Bliathek 11:20 - Iwo Surua Mua Wie Pha Bible

²⁰ Jishii, giak migiphothek ne Khyphrus nane Khyrene è Anthioch hà wuii srane Gaibranthek shii de Ithong Isu pha Mua Wie ji yao phi.

Bliathek 11:20 ပူးပေါင်းရင်းမြစ်များ

Methiu 27:32

Ithek è fuang wuiiramuii shii Simon beng pha bran Syrene è wuii ruii pha jia shii si iang. Ji-è, siphaihithek è aishii de Isu bai ji bangchiie nuang ba yi.

JON ro Muawie 7:35

Jewish dumuii awaithek chung yao rai, “Gethek adoh mua pha khi pha ithua hà dun pha yao phlei? Ai ne gethek ro bran rai pha Grekh rajanthek hà dun ne Grekh shii yua habey?

Bliathek 11:19

Migipho hanyiethek è Sthephen shii ua ne diig phi pha bliathek è rum ne phoenisia, Khyphrus nane Anthioch hà yo ne rai dun pho è mua ji Jewthek shii yao ne rai bie.

Bliathek 11:22

Ji pha mua ne Jerusalem pha charch hà yoi thogmage ne Jerusalem pho è Barnabas shii Anthioch hà thoh ge.

Bliathek 11:26

Ai è Saul shii doh mage ne, ai è Saul shii Anthioch hà noh ne wuii noh ne ji pha idam ne Anthioch charch pha branthek shii si ne yua ne rai. Masipho rone beng phane Anthioch charch shii beng ne jao bi.

Bliathek 11:27

Ji pha ishak shii Jerusalem è chaig phothek de Anthioch shii wuii thog ruii.

Bliathek 13:1

Anthioch pha charch hà de giak chaigthek nane masdothek um iang: Ithek ne Barnabas, Simeon (Isiie beng pha), Khyrene pha Lusius, Manaen (hanyie shii Badri Herod rog shii noh pha bran) nane Saul ro.

Bliathek 14:26

Chiih è, isa ne thiisa è de dinne run shii in ne Anthioch hà, khi hà ithek è Hamangkhung-aphuii pha bushun è blia phi pha ji rek ched yi pha ithua hà dun thog din.

Bliathek 15:22

Ji-è, guaphasamoy nane dukhothek è charch pho rog dog srane giak bran shii gua srane Anthioch hà Phaul nane Barnabas rog shii thoh ge pha nung rai. Ithek è hanyie shii migipho è bajo ilab phi pha bran nyi, Judas Barsabas beng pha nane Silas shii gua

Bliathek 15:23

srane ithek shii zey pha jigigam ji phi ne thoh ge: “Gathek ne guaphasamoy nane dukhothek è hanyie Anthioch, nathek pha khuiinothek è, Syria nane Khilisia hà rai pha Gaibranthek pha è giak pha khuiinothek shii salam yao ne thoh ge ro.

Bliathek 15:30

Ji pha hamangkhliiethek ne thoh ne Anthioch hà wuii thog dun. Thiisa hà zab migipho khrab pha ji shii ji pha jigigam ithek shii phi.

Bliathek 17:18

Ephikhurean nane Sthoikh pha masdothek de ai rog shii khnaing noh. Thiichiih um pha bran giak è de aishii sai, “Bi-iy hì nyie arey pha yao ne doh yi pha bidiang phlei?” Gaithek è de chang din, “Ai ne gai thiigpho pha hamangkhung-aphuii chiang yao ramuii pha duiine ro.” Ithek è ji yao phane nyieliieshii, Phaul è Isu nane Isu hòi pha miyao ji yao mage ne yao dun ro.

Bliathek 18:22

Ai è Khaesarea thogmage shii, ai ne Jerusalem hà wuii srane charch pho shii salam yao marui, chiie-è Anthioch dun din dun.

Bliathek 2:10

chiih è, Phrygia nane Phamphylia, chiih è, Egyph nane libya pha thiig duchoi Syrene ithua moe pha thiig pho ro. Gethek giak ne Rom pho ro,

Bliathek 4:36

Chiih è jine Joseph ro, hanyie yi Khaiphrus hà giak pha Lewithe ro guaphasamoy è Barnabas beng pha jia ro, (ji pha ibeng ne “Hanyie è luthong phi pha bran rone ibeng pha bran ro”),

Bliathek 5:42

Inai tham ne Misiahò nane branthek hò bucho hà de ithek ne athodang pha Isu Masi pha Mua Wie ji yao yua ne rai dun ro.

Bliathek 6:1

Ìujia idoh shii, samoythek ne bajo rey ne dog mage shii Grekh yao pho Jewthek nane buyo è Jewthek yao ne ruii pho chung gui rai dun. Grekh yao pho Jewthek è yao, ithek misiungthek shii ne miithan ne athang pha snai muii ro.

Bliathek 6:5

Ji pha bran brogthek ne guaphasamoythek muyua ji wie than ne ji rek yi pha ilkhithek gua ne ruii phi. Jithek ne Sthephen, hanyie shii bajo migi nane Ragung So um pha bran, chiih-è, philiph, Phrochorus, Nikhanor, Thimon, Pharmenas nane Nikholaus Anthioch pha Gaibran, hanyie è Isu shii migi anow ba pha ibi shii Judaism shii migi now pha bran ro.

Bliathek 6:9

Ji è rek ne rai magungde, thiichiih shii Jewthek misiahò pha sey ne thoh pha branthek è aishii gidieg rek noh dun (hì ne ho pha duiine). Ithek ne Syrene nane Alezendria pha Jewthek ro. Ithek nane Khilisia, Asia ithua hà rai pha Jewthek è wuii srane Sthephen shii khnaing noh.

Bliathek 8:35

Ji-è, Philiph è aishii ji pha jigigam è jao srane Isu pha Mua Wie ji de yao phi.

Bliathek 8:5

Philiph ne Samaria pha rajan boh hà wuii dun srane Masi pha Mua ji thiichiih pha branthek shii yao.

Bliathek 9:20

Ai ne Jewthek misiahòthek hà wuii dang srane Isu ne Hamangkhung-aphuii pha dufuii ji ro è yao phi.

Bliathek 9:29

Ai è Grekh yao pha Jewthek shii de yao ne khnaing noh shii ithek è aishii ua pha rek dun.

1 Khorinthek 2:2

Gu nathek rog um ba shii, gune gui khani shii nowjong zab shii bia srane Isu Masi shii nane airo bai shii iy pha ji shii nowdang bie.

Galathithek 2:11

Jimagungde Phithar Anthioch wuiithok mage shii, gu è Phithar shii bran moe shii giung, nyieliieshii ai ne asi dang pha blia rek.

Iphisithek 3:8

Gune Hamangkhung-aphuii pha bran duchoi shii zab è ìu rey dun ro; thuh shii Hamangkhung-aphuii è gu shii Masi ne ajong pha lasen mathang rone Gaibranthek shii Mua Wie ji yi phi pha jo phi ro.