Chiih-è gu jia è asi bie ro, jishii zab hanyie yi zai è nathek shii miie rone ìd pho è ro,

3 Jon 1:1

Dukhow re-è— Guro miie pha Gaius shii, hanyie shii gu izai miie.